Ibrankooɓe 12:3 - Fulfulde Niger West

³ Miccitee no Iisa munyiri nganyaandi ndi waɗooɓe hakke kolli mo, heɓa to tampiri helu ɓerɗe mooɗon.

Ibrankooɓe 12:3 ပူးပေါင်းရင်းမြစ်များ

Matta 11:19

*Ɓii-Neɗɗo duu wari, no nyaama, no yara, amma wi'aama : « Ndaaree neɗɗo oo, nyaamɗe he jarɗe tan adi hakkillo makko, o higo *jaɓooɓe janngal he waɗooɓe hakke ! » Dey goonɗinɓe anndal Alla no kolla nder mbuurnam mum'en ko laawol Alla no goonga.

Matta 12:24

Amma wakkati *Fariisa'en nanunoo ɗum ndeen, ɓe mbi'i : —Baawɗe Be'eljebul hooreejo ginnaaji, o riiwrata ɗi.

Matta 15:2

—Ɗume waɗi ko *aahiiɓe maaɗa tokkataa laabi finaa-tawaaji maamiraaɓe meeɗen ? Ɓe lootataa juuɗe maɓɓe fadde maɓɓe nyaamude.

Matta 21:23

Iisa naati nder *Juulirde mawne, omo waajoo. Sey hooreeɓe *cakkanooɓe Alla he mawɓe *Yahudankooɓe ɓadii mo, ƴami mo, mbi'i : —Baawɗe ɗeye ngaɗirtaa kujje ɗee fuu ? Moy hokki ma laawol waɗude ɗe ?

Matta 21:46

Ɓe tefi no ɓe nanngirta mo, amma ɓe kuli jama'aare ndeen, ngam nde adii mo o annabiijo.

Matta 22:15

Iɓe ɗon nii sey *Fariisa'en njehi ndawridowi no tunnirta Iisa ngam nanngude mo nder haalaaji mum.

Luka 14:1

*Nyalaane fowteteene gom, Iisa naati ɓaade hooreejo *Fariisa'en gom faa nyaama. Wonnooɓe nder ɓaade ndeen no kora mo ƴeewa ko o watta.

Luka 15:2

Sey *Fariisa'en e jannginooɓe *Tawreeta tinni no nguuntoo hakkune mum'en, no mbi'a : —Neɗɗo oo no jaɓɓo waɗooɓe hakke, omo nyaamda he maɓɓe !

Luka 16:14

Wakkati *Fariisa'en, suunaaɓe ceede ɓeen nanunoo ɗum, ɓe njaltinii mo.

Luka 2:34

Simeyon barkini ɓe, wi'i inniigel Mariyaama : —Cukalel ngeel, ngel giɗaangel, ngel wari liɓude ɗuɓɓe e umminde ɗuɓɓe nder *Isra'el. Ngel laatoto alaama Alla mo himɓe caloto.

Luka 5:21

Sey jannginooɓe *Tawreeta e *Fariisa'en tinni no mbi'a nder ɓerɗe mum'en : —Ɗume waɗi gorko oo no bonna innde Alla ? Moy waawi yaafaade hakke se hanaa Alla ?

Yahaaya 10:20

Ɗuɓɓe nder maɓɓe no mbi'a : —O kaaŋaaɗo kuɓɗo ! Ko saabii oɗon kettinanii mo ?

Yahaaya 18:22

Wakkati o wi'unoo nii, gooto nder dogariiɓe ɓeen no darii ɗon feenyii Iisa wi'i : —Nii nootortoɗaa mawɗo *cakkanooɓe Alla naa ?

Yahaaya 5:16

Mawɓe *Yahudankooɓe puɗɗi habdude Iisa ngam o nyawti gorko oo nder *nyalaane fowteteene.

Yahaaya 7:12

Himɓe ɗuɓɓe no nguuntoo dow makko. Gere no mbi'a : —Neɗɗo oo o lobbo ! Woɓɓe no mbi'a : —Aa'a, o majjinoowo himɓe.

Yahaaya 8:13

Sey *Fariisa'en mbi'i mo : —Aan, aɗa seedanoo hoore maa, seede maa hanaa goonga.

Yahaaya 8:52

Nden *Yahudankooɓe mbi'i mo : —Joonkay min tabbintini ko a laddaaɗo. *Ibrahim e annabiiɓe fuu maayi, dey aan, mbi'aa jogiiɗo haala maa fuu, maayataa abada.

Yahaaya 8:59

Ko Iisa haali haala kaa sey ɓe adi kaaƴe faa ɓe mbugoo mo. Amma o moli, o wurtii *Juulirde mawne ndeen.

Yahaaya 9:40

Woɓɓe nder *Fariisa'en wonɓe hadde makko, nanuɓe haala kaa, ƴami mo mbi'i : —Ndenne, min wumɓe naa ?

1 Korintu 15:58

Ndenne banndiraaɓe am horsuɓe, tarsinee faa wooɗa, to huune fuu jaaloo on. Wakkati fuu oɗon ɓeydoroo yahde yeeso nder golle Joomiraawo ngam oɗon anndi ko gollal ngal ngollanton Joomiraawo ngaal hanaa golle meere.

2 Korintu 4:1

Alla nder yurmeene mum hokki min golle ɗee, ngam majjum waɗi en kaana soƴƴoraade gaɗa.

2 Korintu 4:16

Ɓeydude teddinde Alla kam waɗi min ittataa tammude amin he makko. Baa nii nde tampiri amin no ɓeydoto non, min coƴƴortaako gaɗa ngam nyannde fuu Alla no heyɗintinaa semmbe ɓerɗe amin.

Galatiya 6:9

To en comu waɗude ko wooɗi. Ngam nde nii en comaay, en kettan nyannde fuu wakkati oon waɗi.

2 Tesalonika 3:13

Banndiraaɓe, to comee waɗude ko wooɗi.

Ibrankooɓe 12:2

En ndeku gite meeɗen dow Iisa, omtanɗo en laawol goonɗinde Alla, balloowo en goonɗinol meeɗen huuɓa cap. Ngam belɗum ɓerne nde o heɓata, waɗi o suusi maayde dow *leggal bardugal. O wannaaka semteene nde o yarata ngam maayde makko dow maggal. Joonin, omo jooɗii nyaamo jooɗorgal Laamu Alla.

Ibrankooɓe 12:5

On njeggitii haala cemmbinɗinooka, iri haala ka baaba haalanta ɓiyum, no wi'a : Ɓiyam, taa yawa eeltol Joomiraawo, taa nanu naawɗum, se o felii ma.

Ibrankooɓe 3:1

Banndiraaɓe seniiɓe, onon heɓuɓe Alla noddi ɗum'en ngam kawton he muuɗum dow kammu, ndekee hakkillooji mooɗon dow Iisa *Almasiihu. Alla lili mo ngam o laatoo mawɗo *cakkanooɓe mum, mawɗo *cakkanooɓe mo mbi'eten himɓe fuu en tokki.

1 Piyer 2:23

Wakkati ɓe njennunoo mo, o yottitaaki. Wakkati ɓe kollunoo mo bone, o wi'aay neɗɗo fuu o yoptoto. Amma Alla, kiitirtooɗo dartinaaku he mum o halfini hoore makko.

Bannginol 2:3

Miɗo anndi ko a munyi, ngam barke innde am. A yari bone, a soƴƴoraaki gaɗa.