Yohanes 14:2 - Surat Ralan na'a Vaidida

² Wan rivun naꞌa Yamang Ni Rahan a. Uti inveli, boma ususan wan verin mia. Wean i wol wean inyai, na ufalak roak verin mia.

Yohanes 14:2 ပူးပေါင်းရင်းမြစ်များ

Lukas 14:22

Ti ma sansinir yai newal ia, na nfalak ne, ‘Baba, otu munuk roak afa ovi fwalak ra, naꞌuk wan rivun naꞌa snoba ini vu obin.’

Yohanes 13:33

Yanak averi, Ning amar a wol mnanat roak ma unaꞌa ovu mia. Afa i ufalak roak verin dawan Yahudi ra, wean lahir afa i fiang ini ufalak vali verin mia. Mia veka mdyava Yaꞌa, naꞌuk naꞌa wan i veka uti a, fiang ini mia wol bisma miti.

Yohanes 13:36

Simon Petrus nfalak verin Yesus ne, “Duilaꞌa, mane muti ba?” Yesus nfalak ne, “Naꞌa wan i veka uti a, fiang ini wol bisma muti. Naꞌuk naꞌa amar ovi veka rma ini, na oa veka morang Yaꞌa.”

Yohanes 14:28

Mia mryenar roak i ufalak ne, Yaꞌa veka uti, naꞌuk veka uma ewal ma utuan mia. Wean i mlyobang Yaꞌa, na veka ralabira lolin urun naꞌut i uti verin Yamang a, tevek Ni dawan a nlia Yaꞌa.

Yohanes 16:4

Ba fiang ini ufalak afa avyai verin mia, boma naꞌut i rwi-rwa mia wean i ufalak roak yai, na mingnanang ne, ufamalik roak verin mia.” “Lan a wol ufalak afa avyai verin mia, tevek naꞌut inyai, na Yaꞌa unaꞌa ovu mia obin.

Yohanes 17:24

Bapa, era ma fara tamata ovi mala roak ira verin Yaꞌa, rovu vali Yaꞌa ma amnaꞌa wan i unaꞌa. Motu wean inyai, boma rsiꞌik Ning dawan i mala roak verin Yaꞌa, tevek mlobang roak Yaꞌa, naꞌut i wol motu lanit ivavan obin.

Kisah 9:16

Yaꞌa veka ufalyawang verin ia naꞌa angangal rivun ovi rotu ma musti nfarnuang wawaꞌuk, tevek norang Yaꞌa.”

2 Korintus 5:1

Ami amkaꞌa roak ne, naꞌa lanit ivavan ini, na tenadida ra wean befak ma ita kaꞌi tleal befak yai ralan a. Wean i befak i tleal yai namaꞌar, na Ubu veka nala rahan ngorvaꞌan verin ita naꞌa lanit ratan, inyai tenadida ngorvaꞌan ra. Tamata ra wol rot-nala afa yai, naꞌuk Ubu kaꞌi notu lahir, ovu tenadida ngorvaꞌan kakiwal, nata ti wol ni wahan.

1 Tesalonika 5:9

Ubu wol nfadoku ma nfaturu lahir Ni ngrova verin ita, naꞌuk veka nsikat ita tali dida salasilan ra, ma dida vavaꞌat kakiwal nahu Duilaꞌa Yesus Kristus.

Titus 1:2

Tamata avyai rkaꞌa afa kena ovi air verin ira, ba rnaban vavaꞌat kakiwal i Ubu ntorung roak. Ubu wol notu lanit ivavan obin, na nfadoku roak tnorung ini. Ita bisma torang lahir Ubu, tevek wol nsiklabir.

Ibrani 11:10

Abraham ntahang nal ralan ma nleal inyai, tevek ia nanaban kota i Ubu veka kaꞌi notu, wean lahir ralan nfalak a. Ubu veka nfadiri kota yai naꞌa fanderen i nangrebat urun a, ovu veka nanaꞌa kakiwal.

Ibrani 13:14

Tevek naꞌa lanit ivavan ini, na ita wol wadida ma tvaꞌat kakiwal. Ita tdava ahu livur mngaꞌun i veka nma yai.

Ibrani 6:20

Yesus nti lan roak wan i Ubu nanaꞌa ma nasusan roak lingaꞌan verin ita. Ia notu wean inyai ma neluk dida Mela Falurut Ilaꞌa, nata ti wol ni wahan, wean lan a notu vali verin Melkisedek.

Ibrani 9:8

Wean inyai bi, Ubu Ni Roh nfalyawang verin ita ne, lingaꞌan ma tati ruang i nmerat rahi lia munuk wol natvelar obin, tevek ruang i nmerat urun nanaꞌa obin.

Wahyu 1:5

Salam i nban-muri lalean ntali vali Yesus Kristus i nfamalik lalawatan afa ovi kena ra. Afa ovi kena ra munuk rtali Ubu. Ubu nfavaꞌat lan lalean Yesus tali matmatan, ma nfareta munuk raja ovi rnaꞌa lanit ivavan a. Ia nlobang ita, ovu laran a nvoat roak ma al nfatalik ita tali ngrebat i notu ma tamata ra inar ma rotu salasilan ra.

Wahyu 21:2

Ba usiꞌik kota i nmerat urun ma rfanara ia ne, Yerusalem ngorvaꞌan, nsuta tali lanit ratan. Kota yai ntali Ubu ma lolin buas ma wean vata i rung a reluk roak ia ovu ravit lolin, tevek ni brana mane nma roak.

Wahyu 3:12

Ba tamata iki watan, wean i norang Yaꞌa ma nangal nala afa ovi sian ra, na Yaꞌa veka aval ia naꞌa ni rala lolin a. Yaꞌa veka otu ma ia nanaꞌa lalawatan Ubu Ni Rahan Dawan Falurut a. Tamata yai wean liri ovi rnaꞌa roak rahan a, ba wol bisma rtaha rti wan liak. Yaꞌa vali veka utulis Yamang a Ubilaꞌa naran a naꞌa tamata yai, ovu naꞌa Ni kota i naran Yerusalem a, boma nkaꞌa ne, Ubu Ni roak ia, ovu ia ni roak kota yai. Kota yai naran Yerusalem ngorvaꞌan i veka ntali lanit ratan nsuta. Yaꞌa veka utulis vali narang ngorvaꞌan a naꞌa tamata yai.

Wahyu 3:21

Ba tamata iki watan, wean i norang Yaꞌa ma nangal nala afa ovi sian ra, na Yaꞌa veka ala ia ma ndoku ma nfareta ovu Yaꞌa naꞌa wan i Ubu ndoku ma nfareta, wean i Yaꞌa vali angal nala roak afa ovi sian ra ma udoku ovu Yamang a naꞌa wan i nfareta.