1 Piyer 2:21 - Fulfulde Niger West

²¹ Iri torra kaa, waɗi Alla noddi on, ngam *Almasiihu he hoore mum torraama sabbu mooɗon. *Almasiihu holli on duu laawol ngool, heɓa tokkitoɗon gaɗa koyɗe makko.

1 Piyer 2:21 ပူးပေါင်းရင်းမြစ်များ

Matta 10:38

Mo wakkaaki leggal mum *bardugal, tokki kam fuu, joomum fotaay laatoo *aahiijo am.

Matta 11:29

Ɗowtanee kam baa ko ɗum hoyaa, accon mi janngina on. Ngam mi leesiniiɗo hoore, ɓerne am duu no feewi, yonkiiji mooɗon keɓan powtiri.

Matta 16:24

Nden Iisa wi'i *aahiiɓe mum : —Muuyɗo tokkude kam fuu, acca daarude hoore mum, hooƴa *leggal bardugal mum, tokka kam.

Luka 24:26

Hanaa no tilsi *Almasiihu torree, fadde mum naatude nder teddungal mum ?

Yahaaya 13:15

Ko kollumi on ɗum no laawol non ngam onon duu ngaɗon hano ko ngaɗanmi on ɗum.

Yahaaya 16:33

Mi haalanii on ɗum, ngam keɓon jam nder kawtal mooɗon he am. Oɗon ngondi he torra nder duuniyaaru. Amma cemmbiɗee, sabu mi jaalake duuniyaaru.

Golle Lilaaɓe 14:22

Pol e Barnabas cemmbinɗini ɓerɗe goonɗinɓe, ngam ɓe tittinkinoo nder goonɗinol maɓɓe, iɓe mbi'a ɓe : —Nde haana en tampu non faa noy walaa, en naatata nder Laamu Alla.

Golle Lilaaɓe 17:3

Omo famtina ɓe, omo holla ɓe duu ko Dewtere Seniine wi'i no haani *Almasiihu oon torree, nden o ummintinee. Omo wi'a ɓe ko Iisa oo woni *Almasiihu oon.

Golle Lilaaɓe 9:16

Mi hollan mo kaden duu ko no tilsi o torree torraaji keewɗi ngam sabbu am.

Rooma 8:29

Ɓe Alla artunoo suɓii ɓeen, o suɓake ɓe fadde duuniyaaru tageede, kamɓe duu o wartiri feere ngam ɓe ngarta hano Ɓiyiiko heɓa Ɓiyiiko duu laatoo afo hakkune rimdaaɓe mum heewɓe.

1 Korintu 11:1

Nyemminee kam hano no miin e hoore am nyemminirmi *Almasiihu.

Efeesu 5:2

Tokkee laawol hidde hano no *Almasiihu hiɗiri en faa mursi yonki mum ngam meeɗen. O waɗi hoore makko hadiya he *sadaka urɗo belɗo Alla.

Filipi 2:5

Njogee nder mooɗon miiloo ngo Iisa *Almasiihu woodunoo :

1 Tesalonika 3:3

O semmbinɗina on ngam torraaji mooɗon ɗii, heɓa to neɗɗo mooɗon fuu accu torra kaan jaaloo ɗum. Onon he ko'e mooɗon, oɗon anndi ko kujje ɗee fuu podaama ngam meeɗen.

1 Tesalonika 4:2

Tabbat oɗon anndi kollitooje ƴuwɗe to Iisa *Almasiihu Joomiraawo meeɗen ɗe min ngaɗani on.

2 Timote 3:12

Ndenne kawtuɗo he Iisa *Almasiihu fuu nde nii anniyake jogaade kulal Alla he ɓerne worre, joomum no hi'an torra.

Ibrankooɓe 2:10

Alla taguɗo huune fuu ngam huune fuu teddina ɗum, no hiɗi ɗuuɗal ɓiɓɓe mum naata nder teddungal mum. Iisa duu woni wuddu kisinam himɓe, ngam majjum no haani Alla humna mo har torra.

1 Piyer 1:20

Alla suɓake mo illa duuniyaaru tagaakano, nden wanngini mo ngam mooɗon nder balɗe cakitiiɗe.

1 Piyer 2:24

Wakkati ɓe tontannoo mo dow *bardugal, kanko ronndi hakkeeji meeɗen. O mursii yonki makko har maayde makko ngam ceeden he hakke, njooɗoɗen jonnde dartiiɓe hano no ɗum winndiraa wi'aa : On kisinaama sabbu barme makko.

1 Piyer 3:18

Sabu Iisa *Almasiihu e hoore mum yari torra daliila hakkeeji meeɗen. Kanko dartiiɗo oon, maayi ngam sabbu meeɗen, enen jom'en hakke. O maayi gaba go'o ngam o ɓanna en he Alla. Ɓe mbari mo, amma *Ruuhu Ceniiɗo ummintini mo, omo wuuri.

1 Piyer 3:9

To njoptoree gaɗanɗo on gacce ko boni, naa njennitoɗon jennuɗo on. Amma mbarkinee joomum, ngam majjum waɗi Alla noddi on faa keɓon barke.

1 Piyer 4:1

*Almasiihu yari torra ɓanndu, ndenne onon duu, oɗon kaani adande mo, kaɓɓon anniya ngam munyude torra mooɗon. Neɗɗo fuu yari torra nder ɓanndu muuɗum, seedi he gaɗol hakke.

1 Piyer 4:13

Se on torraama iri torraaji Iisa *Almasiihu, nanee belɗum majjum, ngam wakkati fuu Iisa warti nder teddungal mum, nanon belɗum.

1 Yahaaya 2:6

Bi'uɗo no wondi he makko, no haani wuurda no Iisa *Almasiihu wuurdunoo nii.

1 Yahaaya 3:16

Ndaa, no anndirten ko woni hidde nii : Iisa *Almasiihu mursii yonki muuɗum ngam meeɗen. Ndenne enen duu, eɗen kaani mursude yonkiiji men ngam banndiraaɓe meeɗen.

Bannginol 12:11

Daliila ƴiiƴam Njawdiri ndiin, banndiraaɓe meeɗen goonɗinɓe ɓeen njaali Ibiliisa. Seedaaku maɓɓe ngu ɓe ngaɗi dow makko waɗi ɓe njaalii Ibiliisa. Ɓe ngiɗaay yonkiiji maɓɓe faa to ɓe kulataa maayde.