Ibrankooɓe 3:5 - Fulfulde Niger West

⁵ *Muusa golli ngam seedanaade dow ko Alla wi'ata yahde yeeso. O laatake golloowo kolniiɗo hakkune jama'aare Alla fuu.

Ibrankooɓe 3:5 ပူးပေါင်းရင်းမြစ်များ

Matta 24:45

—Moy woni golloowo kolniiɗo, jom hakkillo ? Golloowo mo mawɗo mum halfini ɓaade mum, wi'i o hokka maccuɓe mum gom nyaamdu mum'en nder wakkati mo haani.

Matta 25:21

Sey joomiiko wi'i mo : « Gasii. A golloowo lobbo, kolniiɗo. Ngam a hilnake ko famɗi, mi halfinte ko ɗuuɗi. War naatu, mbelniden ! »

Luka 12:42

Sey Iisa jaabii mo, wi'i : —Moy woni golloowo kolniiɗo, jom hakkillo ? Golloowo mo mawɗo mum halfini hokka maccuɓe mum gom mbaka mum'en nyaamdu nder wakkati mo haani.

Luka 24:27

Nden Iisa famtini ɓe ko dewte fuu kaalunoo dow mum, illa nder *Tawreeta faa wara nder dewte annabiiɓe.

Luka 24:44

Nden o wi'i ɓe : —Wakkati ngondunoomi he mooɗon, mi wi'iino on no tilsi kujje ɗe *Tawreeta, dewte annabiiɓe e *Jabuura kaali dow am fuu kuuɓa.

Yahaaya 5:39

Oɗon pincitoo dewte ngam oɗon miila ko ɗe kokkan on mbuurnam nduumiiɗam. Kanƴe jaati ceedantoo kam.

Golle Lilaaɓe 28:23

Nden mawɓe *Yahudankooɓe kokki Pol nyalaane nde ɓe ngartoyta to makko. Wakkati nyalaane nde ɓe mbi'unoo ɓe ngartan ndeen yottii, *Yahudankooɓe heewɓe ngari to Pol weeri. Illa subaka kecco faa gaɗa kiraaɗe, Pol no waajoo ɓe dow filla Laamu Alla. Omo tuugo dow *Tawreeta Muusa he dewte annabiiɓe, ngam ɓe ngoonɗina Iisa.

Golle Lilaaɓe 7:37

*Muusa gooto oon duu wi'unoo Isra'ilankooɓe : Alla no lildan on annabiijo gom hano am, burtotooɗo hakkune mooɗon.

Rooma 3:21

Alla wanngini hannden laawol keɓol dartinaaku mum. Dartinaaku nguu hanaa har *Tawreeta, ngu heɓirtee baa nii ko *Tawreeta he dewte annabiiɓe ceedanake ngu.

1 Korintu 4:2

Amma ko hiɗaa he halfinaaɓe woni, ɓe laatoo hoolniiɓe.

1 Timote 1:12

Miɗo yetta Iisa *Almasiihu Joomi'en kokkuɗo kam baawɗe humnude golle makko. O hoolake kam ngam o suɓake kam mi ngollana mo.

Ibrankooɓe 1:1

Illa fil'ajal, kile keewɗe Alla haaldi maamiraaɓe meeɗen har annabiiɓe mum he har laabi iri-iriiji.

Ibrankooɓe 3:2

Alla suɓake mo. Har golle makko, o holli aadilaaku, ir aadilaaku ngu *Muusa holli hakkune jama'aare Alla.

Ibrankooɓe 3:4

Suudu fuu he nyiɓuɗo ɗum, amma nyiɓuɗo huune fuu oon woni Alla.

Ibrankooɓe 8:5

*Cakkanooɓe Alla ɓeen ngollata nder nokkuure tinndinoore en ko woni dow kammu. Wakkati *Muusa siryinoo waɗa *hukumuuru nduun, Alla wi'i mo : Tinnaa, waɗir huune fuu no kollirmaami ɗum dow waamnde.

Ibrankooɓe 9:24

*Almasiihu naataay nder nokkuure ɓurne senaade nde ɓii-aadama waɗi. Amma, nder nokkuure ɓurne senaade wonnde dow kammu o ƴeenyi, to o woni omo darani en yeeso Alla. Nokkuure ɓurne senaade nde juuɗe ɓiɓɓe aadama ngaɗaay ndeen, nokkuure tinndinoore nokkuure ɓurne senaade goonga e goonga wonnde dow kaamu non.

Bannginol 15:3

Iɓe njima jimol ngol *Muusa, maccuɗo Alla, yimunoo he jimol gaɗanangol Njawdiri ndiin, iɓe mbi'a : —Yaa Alla Joomiraawo, Jom baawɗe, golleeji maaɗa no mawni, iɗi kaayɗini ! Yaa Laamiiɗo laamorɗe fuu, laabi maa no dartiiɗi, ɗi goongaaji !