Efeesu 4:29 - Fulfulde Niger West

²⁹ To haala mbonka fuu wurto nder kunndule mooɗon. Kaalee ko wooɗi tan, ko nafata, ko semmbinɗinta neɗɗo, ko rimanta wonɓe no ndeki gite dow mooɗon, moƴƴere.

Efeesu 4:29 ပူးပေါင်းရင်းမြစ်များ

Matta 5:16

Hano non jeyngol mooɗon haani yaynirde yeeso himɓe, ngam ɓe ngi'a golleeji lobbi ɗi ngatton, nden ɓe njetta Baabii'on gonɗo dow.

Luka 4:22

Ɓe mani mo ɓe fuu. Haalaaji lobbi burtiɗi nder hunnduko makko ɗiin duu haayɗini ɓe. Nden ɓe mbi'i : —Hanaa o ɓii-Yusufu naa ?

Yahaaya 1:37

Aahiiɓe ɗiɗo ɓeen nani ko o haali ɗum, tokkitii Iisa.

Rooma 14:19

Ndenne, en tefu ko ɓeydata jam hakkune meeɗen. Neɗɗo fuu tefa ko semmbinɗinta goonɗinol banndum.

Rooma 15:2

Neɗɗo meeɗen fuu tefa ko welata ɓerne banndum goonɗinɗo ngam semmbinɗina mo nder goonɗinol makko.

1 Korintu 14:19

Amma nder hawriine goonɗinɓe Iisa, mi haala konngi joy paamtiniiɗi heɓa woɓɓe duu ekkito no ɓurani kam, mi haala konngi ujunaaji sappo (10 000) nder ɗemle feere-fereeje ɗe pamtinaaki.

Efeesu 4:12

O waɗi ɗum ngam siryaade himɓe Alla golla golle makko heɓa tokkuɓe mo cemmbiɗaa.

Efeesu 4:16

Daliila makko waɗi hawriine goonɗinɓe kappa kuula mum nanngodiri, laatii hano ɓanndu worru. Nde nii terɗe ɓanndu fuu no nanngodiri, no ngolla no haaniri. Too, ɓanndu nduun fuu semmbiɗan, nyiɓo nder hidde.

Koloosi 4:6

Accee duu haala mooɗon laatoo wakkati fuu haala pewnooka ɓerne, haala lamsuka, ngam keɓon no nootoriɗon gooto maɓɓe fuu.

1 Tesalonika 5:11

Ndenne cemmbinɗinodiree, mballodiree nder yaadu yeeso hakkune mooɗon hano no ngonɗon oɗon ngaɗa.

1 Piyer 2:12

Ngaɗee ko wooɗi hakkune ɓe ngoonɗinaay, heɓa nder ko ɓe pelata on fuu, ɓe ngi'a golleeji mooɗon lobbi, ɓe teddina Alla nyannde o wanngani ɓe.

1 Piyer 3:1

Onon rewɓe goonɗinɓe, neɗɗo mooɗon fuu ɗowtanoo gorum, ngam baa nde nii no woodi hakkune mooɗon ɓe goriraaɓe mum'en ngoonɗinaay haala Alla, goriraaɓe ɓeen ngi'an no mbuurnam mooɗon ndartori he no teddinirton goriraaɓe mooɗon. Jikku mooɗon waɗa ɓe ngoonɗina, baa nii ɓe njeccanaaka.

2 Piyer 2:18

Iɓe ndonndo ko'e dow haalaaji meereeji. Iɓe nawtoroo muuyɗe bonɗe, iɓe eyta ɓe ɓooyaay hisineede, wonnooɓe no ngaɗa hakke.