Yohanes 18:17 - Surat Ralan na'a Vaidida

¹⁷ Ba vata yai nfalak verin Petrus ne, “Betane oa morang vali tamata yai?” Petrus nfalak ne, “Wahal!”

Yohanes 18:17 ပူးပေါင်းရင်းမြစ်များ

Matius 26:33

Petrus nfalak verin Yesus ne, “Velik ne ira munuk rira inorang a wol nangrebat ma rafla talik Oa, naꞌuk yaꞌa wahal lahir.”

Lukas 22:54

Ira rtaha roak Yesus, beti rovun Ia rti Yahudi rira Mela Falurut Ilaꞌa ni rahan a. Petrus nban-orang vali tali raroa watan.

Yohanes 18:16

naꞌuk Petrus nanaban watan naꞌa balbelat ni falfolat murin a. Yesus Ni tamata yai newal ia nti murin ma nangrihi ovu vata i nwanar falfolat a, ma novun Petrus nti ralan.

Yohanes 18:25

Simon Petrus nafraran obin, ba tamata ovi rnaꞌa inyai rfalak verin ia ne, “Betane oa morang vali Ia?”

Yohanes 18:5

Ira rfalak ne, “Yesus i ntali Nazaret a.” Ia nfalak verin ira ne, “Yaꞌa ini tamata i mdyava a.” Naꞌut inyai, na Yudas i nfedi Yesus ndiri vali ovu ira naꞌa inyai.

Yohanes 18:8

Yesus nfalak ne, “Ufalak roak verin mia ne, Yaꞌa ini tamata i mdyava a. Ba wean i mdyava urun Yaꞌa, na msyiꞌik watan Ning tamata ra ma rti.”

Yohanes 21:15

Ti ma rafnaꞌan munuk, na Yesus nfalak verin Simon Petrus ne, “Simon, Yohanes yanan oa. Oa mlobang Yaꞌa nlia tali ira?” Petrus nfalak ne, “Kena ta Duilaꞌa. Oa mkaꞌa lahir ne, yaꞌa ulobang Oa.” Yesus nfalak verin ia ne, “Fwaꞌan ma lolin Ning domba yanat ra.”

Kisah 12:13

Petrus nevan falfolat i naꞌa murin a, ba vata sansinir isa naran Rode i nkarya naꞌa rahan yai nma ma nfatlina ne, iki nevan falfolat a.