2 Korintu 3:3 - Fulfulde Niger West

³ Tabbat ɗerol ngol *Almasiihu halfini min dow laabi golle amin winndiraaka dawa, amma *Ruuhu Alla duumiiɗo ngol winndiraa. Ngol winndaaka dow alluuje kaaƴe, dow ɓerɗe mooɗon ngol winndaa.

2 Korintu 3:3 ပူးပေါင်းရင်းမြစ်များ

Matta 16:16

Sey Simon Piyer jaabii mo, wi'i : —Aan, a *Almasiihu, *Ɓii-Alla duumiiɗo.

1 Korintu 3:5

Moy woni Apolos ? Moy woni Pol ? Min fuu ɗiɗo, min gollanooɓe Alla, ɓe daliila mum'en laatiɗon goonɗinɓe Iisa *Almasiihu. Neɗɗo amin fuu humnii gollal ngal Joomiraawo halfini ɗum.

2 Korintu 3:6

Kanko waɗi min fotuɓe laataade gollanooɓe amaana keso oon. Amaana oo duu sinngaaki dow tilsinooje binndaaɗe, amma dow *Ruuhu o sinngi. Tilsinooje binndaaɗe ɗee, kanƴe pooɗi neɗɗo yaari he maayde amma *Ruuhu kay hokkataana mbuurnam.

2 Korintu 3:7

*Tawreeta winndaama dow alluuje kaaƴe. Wakkati *Muusa hokketee ɗe, teddungal Alla wanngi, waɗi yeeso makko no ƴelkita faa ɓiɓɓe *Isra'el mbaawaay daarude ngo. Baa ko nii waɗi, jeyngol ngool no jawtoowol. Nde nii ir tilsinooje pooɗuɗe neɗɗo yaari he maayde ɗee wardi ir teddungal ngaal,

2 Korintu 6:16

Naa mbi'en ɗume hawti *hukumuuru Alla he tooruure ? Paamee, ko enen en *hukumuuru Alla duumiiɗo, ngam Alla wi'i : Mi joddoto he maɓɓe, mi wuurda he maɓɓe, mi laatoo Alla maɓɓe, kamɓe duu, ɓe laatoo himɓe am.

1 Tesalonika 1:9

Himɓe he ko'e mum'en ngoni no kaala dow no njaɓɓoriɗon min, dow no mboppirɗon tooruuje mooɗon, ngartuɗon he Alla, Alla goongaajo, duumiiɗo, ngaɗuɗon ko'e mooɗon maccuɓe makko,

Ibrankooɓe 10:16

Alla Joomiraawo wi'i : Ndaa amaana mo ngaɗidanmi he maɓɓe nder balɗe garooje nii : Mi wattan tilsinooje am nder ɓerɗe maɓɓe, mi watta ɗe nder hakkillooji maɓɓe. *Ruuhu Ceniiɗo duu no seedanoo en no wi'a kaden : Alla Joomiraawo wi'i :

Ibrankooɓe 8:10

Ndaa, nde ɓeydake seɗɗa : Amaana mo ngaɗidanmi he ɓiɓɓe *Isra'el oon nii : Mi wattan tilsinooje am nder hakkillooji maɓɓe, mi winnda ɗe nder ɓerɗe maɓɓe, mi laatoo Alla maɓɓe, ɓe laatoo himɓe am.

Ibrankooɓe 9:14

Nde nii goonga fuu, nii haani waɗeede, too no woodi ko ɓuri ƴiiƴam *Almasiihu baawɗe naa ? Kanko mo nder ardaŋal *Ruuhu duumiiɗo sakkani Alla hoore mum. O laatii *sadaka mo walaa fuu feloore. Ƴiiƴam makko ɗam laaɓinta ɓerɗe meeɗen, itta ɗe nder gaɗol golleeji bonɗi ngam ɗowtanoɗen Alla duumiiɗo.

Bannginol 2:1

—Winndan maleykaajo hawriine Efeesu, mbi'aa : Lildal nii ƴuwngal to jogiiɗo nder junngo mum nyaamo koode jeɗɗi, jehoowo hakkune fitillaaji kanŋe jeɗɗi :

Bannginol 2:12

—Winndan maleykaajo hawriine goonɗinɓe Pergamu, mbi'aa mo : Lildal nii ƴuwngal to jom takubaahi ki kunndule ɗiɗi belnaaɗe.

Bannginol 2:18

—Winndan maleykaajo hawriine goonɗinɓe Tiyatira, mbi'aa mo : Lildal nii ƴuwngal to *Ɓii-Alla, jom gite jalɓooje hano ɗemngal hiite, mo koyɗe mum no ƴelkita hano njamndi mboɗeeri ciiwaani.

Bannginol 2:8

—Winndan maleykaajo hawriine goonɗinɓe Simirna, mbi'aa : Lildal nii ƴuwngal to laatiiɗo kam woni arano, kam woni cakitiiɗo, maaynooɗo ummitii.

Bannginol 3:1

—Winndan maleykaajo hawriine goonɗinɓe wonnde Sardes, mbi'aa : Lildal nii ƴuwngal to jogiiɗo koode jeɗɗi, jogiiɗo ruuhuuji Alla jeɗɗi : Miɗo anndi golleeji maa. Aɗa hi'ee hano a buurɗo, amma a maayɗo.

Bannginol 3:14

—Winndan maleykaajo hawriine goonɗinɓe Lawdikiya, mbi'aa mo : Lildal nii ƴuwngal to Kumnoowo amaana, Seedeejo kolniiɗo, Kaaloowo goonga, bi'eteeɗo duu Wuddu huune fuu ko Alla tagi.

Bannginol 3:22

Jom nowru fuu horkita nowru mum nana ko *Ruuhu Alla wi'ata kawriiɗe goonɗinɓe Iisa !

Bannginol 3:7

—Winndan maleykaajo hawriine goonɗinɓe Filadelfiya, mbi'aa mo : Lildal nii ƴuwngal to Ceniiɗo, Goongaajo, jogiiɗo omtirngel dammbugal laamu Daawda. Nde o omtii ngal walaa ommboowo ngal. Nde o ommbii ngal duu walaa omtoowo ngal.