Yohanes 10:42 - Surat Ralan na'a Vaidida

⁴² Ba tamata rivun ovi rnaꞌa inyai rorang Yesus.

Yohanes 10:42 ပူးပေါင်းရင်းမြစ်များ

Yohanes 11:45

Tamata Yahudi ovi rma ma ralola Maria, rivun vali ira rorang Yesus, tevek kaꞌi rsiꞌik afa i notu roak a.

Yohanes 12:42

Velik ne wean inyai, naꞌuk tamata rivun vali rorang Ia. Tali tamata rivun avyai, na boku tamata biasa watan, naꞌuk boku vali tali Yahudi rira dawan ovi rban-ulu verin ira. Naꞌuk wol rabrahi ma rtorung ne rorang Yesus, tevek rbobar betane tamata Farisi ra rfalak teri ma deka rti raflurut naꞌa Yahudi rira rahan falurut.

Yohanes 2:23

Amar ovi Yesus nanaꞌa Yerusalem naꞌut i rira amar dawan Paskah, na tamata rivun rorang Ia, tevek rsiꞌik roak Ia notu faneak ovi tamata ra wol rot-nala ra.

Yohanes 4:39

Tamata Samaria ovi rnaꞌa ahu yai, rivun ira rorang roak Yesus, tevek vata yai nfalak ne, “Ia nfamalik munuk lahir afa ovi otu ra.”

Yohanes 4:41

Tamata ovi rorang Yesus rtafal ma rivun, tevek Ni afa ovi nair ra.

Yohanes 7:31

Naꞌuk tali tamata rivun ovi rnaꞌa inyai, na tamata rivun rorang Ia ma rfalak ne, “Ia ini Raja i ntevut dida salasilan ra, tevek wol tamata isa vali bisma notu mujizat nlia tali mujizat ovi notu ra.”

Yohanes 8:30

Ti ma Yesus nangrihi munuk roak wean inyai, na tamata rivun rorang Ia.