Yudas 1:14 - Surat Ralan na'a Vaidida

¹⁴ Adam ubun-nusin Henokh. Tali Adam ti naran Henokh, na tuvu nkati tuvu ti naran fafitu, beti rarali Henokh. Lalan ana, ia nfamalik afa ovi guru siklabir avyai veka rtuan naꞌa amar ovi veka rma. Ia nfalak ne, “Afa i ufalak ini kena urun. Duilaꞌa veka nma ovu Ni sansinir ovi rmerat urun tali lanit ratan, ovu rivun urun ira,

Yudas 1:14 ပူးပေါင်းရင်းမြစ်များ

Matius 16:27

Ba myorang aꞌuk Yaꞌa ovu ralabira urun, tevek Ning amar veka nma ma Yaꞌa, Tamata Yanan Yaꞌa veka uma ewal, ovu Yamang Ni ngrebat i nfitik nyadat a, ovu vali Ni sansinir ra tali lanit ratan rovu vali Yaꞌa. Naꞌut amar yai, na veka ukun tamata ra munuk ma inovan ovu afa ovi rotu ra.

Matius 25:31

“Wean i Yaꞌa, Tamata Yanan Yaꞌa, uma ovu vanang i nfitik nyadat a, na Ning sansinir ra tali lanit ratan veka rovu vali Yaꞌa ma unaꞌa wan i udoku ma ufareta, ma ukun tamata ra munuk.

1 Tesalonika 3:13

Amera vali verin Duilaꞌa ma nfangrebat ralabira ra ma notu ma ralabira ra rmerat urun, ovu vali wol bira sala naꞌa Yamadida Ubilaꞌa wahan ralan a, naꞌut i dida Duilaꞌa Yesus nma ewal ovu Ni tamata ovi rorang Ia.

Ibrani 12:22

Naꞌuk mia mya roak vuar Sion, naꞌa Ubu i nvaꞌat nata ti wol ni wahan, Ni kota a. Kota yai Yerusalem i naꞌa lanit ratan. Mia mtyuan Ubu Ni sansinir naꞌa lanit ratan rivun urun, rasdovu ira ma rfadawang Ia ovu ralarira lolin.

Wahyu 1:7

Mya ma tsiꞌik! Ita veka tsiꞌik Yesus nafnavul mutan ra nma. Tamata ra munuk veka rsiꞌik Ia. Tamata ovi rsungu Ia ma nmata veka rsiꞌik vali. Tamata ovi rnaꞌa lanit ivavan munuk veka rvakar urun, tevek Ia. Ba veka wean urun inyai! Kena urun.

Wahyu 5:11

Nata usiꞌik ewal ovu urenar dadedang tali Ubu Ni sansinir ra tali lanit ratan, rivun ilaꞌa matan ma wol trekan nala. Ira munuk rdir-lilit wan i Ubu ndoku ma nfareta yai, ovu afa ifaꞌat ovi rvaꞌat ma raling ma lolan watan ira yai, ovu vali fareta dawan avyai.