Yohanes 8:25 - Surat Ralan na'a Vaidida

²⁵ Ba rorat Ia ne, “Oa ini iki mngaꞌun?” Yesus nfalak verin ira ne, “Yaꞌa ufamalik lan roak verin mia ne, Yaꞌa ini iki!

Yohanes 8:25 ပူးပေါင်းရင်းမြစ်များ

Lukas 22:67

Ira rorat Ia ne, “Fwalak lahir verin ami ne, Oa ini Raja i veka mtevut tamata ra rira salasilan ra?” Yesus nfalak ne, “Velik ne ufalak wean inyai verin mia, naꞌuk veka wol myorang,

Yohanes 1:19

Yahudi rira dawan ovi rnaꞌa Yerusalem rsinir mela falurut ra, ovu tamata Lewi ra ma rti rorat Yohanes ne, “Oa ini iki mngaꞌun?”

Yohanes 1:22

Nata rorat ia ne, “Ba eka fwalak verin ami ne, oa ini iki mngaꞌun? Ami musti amfalyawang verin tamata ovi rsinir ami. Ba eka kaꞌi fwamalik tenam a!”

Yohanes 10:24

Tamata Yahudi ra rma ma rdir-lilit Ia, ovu rfalak verin Ia ne, “Lafira ki fwavotuk verin ami ne, Oa ini iki mngaꞌun, boma ralamami ra deka raruan? Wean i Oa ini Raja i ntevut mami salasilan ra, na fwalak lahir verin ami.”

Yohanes 19:9

Ba Pilatus newal ia nti ni rahan fareta dawan ralan a. Ti ma rovun roak Yesus nti rahan yai ralan, na norat Yesus ne, “Oa mtali ahu inba?” Naꞌuk Yesus wol nvalat ia.

Yohanes 8:12

Yesus nangrihi ewal verin tamata rivun avyai ma nfalak ne, “Yaꞌa ini lyawan a verin tamata ra naꞌa lanit ivavan a. Tamata iki watan norang Yaꞌa, na ia veka wol nbana naꞌa dedan ralan, naꞌuk ia veka ni lyawan i nala vavaꞌat verin tamata ra.”

Yohanes 8:24

Wean inyai, bi inlangin a ufalak verin mia ne, mia veka myata naꞌa bira salasilan ra. Wean i wol myorang ne, Yaꞌa ini tamata i ufalak roak yai, na mia veka myata naꞌa bira salasilan ra.”

Yohanes 8:26

Yaꞌa mane ufalak afa rivun verin mia, ovu ufaleka inukun verin mia. Naꞌuk Ia i nsinir Yaꞌa Ni afa ovi nfalak ra kena lalawatan. Yaꞌa ufamalik afa ovi urenar tali Ia verin tamata ra naꞌa lanit ivavan a.”