Yohanes 20:16 - Surat Ralan na'a Vaidida

¹⁶ Yesus nfalak verin ia ne, “Maria!” Ba Maria nfulak wahan a ma nfalak naꞌa vai Ibrani ne, “Rabuni!”, ihin a Guru.

Yohanes 20:16 ပူးပေါင်းရင်းမြစ်များ

Matius 14:27

Yesus nfalak lahir verin ira ne, “Ralabira ra deka kakoꞌu, tevek ini Yaꞌa, ba deka byobar!”

Markus 10:51

Yesus norat ia ne, “Oa inam ma otu afaka verin oa?” Ba tamata kibu yai nfalak verin Ia ne, “Tuan Guru, yaꞌa inak ma usirea!”

Lukas 10:41

Duilaꞌa nfalak ne, “Marta, oa ralam a kakoꞌu daꞌin ovu kaꞌi motu susa watan tenam a ovu afa avyai.

Yohanes 1:38

Yesus ntamuri ma nsiꞌik, na rorang Ia, ba norat ira ne, “Mia mdyava afaka?” Ira rfalak ne, “Rabi, Oa mnaꞌa inba?” (Rabi ihin a, Tuan Guru)

Yohanes 1:49

Natanael nfalak ne, “Tuan Guru, Ubu Yanan Oa ovu Raja Oa verin tamata Israel ra!”

Yohanes 10:3

Tamata i nwanar wan i domba ra rnaꞌa nvadil falfolat a verin domba duan a. Domba ra rarenar domba duan vain a, ovu nera lokat domba nararira ra ma novun ira ma rti murin.

Yohanes 11:28

Ti ma Marta nfalak munuk wean inyai, na nti ma nera aꞌan i Maria ma rdir-aling ira ma nfifi verin ia ne, “Tuan Guru nma roak eri, ba nfalak ma ti mtuan Ia.”

Yohanes 13:13

Mia baꞌi myera Yaꞌa ne, Tuan Guru ovu Duilaꞌa. Inyai kena, tevek bira Tuan Guru ovu bira Duilaꞌa verin Yaꞌa.

Yohanes 20:28

Tomas nfalak ne, “Yaꞌa ning Duilaꞌa ovu ning Ubu verin Oa!”

Yohanes 3:2

Ovan isa, na ia nti ma ntuan Yesus ma nfalak ne, “Tuan Guru, ami amkaꞌa ne Ubu kaꞌi nsinir Oa mwa ma msiair, tevek wol tamata isa vali bisma notu faneak ovi motu ra, wean i Ubu wol novu ia.”

Yohanes 5:2

Naꞌa Yerusalem, na rfanara fidu isa ne Fidu Domba. Naꞌa fidu yai ni falfolat nelan a, na kolam isa nsaꞌa wear. Kolam yai naran naꞌa vai Ibrani, Betesda, ovu naꞌa wan yai vali, na rotu abelus ilima.

Yohanes 6:25

Naꞌut i tamata rivun avyai rti ma rtuan Yesus naꞌa Kapernaum, na rorat Ia ne, “Tuan Guru, mwa maran ini lafira?”

Kisah 10:3

Amar isa, na kaꞌa bi lera mane sian roak, na Kornelius wean i namifi naꞌuk wol ntub-lufa ma nrea Ubu Ni sansinir isa ntali lanit ratan nma verin ia ma nfalak ne, “Kornelius!”

Kisah 9:4

Ba nleka lahir nsuta lanun, beti nrenar vai isa nfalak verin ia ne, “Saulus, Saulus! Afakinimi mwi-mwa Yaꞌa i?”