Golle Lilaaɓe 17:3 - Fulfulde Niger West

³ Omo famtina ɓe, omo holla ɓe duu ko Dewtere Seniine wi'i no haani *Almasiihu oon torree, nden o ummintinee. Omo wi'a ɓe ko Iisa oo woni *Almasiihu oon.

Golle Lilaaɓe 17:3 ပူးပေါင်းရင်းမြစ်များ

Luka 24:32

Nden ɓe mbi'odiri : —Wakkati o haaldannoo en dow laawol, omo famtina en ko dewte Ceniiɗe mbi'i, en nani belɗum nder ɓerɗe meeɗen.

Luka 24:44

Nden o wi'i ɓe : —Wakkati ngondunoomi he mooɗon, mi wi'iino on no tilsi kujje ɗe *Tawreeta, dewte annabiiɓe e *Jabuura kaali dow am fuu kuuɓa.

Luka 24:46

O wi'i ɓe : —Nii ɗum winndiraa : No tilsi *Almasiihu torree faa maaya, ummitoo nyalaane tataɓere.

Yahaaya 20:9

Tawi faa hannden ɓe paamaay ko sappanoo nder dewte mbi'u ɗum Iisa no haani ummitaade.

Golle Lilaaɓe 1:4

Nyannde gom wakkati o nyaamidanoo he maɓɓe o fooɗi hakkillo maɓɓe o wi'i ɓe : —To ndillee nder *Ursaliima, amma njooɗee keɗoɗon alkawal ƴuwanngal to *Baaba am ngal kaalanannoomi on,

Golle Lilaaɓe 18:28

Ngam waawde haala, omo yedda *Yahudankooɓe, omo liɓa ɓe yeeso himɓe. Omo tuugo dow haalaaji dewte Ceniiɗe, omo holla himɓe ko sikka fuu walaa Iisa woni *Almasiihu mo Joomiraawo suɓii.

Golle Lilaaɓe 18:5

Garki Silas e Timote ƴuwde Makedoniya, hokki Pol laawol wattude semmbe mum fuu he golle waaju, he tabbintinande *Yahudankooɓe ko Iisa woni *Almasiihu.

Golle Lilaaɓe 3:18

Amma Alla humni haala ka o wi'unoo har kunndule annabiiɓe makko dow Iisa, wakkati ɓe mbi'unoo ko *Almasiihu no torretee.

Golle Lilaaɓe 9:22

Wakkati fuu mo o waajotoo, omo holla himɓe wuro ngoon, ko sikka fuu walaa Iisa woni *Almasiihu Alla faa joonkay ɓe mbaawtaa mbi'i goɗɗum kaden.

Galatiya 3:1

Hey onon himɓe Galatiya, ko'e mooɗon cottii naa ? Moy korti on ? Mi holli on faa laaɓi tar maana tontol Iisa *Almasiihu.