Filipi 1:30 - Fulfulde Niger West

³⁰ On naatii nder habdo ngo ngi'unoɗon miɗo waɗa e ngo nanuɗon miɗo haɓee dow mum faa jooni.

Filipi 1:30 ပူးပေါင်းရင်းမြစ်များ

Yahaaya 16:33

Mi haalanii on ɗum, ngam keɓon jam nder kawtal mooɗon he am. Oɗon ngondi he torra nder duuniyaaru. Amma cemmbiɗee, sabu mi jaalake duuniyaaru.

Filipi 1:13

Ngam hakkiltooɓe kasu ɓeen fuu e himɓe nokkuuje ɗuɗɗe no anndi ko mi uddaama ngam goonɗinol am nder *Almasiihu.

Koloosi 1:29

Golle majjum ndurwananmi keddi semmbe e baawɗe *Almasiihu gonɗe no ngolla faa noy walaa nder am.

Koloosi 2:1

Miɗo hiɗi anndon durwo manngo ngo ndurwanmi daliila mooɗon, daliila himɓe Lawdikiya he ɓe ngi'aay kam abada.

1 Tesalonika 2:2

Fadde amin warde to mooɗon, min torraama, min njennaama nder huɓeere Filipi. Amma Alla hokki min semmbe waajaade *Habaru mum lobbo he cuusal hakkune mooɗon baa nii ko himɓe heewɓe no he haɗude ɗum.

1 Timote 6:12

Durwu durwo gasungo ngam goonɗinol. Tiɓinaa mbuurnam nduumiiɗam ɗam Alla noddani ma, wakkati kokkunoɗaa ceedaaku lobbu yeeso himɓe ɗuɓɓe.

2 Timote 4:7

Mi durwii durwo gasungo. Mi yottake keerol doggudu am. Mi jogake goonɗinol am.

Ibrankooɓe 12:1

Enen wonɓe no tummbi caka goonɗinɓe re'ataa, holluɓe noy goonɗinol mum'en foti eɗen kaani woppude donngal fuu goongal no haɗa en yahde yeeso. Accen waɗude hakke fuu gonɗe no jiiɓa en, tittinkinoɗen illa fuɗɗorde nder ko ƴameɗen, faa njottoɗen he timmoode majjum.

Ibrankooɓe 12:4

Habdo mooɗon he hakke, heewtaaki to ndufoton ƴiiƴam ginan.

Bannginol 12:11

Daliila ƴiiƴam Njawdiri ndiin, banndiraaɓe meeɗen goonɗinɓe ɓeen njaali Ibiliisa. Seedaaku maɓɓe ngu ɓe ngaɗi dow makko waɗi ɓe njaalii Ibiliisa. Ɓe ngiɗaay yonkiiji maɓɓe faa to ɓe kulataa maayde.