Yohanes 2:21 - Surat Ralan na'a Vaidida

²¹ Naꞌuk Ia nangrihi ma nfalak naꞌa Rahan Dawan Falurut a, ma nfaturu ne, Ia kaꞌi nfamalik tenan a.

Yohanes 2:21 ပူးပေါင်းရင်းမြစ်များ

Yohanes 1:14

Ubu Ni Vaivatul neluk tamata, ma nanaꞌa roak lanit ivavan ovu ita, ovu vali ita tsiꞌik roak Ni dawan a. Ni dawan yai, Yaman a nala verin Ia, tevek Yanan ikisa laloꞌi watan. Ubu Yanan nma tali Yaman a, ma notu ma tkaꞌa lahir Ubu Ni rala lolin i dawan urun, ovu afa ovi nfavotuk ra munuk kena.

Yohanes 2:22

Yesus nvaꞌat ewal tali matmatan, beti Ni tamata ovi rorang Ia rangnanang afa i Yesus nfalak roak yai. Ba ira rorang urun afa ovi rtulis roak naꞌa Surat Ralan a, ovu afa ovi Yesus nfalak roak yai.

1 Korintus 3:16

Mia wol mkyaꞌa ne, mia weabira lahir Ubu Ni Rahan Dawan Falurut? Mia wol mkyaꞌa vali ne, Ubu Ni Roh nleal mia?

1 Korintus 6:19

Mia mkyaꞌa urun ne, Ubu Ni Roh nleal tenabira ra, ovu tenabira ra wean lahir Ubu Ni Rahan Dawan Falurut. Ba mia wol bira watan tenabira ra, tevek Ubu Ni munuk tenabira ra.

2 Korintus 6:16

Ubu Ni Rahan Dawan Falurut a ovu wan i baꞌi rfadoku walut ra naꞌa wol wear isa. Ita weadida lahir Ubu i nvaꞌat Ni Rahan Dawan Falurut a. Ia nfalak roak naꞌa Ni Surat Ralan ne: “Yaꞌa veka uti unaꞌa fruarira ra, ma uvaꞌat ovu ira. Yaꞌa veka eluk Ubu verin ira, ovu ira veka reluk Ning tamata ovi rorang Yaꞌa.

Kolose 1:19

Tevek Ubu nfadoku roak ma Yanan Ni vavaꞌat a, ovu ralan a, ovu vali Ni ngrebat a wean lahir Ia.

Kolose 2:9

Ba deka myorang afa ovi wol kena avyai, tevek naꞌut i Kristus neluk tamata, na Ni vavaꞌat a, Ni ngrebat a ovu ralan a wean lahir Ubu.

Ibrani 8:2

Ia nkarya ma neluk Mela Falurut Ilaꞌa naꞌa wan i nmerat rahi lia munuk. Ihin a ne, naꞌa rahan falurut mngaꞌun i naꞌa lanit ratan. Duilaꞌa saꞌi not-nala rahan yai, ovu rahan yai wol wean befak dawan i lalan a tamata ra rotu ma raraning Ubu naꞌa.