Ibrankooɓe 8:8 - Fulfulde Niger West

⁸ Alla hi'i boofi keewɗi ɗi himɓe mum ngaɗi, nden feli ɓe wi'i : Miin Joomiraawo, miɗo wi'a on nyalaaɗe no ngaran, ɗe ngaɗidanmi he himɓe leydi *Isra'el, he himɓe leydi *Yahuuda amaana keso.

Ibrankooɓe 8:8 ပူးပေါင်းရင်းမြစ်များ

Matta 26:28

Ɗum woni ƴiiƴam am tabbintinoojam amaana Alla, ƴiiƴam ndufeteeɗam ngam hakkeeji himɓe heewɓe njaafee.

Markus 14:24

O wi'i ɓe : —Ɗum woni ƴiiƴam am, ƴiiƴam ndufeteeɗam ngam sabbu himɓe heewɓe, ƴiiƴam tabbintinoojam amaana Alla.

Luka 17:22

Sey Iisa wi'i *aahiiɓe mum : —Wakkati waran mo ngiɗɗon hi'ude *Ɓii-Neɗɗo baa nii nyalooma gooto non, amma on ngi'ataa mo.

Luka 22:20

Gaɗa ɓe kiirtake, Iisa hooƴi nyeɗerde cabiijam, yetti Alla, hokki ɓe, wi'i : —Nyeɗerde ndee woni amaana keso tabbintinaaɗo har ƴiiƴam am ndufeteeɗam ngam mooɗon.

Luka 5:38

Amma cabiijam kesam nder sumalleeji kesi haani loowee.

1 Korintu 11:25

Nden gaɗa ɓe kiirtake, o hooƴi nyeɗerde cabiijam, o wi'i ɓe : « Nyeɗerde ndee woni amaana keso tabbintinaaɗo har ƴiiƴam am. Ngaɗee iri nii he banndum wakkati fuu mo njarton cabiijam ngam miccitaade he am. »

2 Korintu 3:6

Kanko waɗi min fotuɓe laataade gollanooɓe amaana keso oon. Amaana oo duu sinngaaki dow tilsinooje binndaaɗe, amma dow *Ruuhu o sinngi. Tilsinooje binndaaɗe ɗee, kanƴe pooɗi neɗɗo yaari he maayde amma *Ruuhu kay hokkataana mbuurnam.

Ibrankooɓe 12:24

On ngari to Iisa gartirɗo potal hakkune himɓe he Alla ley amaana keso. Iisa mo ƴiiƴam mum rufaa, ƴiiƴam makko no waajoo en sanne ɓurde ƴiiƴam *Haabiila dufaaɗam.

Ibrankooɓe 7:22

Ngam sabbu hunayeere ndee, Iisa laatii tabbintinoowo amaana keso ɓurɗo amaana arano oon.

Ibrankooɓe 8:13

Wakkati o haali habaru amaana keso oo, o hiɗɗini amaana arano oon. Joonin kay, ko naywi faa hiɗɗi ɗum, ɓadake halkude.

Ibrankooɓe 8:6

Amma joonin, *Almasiihu halfinaa golle dewal, golle ɓurɗe ɗe maɓɓe wodde, ngam kanko watti amaana keso gonɗo hakkune himɓe he Alla. Amaana oo sinngaama dow podooje lobbe sanne.

Ibrankooɓe 9:15

Ko waɗi Iisa laatii gartiroowo potal hakkune himɓe he Alla, kam woni ko himɓe ɓe Alla noddi keɓa ndonu nduumiingu, ngu Alla he hoore mum fodanii ɓe nder amaana keso. Maayde Iisa wari rimɗini himɓe, waɗunooɓe hakke nder jamaanu amaana arano.