Ibrankooɓe 8:10 - Fulfulde Niger West

¹⁰ Ndaa, nde ɓeydake seɗɗa : Amaana mo ngaɗidanmi he ɓiɓɓe *Isra'el oon nii : Mi wattan tilsinooje am nder hakkillooji maɓɓe, mi winnda ɗe nder ɓerɗe maɓɓe, mi laatoo Alla maɓɓe, ɓe laatoo himɓe am.

Ibrankooɓe 8:10 ပူးပေါင်းရင်းမြစ်များ

Matta 22:32

Miin woni Alla *Ibrahim, Alla Isiyaaku, Alla Yakuuba. Nden Iisa ɓeydi wi'ude ɓe : —O Alla wuurɓe, o hanaa Alla maayɓe.

Rooma 11:27

Ɗum woni amaana am he maɓɓe, wakkati mo moytanmi hakkeeji maɓɓe.

1 Korintu 6:16

On anndaa ko neɗɗo fuu hawri he debbo jeenoowo, ɓanndu mum he ɓanndu debbo oo fuu ngartan ɓanndu worru. Ngam no winndaa, wi'aa : Ɓe fuu ɗiɗo, ɓe ngarta ɓanndu worru.

2 Korintu 3:3

Tabbat ɗerol ngol *Almasiihu halfini min dow laabi golle amin winndiraaka dawa, amma *Ruuhu Alla duumiiɗo ngol winndiraa. Ngol winndaaka dow alluuje kaaƴe, dow ɓerɗe mooɗon ngol winndaa.

Titus 2:14

O mursi yonki makko ngam yoɓude nyamaane nde hakke meeɗen rimani en, heɓa kisen bone fuu. O laaɓina en heɓa laatoɗen himɓe makko, kargiiɓe dow gaɗol golle lobbe.

Ibrankooɓe 11:16

Amma ɓe ndekii hakkillo maɓɓe dow nokkuure ɓurne wodde, nokkuure wonnde dow. Ngam majjum waɗi, ɗum semtinaaki to Alla, Alla noddiree Alla maɓɓe, ngam o siryanake ɓe huɓeere gom.

Yakuuba 1:18

Kanko muuyi, waɗi en ɓiɓɓe makko. Har haala makko goongaha, o waɗi en rimitaaɓe, ngam laatoɗen artuɓe nder ko o tagi fuu.

Yakuuba 1:21

Ndenne mboppee huune fuu ko tunninta on he ko wattata borondi nder ɓerɗe mooɗon. Leynee ko'e mon njaɓɓoɗon haala ka Alla aawi nder ɓerɗe mooɗon, ngam ika waawi hisinde yonkiiji mooɗon.

1 Piyer 1:23

Ngiɗodiree hidde mawne ngam Alla hokki on mbuurnam kesam nder barke haala makko mbuurka tabbitooka faa abada abadin.

1 Piyer 2:9

Amma onon, on suɓaaɓe Alla, on *cakkanooɓe Alla, gollanooɓe Laamiiɗo mawɗo. On lenyol ceniingol ngol Alla jeyii. Alla suɓake on ngam mbaajoɗon moƴƴere makko mawne. O wurtini on nimre, heɓa naaton nder jeyngol makko, jeyngol ngol walaa keddi.