Ibrankooɓe 13:21 - Fulfulde Niger West

²¹ Alla hokka on baawɗe waɗude ko wooɗi no ɗum wa'i fuu, ngam ngaɗon muuyɗe makko. O wartira on ko welnanta mo ɓerne ngam Iisa *Almasiihu. Teddungal laatanoo Iisa *Almasiihu faa abada. Aamiin !

Ibrankooɓe 13:21 ပူးပေါင်းရင်းမြစ်များ

Matta 12:50

Gaɗoowo muuyɗe *Baabiraawo am gonɗo dow, kam woni dimdaaɗo am, kam woni inna am.

Matta 21:31

Nder maɓɓe moy waɗi ko bammum hiɗi ? Nden ɓe njaabii, ɓe mbi'i : —Arano oon. Sey Iisa wi'i ɓe : —Goonga kaalananmi on : Jaɓooɓe janngal he rewɓe fijooɓe no artan on nder Laamu Alla.

Matta 28:20

Njannginon ɓe, ɓe tokka ko mbi'umi on ɗum fuu. Paamee ko miɗo wondi he mooɗon wakkati fuu sey nyannde duuniyaaru timmi.

Matta 6:13

Taa accu min cii'ee, amma hisin min bonɗo oon. [Ngam laamu, baawɗe he teddungal no ngonani ma faa abada abadin. Aamiin !]

Matta 7:21

—Hanaa wi'ooɓe no mbi'itoo kam Joomiraawo mum'en fuu naatata nder Laamu Alla. Sey waɗooɓe muuyɗe *Baaba am gonɗo dow, ɓeen ngoni naatooɓe nder maggu.

Yahaaya 17:23

Miɗo wondi he maɓɓe, aɗa wondi he am, ngam ɓe laatoo gootum, faa duuniyaaru annda ko aan lili kam. Aɗa hiɗi ɓe duu hano no ngiɗirɗaa kam nii.

Yahaaya 7:17

Giɗɗo waɗude muuyo Alla fuu, no annditan nde waaju oo to Alla ƴuwi naa to am.

Rooma 11:36

Nde goonga, kanko tagi huune fuu. Huune fuu to makko ƴuwi, kanko duu jeyii huune fuu. Teddungal woodani Alla faa abada. Aamiin !

Rooma 16:27

Teddungal laatanoo Alla Jom hikmaaku. Teddungal woodani mo faa abada har Iisa *Almasiihu. Aamiin !

2 Korintu 9:8

Alla no waawi hokkude on iri moƴƴere fuu. Wakkati fuu keɓon nder huune fuu ko heƴata on faa hoddoo, ngam waɗirde ko hoddoto ɗum golle lobbe.

Galatiya 1:5

Teddungal laatanoo Alla faa abada abadin. Aamiin !

Efeesu 2:10

En gollal Alla lobbal sanne. Enen he ko'e meeɗen kanko waɗi en. Daliila kawtal meeɗen he Iisa *Almasiihu, o heyɗintinii en ngam ngollen golle lobbe, ɗe illa arannde o siryi ngaɗen.

Efeesu 2:18

Daliila *Almasiihu waɗi *Yahudankooɓe he ɓe kanaa *Yahudankooɓe fuu keɓi laawol darowaade yeeso Alla *Baabiraawo meeɗen nder balla *Ruuhu gooto.

Filipi 1:11

hebbinaa on golleeji dartiiɗi ƴuwɗi to Iisa *Almasiihu, ngam Alla teddinee, yettee.

Filipi 2:11

heɓa ɗemngal fuu seedoo ko Iisa *Almasiihu woni Joomiraawo, ngam Alla *Baabiraawo men teddinee.

Filipi 2:13

ngam Alla no golla nder ɓerɗe mooɗon ngam ngiɗon, ngaɗon ko weli mo.

Filipi 4:13

Miɗo waawi huune fuu ngam *Almasiihu cemmbinɗinoowo kam.

Filipi 4:18

Ko lilduɗon Epaforoditus ɗum heƴi, huumtii haajuuji am fuu, ɗum heƴi faa wittake. Kokkal mooɗon ngal laatake uurngol mbelngol hano cakkol lobbol ngol Alla jaɓi nii.

Koloosi 3:17

Huune fuu ko mbaawton haalude naa waɗude, kaalee ɗum naa ngaɗee ɗum dow innde Iisa *Almasiihu Joomiraawo meeɗen. Ngaɗee ɗum daliila makko, oɗon njetta Alla *Baaba meeɗen.

Koloosi 3:20

Onon sukaaɓe, ɗowtanee saarooɓe mooɗon nder huune fuu, ngam kanƴum weli Joomiraawo.

Koloosi 4:12

Epafaras, gollanoowo Iisa *Almasiihu, no yewta on. Kanko duu o ɓii-leydi mooɗon. Wakkati fuu omo tinni he du'aa'u ngam ndartoɗon, laatoɗon huuɓuɓe, waɗooɓe ko Alla hiɗi.

1 Tesalonika 3:13

Mi eeli Iisa *Almasiihu Joomiraawo meeɗen semmbinɗina on, laatoɗon himɓe ɓe ngalaa fuu ko jancirtee, himɓe seniiɓe yeeso Alla *Baabiraawo meeɗen nder wakkati mo o wardata he seniiɓe makko. Aamiin !

