1 Piyer 3:11 - Fulfulde Niger West

¹¹ Joomum woɗɗoo ko boni, dey waɗa ko wooɗi, filoo jam he ɓerne worre.

1 Piyer 3:11 ပူးပေါင်းရင်းမြစ်များ

Matta 5:45

ngam laatoɗon ɓiɓɓe Baabii'on gonɗo dow. Ngam no o fuɗinirta naange makko dow bonɓe, hano non duu o fuɗinirta nge dow moƴƴuɓe. No o tomnirta ndiyam dow dartiiɓe nii, non duu o tomnirta ɗam dow oonyiiɓe.

Matta 5:9

On mbelii ko'e, onon waddooɓe jam, ngam on noddirtee ɓiɓɓe Alla.

Matta 6:13

Taa accu min cii'ee, amma hisin min bonɗo oon. [Ngam laamu, baawɗe he teddungal no ngonani ma faa abada abadin. Aamiin !]

Markus 14:7

Talkaaɓe no tawdee he mooɗon wakkati fuu, nde muuyɗon fuu oɗon mbaawi waɗande ɓe moƴƴere. Amma miin, mi tawdataake he mooɗon nyannde fuu.

Luka 1:79

ngam ngol yaynana tawaaɓe nder nimre e wonɓe nder ɗowdi maayde, ngol ɗowa en dow laawol jam.

Luka 6:35

Amma onon, ngiɗee wayɓe mooɗon, ngaɗanon ɓe ko wooɗi. Nyalmee tawa on tammaay baafuy he maɓɓe, ngam Alla no wonnana ɓe njettataa, kam'en e bonɓe duu. Nde on ngaɗiri nii on keɓan baraaje mawɗe. On laatoto ɓiɓɓe Alla Toowɗo.

Luka 6:9

Iisa wi'i jannginooɓe *Tawreeta e *Fariisa'en ɓeen : —Miɗo ƴama on : Nder *nyalaane fowteteene, ɗume haani waɗeede ? Ko wooɗi naa ko boni ? Dannude neɗɗo naa halkude mo ?

Yahaaya 17:15

Mi ŋaaraaki mburtinaa ɓe nder duuniyaaru, amma miɗo eela ndeenaa ɓe e bonɗo.

Rooma 12:18

Nde no heɓo, njooɗodoɗon jam he himɓe fuu, nde nii onon ngoni waddooɓe jam.

Rooma 14:17

Ngam Laamu Alla hanaa filla nyaamdu naa jarɗe tan. Laamu Alla filla dartinaaku, jam he seyo non keɓeten har kawtal meeɗen he *Ruuhu Ceniiɗo.

Rooma 14:19

Ndenne, en tefu ko ɓeydata jam hakkune meeɗen. Neɗɗo fuu tefa ko semmbinɗinta goonɗinol banndum.

Rooma 5:1

Ko nii en keɓii wartireede jom'en dartinaaku yeeso Alla har goonɗinol meeɗen, potal naati hakkune meeɗen he Alla daliila Iisa *Almasiihu Joomiraawo meeɗen.

Rooma 7:19

Mi waɗataa ko wooɗi fuu ko ngiɗumi waɗude, amma ko boni ko mi hiɗaa waɗude kam woni ko ngaɗanmi.

Rooma 7:21

Wakkati taykiimi fuu, miɗo hiɗi waɗude ko wooɗi, amma hakke no wondi he am no haɗa kam waɗude ɗum.

Rooma 8:6

Neɗɗo fuu tokki giɗaale ɓerne mum, maayde woni ko mum. Amma neɗɗo fuu tokki ko *Ruuhu Alla wi'i heɓan mbuurnam, heɓan jam.

Galatiya 5:22

Amma *Ruuhu Ceniiɗo kay, ko rimanta en woni : Hidde, welwelo, jam, munyal, yurmeene, moƴƴude, hoolaare,

Galatiya 6:10

Ndenne nder wakkati mo hoddi oo, ndurwen ngaɗanen neɗɗo fuu moƴƴere. Amma ko ɓuri woni, ngaɗanen banndiraaɓe meeɗen goonɗinɓe *Almasiihu.

Koloosi 3:15

Accee jam *Almasiihu dawrana miilooji mooɗon, daliila jam oo waɗi Alla noddi on ngam nanngodiron, laatoɗon terɗe ɓanndu worru, laatoɗon duu jettooɓe mo wakkati fuu.

1 Timote 6:18

Wi'u ɓe ɓe ngaɗa ko wooɗi, to ɓe cortu juuɗe maɓɓe nder golle lobbe, ɓe laatoo ɓe juuɗe mum'en caɗaa, warooɓe njawdi mum'en ngam wallude ɓe ngalaa.

Ibrankooɓe 12:14

Tittinkinee, ngaɗee keddi baawɗe mooɗon, njooɗodoɗon himɓe he jam. Ngarton seniiɓe, ngam nde hanaa jonnde seniine walaa gi'oowo Joomiraawo.

Ibrankooɓe 13:16

To njeebee waɗude ko wooɗi. Cenndee ko njogiɗon, kokkaron ɓeeto. Ɗum woni *sadaka belɗo Alla.

Yakuuba 4:17

Jooni, neɗɗo fuu anndi ko no waawi wadde golle lobbe, ko waɗaay ɗe, joomum waɗii hakke.

1 Piyer 3:12

Alla no deki hitere dow dartiiɓe, noppi makko duu no kettini du'aa'uuji maɓɓe, amma omo tottitii waɗooɓe ko boni.

3 Yahaaya 1:11

Banndam korsuɗo, too nyemmin ko boni, nyemmin ko wooɗi. Gaɗoowo ko wooɗi fuu no neɗɗo Alla. Gaɗoowo ko boni anndaa Alla abada.