Filipi 2:6 - Fulfulde Niger West

⁶ Baa ko omo nder nanndi Alla, o miilaay fonndude hoore makko he Alla hano ko o haani teetude.

Filipi 2:6 ပူးပေါင်းရင်းမြစ်များ

Matta 1:23

Surbaajo mo anndaa gorko saawan, nden rima ɓiɗɗo gorko. O innditiree Imanuwel. Maana innde ndee woni : « Alla no wondi he meeɗen ».

Yahaaya 1:18

Baa gooto hi'aay Alla abada, amma Ɓiɗɗo bajjo gonɗo Alla, korsuɗo kawtuɗo he *Baabiraawo, faamini en mo.

Yahaaya 10:30

Miin e *Baabiraawo fuu, min go'o.

Yahaaya 10:33

*Yahudankooɓe njaabii mo mbi'i : —Hanaa ngam golle lobbe min ngiɗi warirde ma kaaƴe. Ko waɗi miɗen ngiɗi warude ma woni a famɗini Alla. Aan a tagaaɗo, dey a adi hoore maa Alla.

Yahaaya 10:38

Amma se miɗo waɗa ɗi, baa se on ngoonɗintaa kam, ngoonɗinee golleeji ɗii, ngam paamon, njaɓon duu no wooɗiri ko *Baabiraawo no wondi he am, miɗo wondi he makko.

Yahaaya 14:28

On nanii nii ko mbi'umi on : Mi yahan, mi wartan to mooɗon. Se oɗon ngiɗunoo kam, on mbelnan dow jaaki am to *Baabiraawo, sabu kanko ɓuri kam manngu.

Yahaaya 14:9

Iisa wi'i mo : —Filipa, no ɓooydirmi he mooɗon nii fuu, a anndaa kam naa ? A anndaa ko giiɗo kam fuu, hi'i *Baabiraawo naa ? Noy mbaawɗaa wi'ude hollu min *Baabiraawo ?

Yahaaya 17:5

Joonkay, *Baabiraawo, teddinam teddungal ngal ngoodunoomi to maaɗa illa duuniyaaru tagaaka.

Yahaaya 20:28

Tomas jaabii mo wi'i : —Joomam, Alla am.

Yahaaya 5:18

Haalaaji ɗi Iisa haali ɗii waɗi mawɓe *Yahudankooɓe adi anniya warude mo. Hanaa ngam o bonnii *nyalaane fowteteene tan, amma ngam o wi'i Alla woni Baabiiko duu. Ndenne o fonnii hoore makko he Alla.

Yahaaya 5:23

ngam himɓe fuu teddina Ɓiɗɗo oon hano no ɓe teddinirta *Baabiraawo. Neɗɗo fuu mo teddinaay Ɓiɗɗo oon, teddintaa *Baabiraawo lilɗo mo oon duu.

Rooma 9:5

O itti ɓe he maamiraaɓe *Yahudankooɓe mawɓe anndaaɓe. *Almasiihu har ɓii-aadamaaku mum ƴuwi he lenyol ngool. Kanko woni Alla laamiiɗo dow huune fuu. Jettooje ngoodani mo faa abada. Aamiin !

2 Korintu 4:4

Wonɓe dow laawol halkere ɓee ngoni ɓe ngalaa goonɗinol ngam Ibiliisa laamiiɗo bonɗo, laamiiɗo duuniyaaru wumni ɓerɗe maɓɓe heɓa to ɓe ngi'u jeyngol *Habaru lobbo kolloowo teddungal *Almasiihu, nanndi Alla.

2 Korintu 8:9

Fotaay kaalaneɗon, oɗon anndi hidde nde Iisa *Almasiihu Joomiraawo meeɗen waɗi. O diikuɗo amma o waɗi hoore makko talka, ngam wadde on riikuɓe.

1 Timote 1:17

Alla Joomiraawo no gooto, oo laamiiɗo duumiiɗo. Buurɗo wakkati fuu mo hi'ataake. Teddungal e darja laatanoo mo faa abada abadin. Aamiin !

1 Timote 3:16

Sikka fuu walaa, sirri diina meeɗen no mawni : *Almasiihu wannginaama hano tagaaɗo, *Ruuhu Alla dartinii mo, maleykaaɓe ngi'ii mo. O waajaama hakkune lenyi, o goonɗinaama nder duuniyaaru, nder teddungal o hooƴaama dow.

Titus 2:13

Hano nii mbaawirɗen dekude gokka no wooɗiri dow bannginol teddungal Alla meeɗen mawɗo e Kisinoowo meeɗen Iisa *Almasiihu.

Ibrankooɓe 1:3

Kanko laatii annuura mawɗo kolloowo teddungal Alla. Omo nii no Alla wa'i goonga e goonga. Har haala makko ngooduka baawɗe, omo dawrana huune fuu. Gaɗa ko o laatii laawol laaɓinol himɓe yahde he hakkeeji mum'en, o ƴencinaa, o jooɗowi nyaamo Alla Jom baawɗe e teddungal.

Ibrankooɓe 1:6

Wakkati o lilannoo Afo makko oo nder duuniyaaru, o wi'i : Maleykaaɓe makko fuu cujidana mo.

Ibrankooɓe 1:8

Amma dow Ɓiyiiko, o wi'i : Aan a Alla hano am, laamu maa duuman faa abada abadin ! Sawru potal woni sawru ndu laamortoɗaa.

Ibrankooɓe 13:8

Iisa *Almasiihu, no wontirnoo keeŋa, non o woniri hannden, non duu o jooɗorto faa abada abadin.

Bannginol 21:6

Huune fuu timmi ! Miin woni fuɗɗorde miin woni timmoode. Miin woni arano, miin woni cakitiiɗo. Neɗɗo fuu ɗomɗuɗo, mi hokkan ɗum forba ndiyam mbuurnam.