Ibrankooɓe 1:4 - Fulfulde Niger West

⁴ Nii waɗi ko Iisa ɓuri maleykaaɓe fuu manngu hano no innde nde o hokkaa ndee ɓurdi inɗe maɓɓe.

Ibrankooɓe 1:4 ပူးပေါင်းရင်းမြစ်များ

Efeesu 1:21

Ndenne, *Almasiihu no heedani huune fuu dow, nde laamu non naa nde semmbe gom non, nde ardiiɗo non no semmbe mum foti fuu. Innde fuu hokketeene, innde makko ɓuri ɗum. Kanko heedani ɗe dow nder duuniyaaru nduu, kanko duu heedanta ɗe dow nder duuniyaaru warooru.

Koloosi 1:18

Kanko woni hoore hawriine goonɗinɓe mo, laatiine ɓanndu makko. Kanko woni wuddu mayre, kanko duu woni arano maayɗo, ummitii, ngam wartude ardiiɗo nder huune fuu.

Koloosi 2:10

Kanko woni hooreejo laamu fuu e baawɗe fuu. Onon duu, nder kawtal mooɗon he makko mbuurnam mooɗon fuu huuɓi.

2 Tesalonika 1:7

Amma onon wonɓe no torree joonin ɓee, en fuu, minen he mooɗon, o hokkowan en powtiri nyannde Iisa *Almasiihu Joomiraawo meeɗen wanngata nder ɗemle hiite, wara ƴuwa dow, kanko he maleykaaɓe makko jom'en baawɗe.

Ibrankooɓe 1:9

Aɗa hiɗi dartinaaku, aɗa wanyi oonyaare. Ngam majjum waɗi, o wi'i : Miin, Alla Joomiraawo suɓii ma, wujii ma nebbam, hokki ma belɗum ɓerne ɓurde wonndiraaɓe ma fuu.

Ibrankooɓe 12:17

Oɗon anndi gaɗa mum, o yehii to baabiiko ngam barkina mo, amma baabiiko salii. O tefi fuu no o waɗata ngam baabiiko heɓa moƴƴere gom hokka mo, amma meere. Baa nii ko o woyi walaa ko ɗum nafi.

Ibrankooɓe 2:9

Ko ngi'uɗen woni Iisa mo leesinaa ley maleykaaɓe nder wakkatiyel seɗɗa, kam nii joonin mellaa darja e teddungal ngam sabbu torra maayde ka o yari. Ndenne, nder moƴƴere Alla o maayi ngam ɓiɓɓe aadama fuu.

1 Piyer 3:22

Iisa *Almasiihu ƴencinaama, omo jooɗii nyaamo Alla. Omo laami maleykaaɓe, laamiiɓe e wooduɓe baawɗe fuu.