Yohanes 17:11 - Surat Ralan na'a Vaidida

¹¹ Fiang ini uti verin Oa ta Bapa. Yaꞌa wol unaꞌa roak lanit ivavan a, naꞌuk Ning tamata ovi rorang Yaꞌa rnaꞌa lanit ivavan obin. Bapa, Oa mwerat urun. Fara mwanar ira ovu Mu ngrebat i mala roak verin Yaꞌa, boma ralar isa, wean lahir Yaꞌa ovu Bapa ikisa watan ita.

Yohanes 17:11 ပူးပေါင်းရင်းမြစ်များ

Matius 10:16

“Mingnanang afa ini! Usinir mia ma miti wan ovi tamata sian ra rnaꞌa. Mia weabira domba ovi rvaꞌat naꞌa serigala warira i rnaꞌa, ba fara msyiꞌik wabira ma lolin wean nifa ra, naꞌuk ralabira ra rmerat wean modarlaka ra.

Matius 5:48

Ba dida vavaꞌat ra musti rmalola, wean Yamadida i naꞌa lanit ratan, Ia wol Ni salasilan lahir.”

Matius 6:9

Miflurut wean ini: Yamamami, Oa mdoku lanit ratan. Ami amalang Oa, tevek naram a nmerat urun.

Yohanes 13:1

Naꞌut inyai, na Yahudi rira amar dawan Paskah sarseri roak. Yesus nkaꞌa ne, Ni amar a sarseri roak mane nti talik lanit ivavan a ma newal Ia nti verin Yaman a. Ia nlobang lalawatan Ni tamata ovi rorang Ia naꞌa lanit ivavan ini, ovu Ia nlobang ira ti naran i roak a.

Yohanes 13:3

Yesus nkaꞌa roak ne, Yaman a nala roak Ni ngrebat a verin Ia ma nfareta munuk afakataka. Ia nkaꞌa vali ne, Ubu nsinir Ia ma nma, ovu veka newal Ia nti verin Ubu.

Yohanes 14:20

Naꞌut inyai, na veka mkyaꞌa ne, Yaꞌa uleal Yamang ralan a, ovu mia mlyeal Yaꞌa ralang a, ovu vali Yaꞌa uleal ralabira ra.

Yohanes 16:28

Yaꞌa utali Yamang a uma lanit ivavan a, ba uban-talik lanit ivavan a ma ewal Yaꞌa ti verin Yamang a.”

Yohanes 16:33

Ufalak munuk afa avyai verin mia, boma ralabira ra malinan watan, tevek bira vavaꞌat ra isa roak ovu Yaꞌa. Naꞌa lanit ivavan a mia veka mtyuan susa. Naꞌuk mtyahang ralabira watan, tevek utung munuk roak ngrebat ovi rnaꞌa lanit ivavan a.”

Yohanes 17:23

Ning vavaꞌat isa watan ovu ira, ovu vali Bapa ovu Yaꞌa isa watan ita, boma irmunuk isa watan ira. Wean inyai, boma tamata ovi rnaꞌa lanit ivavan a rkaꞌa ne, Oa msinir Yaꞌa, ovu vali mlobang ira wean lahir i mlobang Yaꞌa.

Yohanes 17:25

Bapa, Mu afa ovi motu ra rmalola lalawatan. Tamata ovi rnaꞌa lanit ivavan a wol rkaꞌa Oa. Naꞌuk Yaꞌa ukaꞌa Oa, ovu vali Ning tamata ovi rorang Yaꞌa rkaꞌa ne, Oa msinir roak Yaꞌa.

Yohanes 17:6

Yaꞌa ufamalik roak Oa verin tamata ovi mala roak ira verin Yaꞌa naꞌa lanit ivavan a. Oa Mu tamata avyai, ovu mala roak ira verin Yaꞌa, ovu vali rot-orang roak Mu vaivatul ra.

Yohanes 7:33

Yesus nfalak ne, “Ning amar a wol mnanat roak ma unaꞌa ovu mia. Yaꞌa veka ewal Yaꞌa uti verin Ia i nsinir Yaꞌa.

Kisah 3:21

Ia nanaꞌa lanit ratan watan, nata ti naran amar i Ubu notu ma afa ra munuk ngorvaꞌan ewal, wean i nfalak roak naꞌa Ni Tnorung a, nahu Ni nabi ovi ralarira ra rmerat urun.

Roma 12:5

Ita tamata ovi torang Kristus weadida vali inyai. Velik ne rivun ita ovu tsialing ita, naꞌuk tnaꞌa sidovung tamata inorang isa watan, wean lahir Kristus tenan isa watan, tevek dida vavaꞌat isa roak ovu Ia. Ba ita tnaꞌa munuk Kristus tenan yai, ma dida vavaꞌat isa roak ovu tamata inorang liak ra vali.

Roma 9:17

Afa ovi Ubu nfalak verin raja Firaun rtulis roak naꞌa Surat Ralan ne, “Yaꞌa otu ma mnaꞌa raja, boma ufaturu Ning ngrebat a verin tamata ra munuk. Tali afa yai vali, na otu ma tamata ra munuk naꞌa lanit ivavan ini rkaꞌa narang a ma ralang Yaꞌa.”

