Filipi 2:11 - Fulfulde Niger West

¹¹ heɓa ɗemngal fuu seedoo ko Iisa *Almasiihu woni Joomiraawo, ngam Alla *Baabiraawo men teddinee.

Filipi 2:11 ပူးပေါင်းရင်းမြစ်များ

Matta 10:32

Neɗɗo fuu bi'uɗo no anndi kam yeeso himɓe, miin duu, mi annditan ɗum yeeso *Baaba am gonɗo dow.

Luka 2:11

Hannden nder wuro Daawda on ndimanaama Kisinoowo, kanko woni *Almasiihu, Joomiraawo.

Yahaaya 12:42

Amma baa ko nii waɗi ɗuɓɓe nder hooreeɓe *Yahudankooɓe ngoonɗinii Iisa. Dey ngam kulal *Fariisa'en waɗi ɓe ceedanaaki mo ngam to ɓe ndiiwee nder *waajordu.

Yahaaya 13:13

Oɗon noddira kam Moodibbo e Joomiraawo. On penaay, sabu miin woni ɗum fuu.

Yahaaya 13:14

Ndenne, se miin gonɗo Joomiraawo e Moodibbo mooɗon, se mi lootii koyɗe mooɗon, onon duu oɗon kaani lootodirde koyɗe.

Yahaaya 14:13

Mi waɗanan on huune fuu ko eelirɗon innde am. Mi waɗan ɗum ngam *Baabiraawo teddinee sabu Ɓiɗɗo oon.

Yahaaya 14:23

Iisa jaabii mo wi'i : —Giɗɗo kam fuu no golliran haala am, *Baaba am duu hiɗan ɗum. Miin e *Baabiraawo, min ngardan to joomum, min cinnga jooɗorɗe amin to makko.

Yahaaya 17:1

Wakkati Iisa laaɓinani *aahiiɓe mum to fa'i, sey o tiggitii kammu, o wi'i : —*Baabiraawo, wakkati oo yonii, wanngin teddungal Ɓiya, faa Ɓiya duu wanngina teddungal maa.

Yahaaya 20:28

Tomas jaabii mo wi'i : —Joomam, Alla am.

Yahaaya 5:23

ngam himɓe fuu teddina Ɓiɗɗo oon hano no ɓe teddinirta *Baabiraawo. Neɗɗo fuu mo teddinaay Ɓiɗɗo oon, teddintaa *Baabiraawo lilɗo mo oon duu.

Yahaaya 9:22

Saarooɓe makko njaaborake nii sabu iɓe kula mawɓe *Yahudankooɓe. Ngam ɓe potii dow ko neɗɗo fuu goonɗini ko Iisa woni *Almasiihu, ɓe ndiiwan joomum nder *waajordu.

Golle Lilaaɓe 10:36

Alla lildi haala mum dow ɓiɓɓe *Isra'el fuu. O waɗani ɓe filla *Habaru lobbo, Habaru jom jam har Iisa *Almasiihu, Joomiraawo himɓe fuu.

Golle Lilaaɓe 2:36

—Ndenne Isra'ilankooɓe fuu, no kaani paama ko sikka fuu walaa Iisa mo tontuɗon oo, kanko Alla waɗi Joomiraawo, o waɗi mo duu *Almasiihu.

Rooma 14:11

Ngam no winndaa wi'aa : Mi hunorake hoore am, miin Joomiraawo, howru fuu hofoto yeeso am, ɗemngal fuu jaɓan wi'a miin woni Alla.

Rooma 14:9

*Almasiihu maayaana ummitii ngam o laatoo Joomiraawo wuurɓe he maayɓe fuu.

Rooma 15:9

O wari duu ngam ɓe kanaa *Yahudankooɓe teddina Alla ngam Alla no jom yurmeene, hano no ɗum winndiraa wi'aa : Hakkune ɓe kanaa *Yahudankooɓe mi wi'an ko a Joomiraawo, mi yimante ngam teddinde innde maaɗa.

1 Korintu 12:3

Paamee ko neɗɗo fuu mo *Ruuhu Alla ɗowi waawaa wi'ude Iisa no kuɗaaɗo. Kaden duu neɗɗo fuu mo *Ruuhu Ceniiɗo ɗowaay waawaa wi'ude Iisa no Joomiraawo.

1 Korintu 15:47

Arano oon sollaare tagiraa, amma ɗiɗaɓo oon kay dow ƴuwi.

1 Korintu 8:6

Amma to meeɗen, Alla gooto tan woodi, *Baabiraawo taguɗo huune fuu, ngam makko duu mbuurɗen. Joomiraawo gooto duu woodi, Iisa *Almasiihu, mo har mum huune fuu tagaa, mo har mum duu ngonɗen eɗen mbuura.

1 Piyer 1:21

Har makko ngoonɗinirton Alla, ummintinɗo mo he maayde, hokki mo teddungal. Ngam majjum waɗi goonɗinol mooɗon, he tammude mooɗon no haani tawee dow Alla.

1 Yahaaya 4:15

Neɗɗo fuu jaɓuɗo ko Iisa no *Ɓii-Alla, too joomum no wondi he Alla, Alla duu no wondi he joomum.

1 Yahaaya 4:2

Ndaa no annditirten *Ruuhu Alla nii : Hunnduko fuu jaɓi ko Iisa *Almasiihu laatake neɗɗo, too *Ruuhu Alla no wondi he makko.

2 Yahaaya 1:7

Ngam majjinooɓe heewɓe cankitake nder duuniyaaru. Ɓe njaɓaay wi'ude ko Iisa *Almasiihu laatake neɗɗo. Laatiiɗo hano maɓɓe fuu, kam duu no majjinoowo, joomum no ganyo-Almasiihu.

Bannginol 3:5

Jaaliiɗo no ɓornetee kolte daneeje. Mi moytataa innde joomum nder dewtere mbuurnam faa abada abadin. Wakkati ndartoomi yeeso *Baaba am he maleykaaɓe mum mi wi'an neɗɗo oo, miin jeyii mo.