Yohanes 14:21 - Surat Ralan na'a Vaidida

²¹ Tamata iki watan ntorung afa ovi ufareta verin tamata ra ovu not-orang, na ia nlobang urun Yaꞌa. Iki watan nlobang Yaꞌa, na Yamang a nlobang ia, ovu Yaꞌa veka ulobang vali ia, ma ufaturu tenang a verin ia.”

Yohanes 14:21 ပူးပေါင်းရင်းမြစ်များ

Lukas 11:28

Naꞌuk Yesus nfalak verin ia ne, “Lolin lia munuk verin tamata ovi rarenar Ubu Ni vaivatul ra ovu rot-orang!”

Yohanes 14:15

Yesus nfalak ne, “Wean i mlyobang Yaꞌa, na mia veka myot-orang afa ovi ufareta ma myotu ra.

Yohanes 14:18

Yaꞌa wol usiꞌik watan ma aksa mia, wean tamata ovi rwatat renarir-yamarira ra, naꞌuk Yaꞌa veka uma ewal ma itmunuk.

Yohanes 15:14

Wean i myot-orang afa ovi ufareta ma myotu ra, na mia myotu kida roak ovu Yaꞌa.

Yohanes 16:14

Ubu Ni Roh a veka nalang Yaꞌa, tevek vaivatul ovi nfalak verin mia yai, rtali munuk Yaꞌa.

Yohanes 16:27

tevek Yamang a kaꞌi nlobang mia. Ia nlobang mia, tevek mlyobang Yaꞌa, ovu myorang ne, Ubu nsinir Yaꞌa.

Yohanes 17:23

Ning vavaꞌat isa watan ovu ira, ovu vali Bapa ovu Yaꞌa isa watan ita, boma irmunuk isa watan ira. Wean inyai, boma tamata ovi rnaꞌa lanit ivavan a rkaꞌa ne, Oa msinir Yaꞌa, ovu vali mlobang ira wean lahir i mlobang Yaꞌa.

Kisah 22:18

urea Duilaꞌa Yesus nfalak verin yaꞌa ne, ‘Bwan talik Yerusalem kikyai, tevek tamata ovi rnaꞌa ini wol rorang afa ovi fwamalik naꞌa Yaꞌa.’

2 Korintus 12:8

Uflurut nala fatelu roak verin Duilaꞌa, boma bisma naling vatuk suhut yai tali yaꞌa.

2 Korintus 3:18

Fiang ini tamata ovi rorang roak Kristus wol rkum-teri roak waharira ra ovu maloli. Ia notu ma raladida ra lyawan roak, tevek Duilaꞌa vanan i nfitik nyadat a. Wean inyai bi lokat amar, na Ubu Ni Roh a notu ma dida vavaꞌat ra ntafal ma wean Ia naꞌa vanan i nfitik nyadat a.

2 Korintus 4:6

Ubu nfalak roak ne, “Lyawan a veka nvotuk naꞌa ngarmeran ralan!” Ia notu vali ma lyawan a naꞌa raladida ra, boma dida fikiran ra lyawan ma tfan-aran Ubu vanan i nfitik nyadat naꞌa Kristus felan a.

2 Tesalonika 2:16

Fara dida Duilaꞌa Yesus Kristus ovu Yamadida Ubilaꞌa nfaloling ovu nfangrebat ralabira ra, boma afa ovi myotu ra, ovu bira vaivatul ra lolin watan. Tevek Ubu nlobang ita ovu Ni rala lolin a, ovu nfaloling lalawatan raladida ra. Ita tfakloꞌi aꞌuk dida vavaꞌat ra verin Ia, tevek tkaꞌa basil ne, veka tnaꞌa lanit ratan.

2 Timotius 4:22

Fara Duilaꞌa nfatuang oa ovu nfangrebat ralam a, ovu vali naflahar bir tinemun. Surat i ususan ini, lawan watan ini. Ya'a Paulus, ala salam verin mia

1 Yohanes 2:5

Naꞌuk tamata iki watan not-orang Ubu Ni vaivatul ra, na tamata yai nlobang Ubu. Totu wean inyai, na tkaꞌa roak ne, dida vavaꞌat isa roak ovu Ia.

1 Yohanes 3:1

Eka minovak! Yamadida Ubilaꞌa Ni silobang a dawan urun verin ita, ba nala ita ma teluk yanan ra. Ubu yanan urun ita. Tamata ovi rnaꞌa lanit ivavan ini wol rkaꞌa ne, Ubu yanan ita, tevek ira wol rkaꞌa Ubu.

1 Yohanes 5:3

Wean i tlobang Ubu, na tot-orang afa ovi nfareta roak verin ita ma totu ra. Afa ovi nfareta ma totu ra wol aleman ma tfabana.

2 Yohanes 1:6

Ita dida silobang ihin a ne, tot-orang afa ovi Ubu nfareta ma totu ra. Mia mryenar roak ne, tali amar i beti myorang Yesus, na Ubu nfareta mia ma msyilobang mia.

Wahyu 2:17

Ba eka mryenar afa ovi Ubu Ni Roh nfalak verin tamata ovi rorang Yesus rira sidovung ra. Tamata iki watan norang Yaꞌa ma nangal nala afa ovi sian ra, na Yaꞌa veka ala afamtahan isa naran manna verin ia; afamtahan yai rfonak ia. Yaꞌa veka ala vali vatu ngangiar sasan lokat ira. Naꞌa vatu avyai ratarira ra, na rtulis naran ngorvaꞌan isa. Wol tamata isa vali nkaꞌa naran ngorvaꞌan yai. Tamata i nia vatu yai, saꞌi nkaꞌa.”

Wahyu 22:14

Ubu naflahar tamata ovi rtofi rira kadaravit ra ma rmerat. Ira veka bisma raꞌan aa i nvua vavaꞌat a vuan a, ovu vali veka rahu falfolat ilaꞌa ra ma rti kota yai ralan a.

Wahyu 3:20

Mya ma msyiꞌik! Yaꞌa udiri rahan ngoran a ma ufwak, ovu evan falfolat a. Ba wean i tamata iki watan nasweang Yaꞌa ma uti ralan, na Yaꞌa veka uti ma utuan lahir ia naꞌa ralan ma ufnaꞌan ovu ia. Wean inyai, na Yaꞌa Ningu roak ia.