Yakobus 5:14 - Surat Ralan na'a Vaidida

¹⁴ Wean i tamata isa ntali bir tinemun nawar ia, na nfalak ma dawan kareda ovi reluk penatua rma ma raflurut verin ia, ovu rala Duilaꞌa naran ovu Ni ngrebat a, beti raꞌung ngul naꞌa tenan a.

Yakobus 5:14 ပူးပေါင်းရင်းမြစ်များ

Markus 16:18

Ira veka rtaha nala nifa te renu alanu, naꞌuk wol rtuan akataka. Ira veka rfadoku limarira ra naꞌa tamata ovi rira suhut ra, na tamata avyai lolin ewal ira.”] [

Markus 6:13

Ira raling vatuk nait sian rivun tali tamata ra. Raslofi vali ngul naꞌa tamata rivun ovi rira suhut ra, ma lolin ewal ira.

Kisah 11:30

Ira rasdovuk kubang avyai ma rala verin Barnabas irua Saulus ma rtaha rti Yerusalem ma rala verin dawan kareda ovi reluk penatua.

Kisah 14:23

Paulus irua Barnabas rfaturu tamata ra verin lokat sidovung tamata ovi rorang Yesus ma rnaꞌa rira dawan kareda ovi reluk penatua. Nata irua raflurut ovu rtolat, beti rera verin Duilaꞌa ma nwanar ira, tevek rorang lan roak Ia.

Kisah 15:4

Ti raran Yerusalem, na tamata ovi rorang Yesus ovu rasul ra, ntafal vali dawan kareda ovi reluk penatua, rti ma rala ira. Ira rfamalik munuk afa ovi Ubu notu roak verin ira naꞌa rira karya verin tamata ovi wol Yahudi ra.

Kisah 28:8

Dawan fareta yai yaman a nawar ia, ma tenan ngnea ovu ntimuri, ba ntuba watan. Paulus ti nsiꞌik ia ma naflurut ovu nfadoku liman a naꞌa ia, ma lolin ewal ia.

Kisah 9:40

Petrus nsinir ira munuk ma rti murin, beti nsangatur ma naflurut. Naflurut munuk, beti nsiꞌik matmatan yai ma nfalak ne, “Tabita, bwatar kikyai!” Ba Tabita nvelar matan a ma nsiꞌik Petrus, na nbatar ma ndoku lahir.

Titus 1:5

Lan ana, uti talik oa naꞌa nuhu Kreta, boma msiꞌik dida karya ovi wol kena obin. Ufalak vali verin oa ma fwili dawan kareda ovi reluk penatua lokat ahu, wean i usurak roak verin oa.