Luka 10:27 - Fulfulde Niger West

²⁷ Sey jannginoowo *Tawreeta oon jaabii, wi'i : —Hiɗir Alla Joomiraawo maa he ɓerne maa fuu he yonki maa fuu he semmbe maa fuu he hakkillo maa fuu. Ngiɗaa gondo maa no ngiɗirɗaa hoore maa.

Luka 10:27 ပူးပေါင်းရင်းမြစ်များ

Matta 19:19

Teddin inna maa he bammaa, ngiɗaa gondo maa no ngiɗirɗaa hoore maa.

Luka 10:26

Iisa jaabii mo, wi'i : —Ɗume winndaa nder *Tawreeta ? Ɗume njannguɗaa toon ?

Rooma 13:9

Ngam no winndaa wi'aa nder *Tawreeta : To yeenu, to ittu yonki goɗɗo, to wujju, to suuna ko goɗɗo. Tilsinooje ɗee he koriiɗe ɗeen fuu kawra nder tilsinoore wi'ude : Ngiɗaa gondo maa no ngiɗirɗaa hoore maa.

Galatiya 5:13

Banndiraaɓe, Alla noddi on ngam waɗa on rimɗuɓe. To muree accon dimɗinol mooɗon ngol laatanoo on daliila tokkude muuyɗe ɓanndu. Ndurwee ngol laatanoo on laawol hidde gollonodirde he ɓerne worre.

Ibrankooɓe 8:10

Ndaa, nde ɓeydake seɗɗa : Amaana mo ngaɗidanmi he ɓiɓɓe *Isra'el oon nii : Mi wattan tilsinooje am nder hakkillooji maɓɓe, mi winnda ɗe nder ɓerɗe maɓɓe, mi laatoo Alla maɓɓe, ɓe laatoo himɓe am.

Yakuuba 2:8

Nder *Tawreeta no winndaa wi'aa : Ngiɗaa gondo maa no ngiɗirɗaa hoore maa. Goonga non, nde on tokki tilsinoore mawne ndee, tilsinoore Laamu Alla, nde nii on tokkiri no nde wi'iri, on ngaɗii ko wooɗi.

1 Yahaaya 3:18

Sukaaɓe am, to hidde meeɗen jooɗoo dow ɗemle meeɗen tan, amma nde hi'ee goonga e goonga nder ko ngolluɗen.