Luka 1:32 - Fulfulde Niger West

³² O laatoto mawɗo, o noddirtee *Ɓii-Alla Toowɗo. Alla Joomiraawo hokkan mo laamu maamiiko Daawda.

Luka 1:32 ပူးပေါင်းရင်းမြစ်များ

Matta 1:1

Ɗum woni inɗe maamiraaɓe Iisa *Almasiihu, jippotooɗo he Daawda e *Ibrahim :

Matta 12:42

Nyannde darŋal, debbo laamiiɗo leydi hoore huɗo gom ummodoto he himɓe jamaanu hannden oo. O hiitodo he maɓɓe, o liɓa ɓe. Debbo oo ƴuwi faa to woɗɗi, wari ngam hettinaade haalaaji Suleymaanu keewɗi hikmaaku. Haya, ɓurɗo Suleymaanu nii ɗo !

Matta 28:18

O ɓadii, o wi'i ɓe : —Mi hokkaama baawɗe fuu tawaaɗe dow e ley.

Matta 3:11

Miin, ndiyam ngaɗirananmi on *batisma ngam hollude ko on tuubii. Amma garoowo gaɗa am oon, no ɓuri kam baawɗe. Mi fotaay baa ɓortude paɗe makko. Kanko, *Ruuhu Ceniiɗo e hiite o waɗiranta on *batisma.

Markus 14:61

Iisa deƴƴiti, wi'aay baa. Mawɗo *cakkanooɓe Alla oon ƴami mo kaden, wi'i : —Aan woni *Almasiihu, Ɓii-Alla Jom barke naa ?

Markus 5:7

Nden Iisa wi'i : —Ginnaaru bondu, takkita gorko oo. Sey ginnaaru bondu wonndu dow gorko oon huuɓi daane toowne wi'i Iisa : —Iisa *Ɓii-Alla Toowɗo, ɗume ngiɗaa waɗude kam ? Mi eeli ma ngam sabbu Alla, to torram !

Luka 1:15

O laatoto neɗɗo mawɗo yeeso Joomiraawo. O yarataa cabiijam e ko soptinta hoore fuu. O heewan *Ruuhu Ceniiɗo illa nder reedu inniiko.

Luka 1:35

Jibirilla jaabii mo, wi'i : —*Ruuhu Ceniiɗo no jippoto dow maaɗa, baawɗe Alla Toowɗo no huurete. Ngam majjum, ɓiɗɗo ceniiɗo mo ndimataa oon no noddirtee *Ɓii-Alla.

Luka 1:76

Aan duu, ɓinngel am, a noddirtee annabiijo Alla Toowɗo, ngam a ardoto Joomiraawo moƴƴinana mo laawol makko.

Luka 3:16

Nden Yahaaya wi'i ɓe : —Miin, ndiyam ngaɗirananmi on *batisma, amma ɓurɗo kam baawɗe no wara. Mi fotaay baa fiirtude ɓoggi paɗe makko. Kanko kay, *Ruuhu Ceniiɗo e hiite o waɗiranta on *batisma.

Luka 6:35

Amma onon, ngiɗee wayɓe mooɗon, ngaɗanon ɓe ko wooɗi. Nyalmee tawa on tammaay baafuy he maɓɓe, ngam Alla no wonnana ɓe njettataa, kam'en e bonɓe duu. Nde on ngaɗiri nii on keɓan baraaje mawɗe. On laatoto ɓiɓɓe Alla Toowɗo.

Yahaaya 12:34

Nden himɓe ɓeen njaabii mo mbi'i : —Winndaama nder *Tawreeta : *Almasiihu oon maayataa abada. Noy mbi'irtaa *Ɓii-Neɗɗo no ɓantetee dow ? Moy woni *Ɓii-Neɗɗo oo ?

Yahaaya 6:69

Min ngoonɗinii, miɗen anndi ko aan woni Ceniiɗo ƴuwɗo to Alla.

Golle Lilaaɓe 16:17

O tokki min, min e Pol, o tinni omo huuɓa, omo wi'a : —Himɓe ɓee, ɓe gollanooɓe Alla Toowɗo non. Laawol kisinam ɓe ngoni iɓe mbaajoo.

Golle Lilaaɓe 2:30

Ngam Alla waɗi mo annabiijo, omo anndi duu ko Alla hunake, waɗanii mo amaana, wi'i ko kam no dekan gooto nder jippotooɓe he makko dow jooɗorgal laamu.

Golle Lilaaɓe 2:36

—Ndenne Isra'ilankooɓe fuu, no kaani paama ko sikka fuu walaa Iisa mo tontuɗon oo, kanko Alla waɗi Joomiraawo, o waɗi mo duu *Almasiihu.

Golle Lilaaɓe 7:48

Dey Alla Toowɗo jooɗotaako nder suudu ndu ɓiɓɓe aadama nyiɓi hano no o wi'iri ɗum har kunndule annabiiɓe, wakkati o wi'unoo :

Rooma 1:4

Amma har *Ruuhu Ceniiɗo tabbintinaama ko o *Ɓii-Alla, wakkati mo nder baawɗe *Ruuhu Ceniiɗo o ummintina he maayde.

Bannginol 3:7

—Winndan maleykaajo hawriine goonɗinɓe Filadelfiya, mbi'aa mo : Lildal nii ƴuwngal to Ceniiɗo, Goongaajo, jogiiɗo omtirngel dammbugal laamu Daawda. Nde o omtii ngal walaa ommboowo ngal. Nde o ommbii ngal duu walaa omtoowo ngal.