Luka 10:21 - Fulfulde Niger West

²¹ Nder wakkati mum, *Ruuhu Ceniiɗo hebbini Iisa welwelo. Sey o wi'i : —Mi yettii ma, *Baabiraawo jom dow he ley. A suuɗanii jom'en hakkillo he anndal kujje ɗee fuu, amma a wannginanii ɗe sukaaɓe famarɓe. Mi yetti *Baaba, ngam kanƴum weli ma.

Luka 10:21 ပူးပေါင်းရင်းမြစ်များ

Matta 16:17

Nden Iisa wi'i mo : —Aan Simon ɓii-Yunuusa, a barkinaaɗo. Ngam hanaa ɓii-aadama wannginani ma ɗum, amma *Baabiraawo am gonɗo dow.

Matta 21:16

Sey ɓe mbi'i Iisa : —A nanii ko cukaloy koy mbi'ata naa ? Nden o jaabii ɓe, o wi'i : —Mi nani. Ndenne, on njanngaay baa nde worre nder dewte Alla to winndaa, wi'aa : A waɗi kunndule entaaɓe e musinooɓe no njette  ?

Matta 3:7

Wakkati o hi'unoo *Fariisa'en he *Sadduki'en heewɓe no ngara faa ngaɗanee *batisma, o wi'i ɓe : —Ɓiɓɓe bolle ! Moy wi'ii ndogganon tikkere Alla waroore ?

Markus 10:15

Goonga kaalananmi on, mo jaɓɓoraaki Laamu Alla hano no cukalel ngel jaɓɓoraa nii, joomum naatataa nder maggu.

Luka 15:5

Nde o hiitii ngu, o heewa welwelo, nden o wakkoo ngu, o yaara wuro.

Luka 15:9

Nde o hiiti tammal ngal, o hawran higiraaɓe makko rewɓe e wonndiraaɓe makko rewɓe, o wi'a ɓe : « Accee mbelnen ngam mi hiitii tammal am majjunoongal. »

Yahaaya 11:41

Ɓe itti hayre ndeen. Iisa tiggitii, wi'i : —*Baabiraawo, mi yettii ma ngam a hettinake kam.

2 Korintu 4:3

Nde nii tawaama ko *Habaru lobbo mo min mbaajoo oo no suuɗi, too wonɓe dow laawol halkere ngoni ɓe o suuɗanaa.

Efeesu 1:11

Nder kawtal meeɗen he Iisa *Almasiihu, Alla hokki en mbaka mo o fodani en, ngam o suɓake en illa arannde nder siri makko. Omo tabbintina huune fuu no o hiɗiri ɗum he no o muuyiri ɗum.

Efeesu 1:5

o hoddiri illa arannde, laatoɗen ɓiɓɓe makko daliila Iisa *Almasiihu. Ɗum wonnoo muuyɗe makko, ɗum duu woni ko weli mo.