1 Korintus 1:10

Terang a valing averi! Duilaꞌa Yesus nsinir yaꞌa ma ungrihi, na ala lahir naran a ma ungrihi verin mia, boma myorang afa ovi mane ufalak verin mia ini. Era urun ma bir tinemun deka msyingarahi ma myotu bira sidovung alaling. Era vali ma mian vai isa watan naꞌa bira fikiran ra ovu afa ovi fyalak ra.

Galatia 3:28

Wol fyawan verin Ubu ne, tamata Yahudi te tamata ovi wol Yahudi ra, tamata sansinir te wol tamata sansinir, vata te brana, tevek bir tinemun isa watan mia naꞌa bira inorang a verin Yesus Kristus.

Efesus 4:4

Ubu Ni Roh ikisa watan, ovu Ia nkeak roak mia ma mnyaꞌa sidovung isa watan. Itmunuk takloꞌi dida vavaꞌat ra naꞌa afa lolin ovi Ubu veka notu verin ita, tevek Ia nera ita ma teluk yanan ra.

Filipi 2:9

Yesus notu wean inyai, bi Ubu nfadawang urun Ia ovu nalang Ia ma nala van i dawan lia munuk a verin Ia,

Ibrani 1:3

Ia nfaturu lahir Ubu vanan i nfitik a nyadat, ovu vali Ubu felan mngaꞌun a. Ia Ni ngrebat ma nwanar afakataka munuk naꞌa lanit ovu lanit ivavan ovu Ni vaivatul ra. Ia naꞌi vatuk tamata rira salasilan ra munuk roak, beti ndoku Ubu i Ni dawan nlia munuk afakataka Ni lihir mela a, naꞌa lanit ratan ma nfareta vali.

Ibrani 9:24

Kristus wol nti befak dawan i tamata rotu a. Befak dawan yai labir mane wean watan wan i nmerat rahi lia munuk a naꞌa lanit ratan. Naꞌuk Ia nti lahir lanit ratan, ma fiang ini ndiri Ubu wahan ralan ma naflurut verin ita.

Yakobus 4:4

Mia wol myot-orang afa ovi Ubu nfalak ra. Mia mkyaꞌa roak ne, wean i inabira ma myorang tamata ovi rangal Ubu, rira afa ovi rotu ra, na mia myangal vali Ia. Tamata iki watan, wean i inan ma notu afa ovi sian ra naꞌa lanit ivavan ini, na tamata yai ni sian roak Ubu.

1 Petrus 1:5

Myorang roak Ubu, ba Ia nsiꞌik mia. Ia nwanar mia ovu Ni ngrebat tevek myorang Ia, ti naran amar i Yesus Kristus nma ewal lanit ivavan ini, boma mia veka bira vali vavaꞌat kakiwal a.

1 Yohanes 3:12

Bira vavaꞌat a deka wean Kain, tevek nitdawan naꞌa roak ralan a ma nfedan warin a. Notu afakinimi nfedan warin a? Tevek afa ovi notu ra sian lalawatan, naꞌuk afa ovi warin a notu ra kena ovu Ubu ralan a.

1 Yohanes 5:19

Ita tkaꞌa roak ne, yamadida verin Ubu, ovu vali nitdawan nweang nala munuk roak tamata ovi wol rorang Ubu naꞌa lanit ivavan ini.

Yudas 1:1

Terang a valing averi, yaꞌa ini Yudas, eluk tamata sansinir verin Yesus Kristus, ovu aꞌang verin Yakobus. Ubu nera roak mia ma myeluk Ni tamata ovi rorang Ia. Yamadida Ubilaꞌa nlobang mia, ovu Yesus Kristus nwanar mia.

Yudas 1:24

Mya ma tfadawang Ubu naran a! Ia Ni ngrebat a not-nala ma wol mlyeka naꞌa salasilan, ovu nfamerat nala mia tali bira salasilan ra, boma myerat urun ma ti mdyiri Ubu wahan ralan a. Naꞌut inyai, na mia veka inabira lolin urun naꞌa Ubu vanan i nfitik a nyadat a.

Wahyu 15:4

Iki wol nbobar Oa ta Duilaꞌa? Iki wol nfalak ne, ‘Saꞌi dawan Oa, ma amraning ovu amfadawang Oa.’ Oa aꞌuk ralam a saꞌi nmerat urun ta Duilaꞌa. Tamata ovi rnaꞌa lanit ivavan a munuk veka rma ma rsangatur ma raraning Oa, tevek fwaleka inukun ovi ni malolan a, ovu afa ovi motu ra kena munuk.”

Wahyu 19:12

Matan wean lahir yafongan, ovu kalulu i wean raja baꞌi raklulu, rivun ilaꞌa naꞌa ulun ratan a. Rtulis vaivatul isa naꞌa tenan a, ovu wol tamata isa nkaꞌa vaivatul yai; Ia aꞌuk saꞌi nkaꞌa.

Wahyu 4:8

Afa ifaꞌat ovi rvaꞌat ma raling ma lolan watan ira yai manirira nanean lokat ira. Matarira ra rsoru lahir tenarira ra, ovu rdedang ovan-amar lahir. Ira rdedang ma rfalak ne, “Ubilaꞌa, Mu ngrebat a nlia munuk, ovu vali naram a nmerat urun. Oa fiang ini mnaꞌa, ovu mnaꞌa roak naꞌut i lanit ivavan wol nanaꞌa obin, ovu veka mnaꞌa lalawatan, nata ti wol ni wahan.”