1 Tesalonika 4:3

Ko Alla hiɗi woni senaare mooɗon, faddaade ko'e mooɗon yahde he jeenu.

1 Tesalonika 5:23

Alla jom jam he hoore mum, wartira on senngo ngam hoore mum, reena neɗɗo mooɗon fuu, o reena ɓerne, yonki, e ɓanndu neɗɗo mooɗon ngam laatoɗon ɓe ngalaa fuu feloore gom nyannde gartol Iisa *Almasiihu Joomiraawo meeɗen.

2 Tesalonika 2:17

Mi eeli ɓe, ɓe pewna ɓerɗe mooɗon. Ɓe kebbina ɗe semmbe nder ko ngatton fuu he nder ko kaaloton fuu ngam ɗum laatoo ko wooɗi.

1 Timote 1:17

Alla Joomiraawo no gooto, oo laamiiɗo duumiiɗo. Buurɗo wakkati fuu mo hi'ataake. Teddungal e darja laatanoo mo faa abada abadin. Aamiin !

1 Timote 5:10

Iɓe kaani anndireede golle lobbe, marol sukaaɓe no wooɗiri, weernooɓe weerɓe, lootooɓe koyɗe goonɗinɓe, wallooɓe tawaaɓe nder ɓillaare, hiɗuɓe waɗude gollal lobbal fuu.

1 Timote 6:16

Kanko tan woni Duumotooɗo, jooɗiiɗo nder jeyngol ngol neɗɗo fuu suusaa ɓadaade. Neɗɗo fuu hi'iraay mo gite mum, walaa baawɗo hi'ude mo. Teddungal he baawɗe laatanoo mo faa abada abadin. Aamiin !

2 Timote 3:17

heɓa tokkuɗo Alla fuu tawee dow siri kuuɓuɗo ngam waɗude iri gollal lobbal fuu.

2 Timote 4:18

Joomiraawo no soptinan kam wakkati fuu he ir bone fuu, o nanniran kam jam nder laamu makko tawaangu nder kammu. Kanko jeyii teddungal faa abada abadin. Aamiin !

Ibrankooɓe 10:36

Munyal kaanuɗon, ngam waɗude ko Alla hiɗi, keɓon ko o fodani on.

Ibrankooɓe 12:23

On ngari nder hawriine goonɗinɓe Alla aranɓe, ɓe inɗe mum'en mbinndaa toon dow. On ngari to Alla kiitotooɗo himɓe fuu. On ngari to himɓe dartiiɓe, ɓe Alla waɗi huuɓuɓe.

Ibrankooɓe 12:28

Ngam majjum nde nii en keɓi laamu ngu yinngataako, kulen Alla, njetten mo, teddinen mo nder leesinaaku ngu o hiɗi.

Ibrankooɓe 13:16

To njeebee waɗude ko wooɗi. Cenndee ko njogiɗon, kokkaron ɓeeto. Ɗum woni *sadaka belɗo Alla.

1 Piyer 2:5

Onon duu, on kaaƴe buurɗe naforteeɗe nder nyiɓanol *Ruuhu Alla suudu semmbenteeru. On *cakkanooɓe Alla seniiɓe, waɗanooɓe Alla sadakaaji, ɗi *Ruuhu holliti, ɗi Alla jaaboto ngam sabbu Iisa *Almasiihu.

1 Piyer 4:2

Ndenne illa joonin nder balɗe koddaniiɗe on nder mbuurnam mooɗon, celee giɗaale himɓe heɓa tokkon muuyɗe Alla.

2 Piyer 3:18

Ɓeydee yahde yeeso nder moƴƴere e anndol Iisa *Almasiihu Joomiraawo meeɗen Kisinoowo meeɗen. Teddungal tabbita he makko illa joonin faa abada ! Aamiin.

1 Yahaaya 2:17

Duuniyaaru he muuyooji muuɗum fuu tabbitataa, amma gaɗoowo muuyɗe Alla duuman faa abada.

1 Yahaaya 3:22

O hokkan en huune fuu ko eeluɗen mo, ngam en tokki tilsinooje makko, eɗen ngaɗa ko weli mo.

Bannginol 4:6

Huune gom nannduɗum maayo, no rawni tar hano danndorgal, no weɗɗiti yeeso maggal. Kujje buurɗe nay gom, ɗe gite re'ataa no tawa yeeso e gaɗa mum'en fuu, ngatti jooɗorgal ngaal caka.

Bannginol 5:13

Nanumi kaden, tagaadi fuu tagaani, tawaani dow e ley, tawaani nder maayo, wondi ley beɗi leydi no yima no wi'a : « Yettoore, teddungal, darja e baawɗe laatanoo gonɗo dow jooɗorgal laamu oon. Ɗum laatanoo duu Njawdiri ndiin, faa abada abadin ! »

Bannginol 5:9

Iɓe njima jimol kesol, iɓe mbi'a : « Aan foti njaɓaa dewtere ndee, feŋitaa kaatimiije mayre, ngam a waranooma. Nder barke ƴiiƴam maaɗa, a wartiri potal hakkune Alla e himɓe mum, himɓe cuuɗi baaba feere-fereeji, haalooɓe ɗemle feere-fereeje, tawaaɓe nder lenyi feere-fereeji e leyɗe feere-fereeje.