1 Korintu 5:3 - Fulfulde Niger West

^3-4 Baa nii ko miin he hoore am mi tawaaka hannden hakkune mooɗon, hakkillo am no he mooɗon. Nyannde fuu kawruɗon dow innde Iisa *Almasiihu Joomiraawo meeɗen, mi wondan he mooɗon nder baawɗe *Ruuhu Ceniiɗo. To am, dow innde Iisa Joomiraawo meeɗen mi taƴani neɗɗo golluɗo ir golle ɗee kiite ɗe taƴananmoomi baa nii miɗo fotti. Taƴanee mo iri kiite ɗe taƴanmoomi nder baawɗe Iisa Joomiraawo meeɗen.

1 Korintu 5:3 ပူးပေါင်းရင်းမြစ်များ

1 Korintu 5:12

Hiitaade ɓe kanaa goonɗinɓe Iisa hanaa golle meeɗen. Gollal mooɗon woni kiitoɗon wonɓe nder hawriine mooɗon.

2 Korintu 10:1

Miin Pol he hoore am, miin bi'eteeɗo kuyfuɗo hoore wakkati tawaami hakkune mooɗon e tiɗɗo nyiire wakkati mi tawaaka hakkune mooɗon woni no eela on. Nder peewka ɓerne *Almasiihu e moƴƴuki mum,

2 Korintu 10:11

Too, bi'oowo iri haala kaa fuu, faama ko min mbinndanta on ɗum wakkati min mboɗɗi on, kanƴum min ngollata wakkati min ngondi he mooɗon.

2 Korintu 13:2

Mi wondaa he mooɗon hannden amma miɗo haalana waɗunooɓe hakke, he wonɓe no gaɗa hakke hannden, hano no kaalirannoomi ɗum nder garki am ɗiɗaɓi to mooɗon, ko nde nii mi wari, mi yurmataako neɗɗo maɓɓe fuu.

Koloosi 2:5

Ngam baa nii ko miɗo woɗɗi, hakkillo am no he mooɗon. Miɗo nana belɗum hi'ude narral gonngal hakkune mooɗon, he no peŋoriɗon he goonɗinde *Almasiihu.

1 Tesalonika 2:17

Banndiraaɓe, en ngaɗii wakkati ko en ngiidaay. On mboɗɗake gite amin amma on mboɗɗaaki ɓerɗe amin. Miɗen ngiɗi sanne wartude tuntaade on, min ndurwi ngam majjum keddi semmbe amin.