1 Piyer 2:17 - Fulfulde Niger West

¹⁷ Teddinee neɗɗo fuu, ngiɗee banndiraaɓe mooɗon goonɗinɓe. Kulee Alla, teddinee laamiiɗo mooɗon.

1 Piyer 2:17 ပူးပေါင်းရင်းမြစ်များ

Matta 22:21

Ɓe njaabii mo, ɓe mbi'i : —Laamiiɗo *Rooma. Sey o wi'i ɓe : —Ndenne, kokkee laamiiɗo *Rooma ko jeyi, kokkon Alla duu ko jeyi.

Yahaaya 13:35

Nde hidde no hakkune mooɗon, ɗum waɗan himɓe fuu anndita ko on *aahiiɓe am.

Rooma 12:10

Ngiɗodiree he ɓerne worre hano on banndiraaɓe. Neɗɗo mooɗon fuu teddina banndum faa ɓurna ɗum hoore muuɗum.

Rooma 13:7

Njoɓee neɗɗo fuu ko tokkata on. Nde nii janngal mooɗon, onon he ko'e mooɗon kaanuɗon yoɓude, njoɓee ngal. Nde janngal gineeji mooɗon kaanuɗon yoɓude duu, too njoɓee ngal, foti ko hen non fuu. Ɗowtanee mo kaanuɗon ɗowtanaade, teddinon mo kaanuɗon teddinde.

2 Korintu 7:1

Banndiraaɓe am horsuɓe, podooje ɗee fuu ngaɗaama ngam mooɗon. Accee ndartinoɗen, tottitoɗen ko tutotoo ɓanndu he yonki meeɗen ngaɗa hakke. En tittinkinoo heɓa tabbintinen senaaku meeɗen, kulen Alla, tokken ko o wi'i en.

Efeesu 5:21

Neɗɗo mooɗon fuu ɗowtanoo banndum ngam sabbu teddungal *Almasiihu gonngal to mooɗon.

Filipi 2:3

To on ngaɗee baafuy he pooɗodirol naa mawnitaare, amma nder leesinaaku adee neɗɗo fuu no ɓuri on.

1 Timote 6:1

Maccuɓe goonɗinɓe no kaani teddina rimɓe mum'en heɓa to neɗɗo fuu famɗin innde Alla he jannginol meeɗen.

Ibrankooɓe 13:1

Tintinkinee nder hiɗodirde ngam on banndiraaɓe.

1 Piyer 1:22

Goonɗinol mooɗon goonga e goonga, lamni ɓerɗe mooɗon. Ndenne he ɓerne laaɓune ndee, ngiɗodiree hidde mawne.

1 Piyer 2:13

Mi ŋaarake on ngam hidde Joomiraawo, leesinee ko'e mooɗon yeeso ardiiɗo fuu gooduɗo baawɗe dow mooɗon. Leesinee ko'e mooɗon yeeso laamiiɗo ngam omo woodi baawɗe dow neɗɗo fuu.

1 Piyer 5:5

Jokolɓe onon duu, leesinee ko'e mooɗon, tokkon tilsinooje mawɓe mooɗon. On fuu, leesinodiron hakkune mooɗon, ngam no winndaa wi'aa : Leesiniiɗo fuu Alla no hoynana ɗum. Mawnitiiɗo fuu omo satti he mum.