Ibrankooɓe 5:7 - Fulfulde Niger West

⁷ Wakkati Iisa wonnoo nder duuniyaaru, o fiyi wullaanu mawnu, o rufi gonɗi, o waɗi du'aa'uuji. O eeli Alla, o eeliti mo ngam hisina mo maayde. Alla jaɓi du'aa'uuji makko, ngam he ɓerne worre o hokki hoore makko Alla.

Ibrankooɓe 5:7 ပူးပေါင်းရင်းမြစ်များ

Matta 27:46

Har yamnde tati juura, Iisa fii wullaanu mawnu, wi'i : Eli, Eli, lema sabaktani ? Kam woni : Yaa Alla am ! Yaa Alla am ! Ɗume waɗi ko mboppuɗaa kam ?

Matta 27:50

Iisa fii wullaanu mawnu kaden, sey o foofi foofaango makko sakitiingo.

Markus 15:34

Har yamnde tati juura, Iisa fii wullaanu mawnu, wi'i : —Eli, Eli, lema sabaktani ? Kam woni : Yaa Alla am ! Yaa Alla am ! Ɗume waɗi ko mboppuɗaa kam ?

Markus 15:37

Iisa fii wullaanu mawnu kaden, sey o foofi foofaango makko sakitiingo.

Luka 23:46

Iisa huuɓi huuɓaaŋo manngo, wi'i : —*Baaba, mi tummbi yonki am nder juuɗe maa. Gaɗa haalaaji ɗii, o foofi foofaango makko sakitiingo.

Yahaaya 1:14

Haala kaan laatake neɗɗo. Neɗɗo oon jooɗake hakkune meeɗen, o keewɗo moƴƴere e goonga. Min ngi'ii teddungal makko, hano teddungal ngal Ɓiɗɗo bajjo heɓata to *Baaba mum.

Yahaaya 11:35

Sey Iisa fusi gonɗi.

Yahaaya 11:42

Miin kay, miɗo anndi nyannde fuu aɗa hettinanii kam. Amma mi haaliri nii sabu himɓe dariiɓe ɓee, ngam ɓe ngoonɗina aan lili kam.

Yahaaya 17:1

Wakkati Iisa laaɓinani *aahiiɓe mum to fa'i, sey o tiggitii kammu, o wi'i : —*Baabiraawo, wakkati oo yonii, wanngin teddungal Ɓiya, faa Ɓiya duu wanngina teddungal maa.

Rooma 8:3

*Tawreeta waawaayno rimɗinde en ngam nder ɓii-aadamaaku meeɗen en ngalaa semmbe ɗowtanaade ko wi'aa nder mayre amma Alla rimɗini en. O lili Ɓiyiiko nder duuniyaaru ngam rimɗina en. O wari nder ɓanndu nanndunu he ɓanndu waɗooɓe hakke ngam o laatoo *sadaka ngam hakke. O sankita semmbe hakke gonɗo nder ɓalli meeɗen.

Galatiya 4:4

Amma nde wakkati mo Alla resi oon yottii, Alla lili Ɓiyum. Debbo gom rimi mo nder wakkati mo sariya *Tawreeta nawtortee.

1 Timote 3:16

Sikka fuu walaa, sirri diina meeɗen no mawni : *Almasiihu wannginaama hano tagaaɗo, *Ruuhu Alla dartinii mo, maleykaaɓe ngi'ii mo. O waajaama hakkune lenyi, o goonɗinaama nder duuniyaaru, nder teddungal o hooƴaama dow.

Ibrankooɓe 10:10

Wakkati Iisa *Almasiihu waɗunoo muuyɗe Alla ɗeen, en fuu en laaɓinaama he hakkeeji meeɗen. Ngam, o hokki ɓanndu makko laatanoo en *sadaka. O hokkii ndu gaba go'o faa abada abadin.

Ibrankooɓe 10:5

waɗi, wakkati *Almasiihu naatannoo duuniyaaru, o wi'i Alla : A hiɗaa hadiyaaji e sadakaaji kirseteeɗi, amma a waɗani kam ɓanndu ngam mi ɗowtane.

Ibrankooɓe 11:7

Nuhu, ngam goonɗinii waɗi o ɗowtani Alla cappiiɗo mo dow fii, garoowo mo o hi'aay. O waɗi ko Alla wi'i mo. O seki laana ndiyam kaan ngam o danna koreeji makko. O holli ko himɓe ngaɗi hakke. Ngam goonɗinol makko ngool, o laatii dartiiɗo to Alla.

Ibrankooɓe 12:28

Ngam majjum nde nii en keɓi laamu ngu yinngataako, kulen Alla, njetten mo, teddinen mo nder leesinaaku ngu o hiɗi.

Ibrankooɓe 13:20

Alla jom jam, ummintini Iisa he maayde, Joomiraawo meeɗen laatiiɗo duroowo baali mawɗo, dufuɗo ƴiiƴam mum, watti amaana keso duumotooɗo hakkune himɓe he Alla.

Ibrankooɓe 2:14

Ngam sukaaɓe ɓeen no ɓiɓɓe aadama, jom'en tewu he ƴiiƴam, ko tawa he maɓɓe fuu no tawa he makko. O wa'ii he maɓɓe ngam har maayde makko o jaalo Seyɗan jogiiɗo baawɗe maayde.

1 Yahaaya 4:3

Hunnduko fuu ko jaɓaay ko o laatake neɗɗo, hanaa *Ruuhu Alla wondi he makko, amma ganyo-Almasiihu kam wondi he makko. On naninoo habaru garol ganyo-Almasiihu, too joonin o yottake.

2 Yahaaya 1:7

Ngam majjinooɓe heewɓe cankitake nder duuniyaaru. Ɓe njaɓaay wi'ude ko Iisa *Almasiihu laatake neɗɗo. Laatiiɗo hano maɓɓe fuu, kam duu no majjinoowo, joomum no ganyo-Almasiihu.