1 Korintu 4:10 - Fulfulde Niger West

¹⁰ Minen, min haaŋaaɓe ngam min tokkuɓe *Almasiihu, amma onon goonɗinɓe *Almasiihu, on jom'en hakkillo. Minen, min ngalaa semmbe fuu, amma onon kay, oɗon keewi semmbe. Onon, oɗon teddinee, minen duu, miɗen pamɗinee.

1 Korintu 4:10 ပူးပေါင်းရင်းမြစ်များ

Matta 24:9

Nden nanngeɗon, njaareɗon nder kiitorɗe ngam torreɗon, mbareɗon. Lenyi ɗiin fuu mbanyan on ngam sabbu am.

Matta 5:11

On mbelii ko'e nde himɓe njenni on, torrii on, ndeki on iri bononda fuu ngam am.

Luka 10:16

Iisa wi'i *aahiiɓe mum kaden : —Kettinaniiɗo on fuu, miin hettinanii. Caliiɗo on fuu, miin salii. Caliiɗo kam duu, salake lilɗo kam.

Luka 18:9

No woodi daarooɓe ko'e mum'en no dartiiɓe, iɓe njawoo woɓɓe duu. Daliila himɓe ɓee waɗi Iisa waɗi kippol haala ngool, wi'i ɓe :

Luka 6:22

On mbelii ko'e nde himɓe mbanyii on, mboppi on, njennii on, mbonnii inɗe mooɗon ngam *Ɓii-Neɗɗo.

Golle Lilaaɓe 17:18

Nder Ateena jom'en annde luggiɗiɗɗe gom wi'eteeɓe Epikuri'en he Sitoyko'en kaaldi he makko. Wakkati ɓe nanannoo Pol no waajoo dow Iisa e ummitaaki mum, nder maɓɓe woɓɓe no mbi'a : —Ɗume olkoowo oo woni no wi'a ? Woɓɓe duu no mbi'a : —Iɗum nanndi filla diina leyɗe gom.

Golle Lilaaɓe 17:32

Wakkati Gerekankooɓe ɓeen nanunoo ko Alla no waawi ummintina maayɓe, nder maɓɓe woɓɓe no njaltinoo Pol, woɓɓe duu no mbi'a : —Nyannde gom min kettinto haala maa.

Golle Lilaaɓe 26:24

Wakkati Pol haalannoo ndeen, sey Festus hacci he makko, wi'i : —Pol, a haaŋaama ! Anndal maaɗa ngal haaŋii ma !

Golle Lilaaɓe 9:16

Mi hollan mo kaden duu ko no tilsi o torree torraaji keewɗi ngam sabbu am.

1 Korintu 1:21

Dow hikmaaku Alla, himɓe duuniyaaru, kam'en he hikmaaku mum'en fuu, keppi annditidde Alla. Ngam majjum waɗi, Alla hi'i ko no haani hisinde neɗɗo fuu goonɗinɗo mo nder laawol waaju *Habaru lobbo, waaju mo himɓe ndaari, he kaanɗi fuu no go'o.

1 Korintu 1:23

Amma minen, habaru *Almasiihu tontaaɗo min mbaajoo. Habaru oo laatani *Yahudankooɓe laawol fergere, ɓe kanaa *Yahudankooɓe duu no ndaara mo hano kaanɗi.

1 Korintu 1:25

Ngam hikmaaku Alla ngu himɓe adi hano kaanɗi, no ɓuri hikmaaku ɓii-aadama. Kaden duu ko himɓe ndaarata hano jaccere Alla no ɓuri semmbe ɓii-aadama.

1 Korintu 10:12

Ndenne, miiluɗo darake faa wooɗi fuu, hakkiloo to boɓɓoo.

1 Korintu 2:14

Neɗɗo he hoore mum tan waawaa jaɓi ko ƴuwi to *Ruuhu Alla. Ko ƴuwi to *Ruuhu Alla fuu joomum waawaa faami ɗum ngam he giiɗe joomum ɗum wa'aana hano kaanɗi. Har *Ruuhu Alla tan neɗɗo waawi faamude ɗum.

1 Korintu 2:3

Miin he hoore am, wakkati puɗɗumi warde to mooɗon, nder leesinaaku ngarmi to mooɗon, miɗo diwna ngam kulal heewi ɓerne am.

1 Korintu 3:18

To neɗɗo fuu majjin hoore mum. Nde nii gooto nder mooɗon no miila ko kam no woodi hikmaaku ɓii-aadama, too joomum waɗa hoore mum kaaŋaaɗo ɓiɓɓe aadama heɓa joomum laatoo jom hikmaaku goonga e goonga.

1 Korintu 3:2

Ko kokkumi on ɗum, hano ɓiraaɗam kokkumi on, hanaa nyaamdu tekkunu gom kokkumi on, ngam on keewtaaki nyaamude ko tekkiɗi. Faa warde hannden on potaay hokkeede ko tekkiɗi

1 Korintu 4:8

Illa ndeen oɗon kaari ! Illa ndeen on riikuɓe ! On laatake laamiiɓe, amma minen kay, min kanaa laamiiɓe ! Nde nii goonga fuu on laamiiɓe non, minen duu min laamodoto he mooɗon !

2 Korintu 10:10

Ngam hakkune mooɗon won wi'ooɓe wakkati fuu mo Pol winndata haalaaji cattuɗi, ɗi koyaa tan o winndata. Amma wakkati fuu o tawa hakkune meeɗen o mojiiɗo, haalaaji makko no yawni sanne.

2 Korintu 11:19

Onon jom'en hikmaaku, noy watta ko oɗon njaɓa ir kaanɗi ɗii ?

2 Korintu 11:29

To goɗɗo jacci, jaccere joomum no heewtoo kam. To goɗɗo fergake duu, iɗum naawa yonki am.

2 Korintu 13:9

Goonga non, miɗen nana belɗum sanne wakkati fuu min njacci, ko oɗon tawaa he semmbe. Ko min eelata Alla ngam mooɗon woni laatoɗon huuɓuɓe.

2 Korintu 4:12

Ngam majjum waɗi miɗen pooɗano yahde har maayde ngam onon duu keɓon mbuurnam.

2 Korintu 6:8

Miɗen teddinee, miɗen njennee, miɗen njettee, miɗen kuɗee. Miɗen ndaaree majjinooɓe himɓe tawi min goongaaɓe.

1 Tesalonika 4:8

Ndenne, neɗɗo fuu salii ko wi'a ɗum, hanaa bi'uɗo ɗum joomum salii, amma Alla kokkuɗo on *Ruuhu mum Ceniiɗo joomum salii.

1 Piyer 4:14

Ko'e mooɗon mbeli nde on njennaama ngam sabbu *Almasiihu, ngam *Ruuhu Alla gooduɗo teddungal no wondi he mooɗon.