Yakobus 2:23 - Surat Ralan na'a Vaidida

²³ Abraham ni afa ovi notu ra kena lahir ovu vaivatul ovi rtulis roak naꞌa Surat Ralan a. Ubu nfalyawang naꞌa Surat Ralan a ne, “Abraham ni vavaꞌat nmalola naꞌa Ubu wahan ralan a, tevek norang Ia.” Ni inorang a notu mi Ubu nala ia ma neluk Ni kida.

Yakobus 2:23 ပူးပေါင်းရင်းမြစ်များ

Markus 12:10

Mia wol byas obin vaivatul ovi rnaꞌa Surat Ralan a? Vaivatul avyai wean ini: ‘Vatu i tukan ra rvatuk yai, fyawan lia munuk ma al nfangrebat rahan yai.

Markus 15:27

Amar yai, na rbaku vali tamata ktufan irua naꞌa aa walwalur. Isa naꞌa Yesus Ni lihir mela a, na isa naꞌa Ni lihir balit a. [

Lukas 4:21

Yesus nair ira ma nfalak ne, “Amar ini Ubu nfakena vaivatul ovi mryenar tali Ni Surat Ralan yai.”

Kisah 1:16

Ia nfalak ne, “Terang a valing averi, Ubu nfakena roak afa ovi Raja Daud ntulis naꞌa Surat Ralan. Lalan ana, Ubu Ni Roh nangrihi ovu Daud ma nfamalik Yudas i nban-ulu verin tamata ovi rtaha Yesus.

Roma 11:2

Ubu wol nalaꞌing Ni tamata ovi nfili lan roak ira. Mia mkyaꞌa afa ovi rtulis roak naꞌa Surat Ralan naꞌa Elia. Ia nafngamuꞌur ma nfalak verin Ubu naꞌa tamata Israel ra ne,

Roma 9:17

Afa ovi Ubu nfalak verin raja Firaun rtulis roak naꞌa Surat Ralan ne, “Yaꞌa otu ma mnaꞌa raja, boma ufaturu Ning ngrebat a verin tamata ra munuk. Tali afa yai vali, na otu ma tamata ra munuk naꞌa lanit ivavan ini rkaꞌa narang a ma ralang Yaꞌa.”

Galatia 3:22

Surat Ralan nfalak ne, salasilan ra rkeak teri tamata ra munuk. Ba Ubu nala Ni tnorung verin tamata ovi rorang aꞌuk Yesus.

Galatia 3:6

Rfamalik roak Abraham naꞌa Surat Ralan ne, “Abraham norang urun Ubu, ba ni inorang a notu ma Ubu notu ma ni vavaꞌat nmalola ovu Ia.”

2 Timotius 3:16

Vaivatul ovi rnaꞌa Surat Ralan a, munuk lahir rtali Ubu, ovu kena, ma tala vaivatul avyai ma tair ovu tatabu tamata ra ma rfakena rira sala ra. Surat Ralan kena vali ma nair tamata ra, boma rira vavaꞌat ra rmalola.

Yakobus 2:24

Lyawan roak verin mia ne, Ubu notu ma tamata ni vavaꞌat nmalola, tevek afa ovi tamata yai notu ra, wol mane tali ni inorang a watan.

1 Petrus 2:6

Ubu nfalak naꞌa Ni Surat Ralan a ne, Yesus Kristus wean vatu i fyawan lia munuk ma al nfangrebat rahan a. Vaivatul avyai ngoarira ra wean ini, “Msyiꞌik, Yaꞌa ufili roak vatu isa i fyawan urun a ma neluk vatu i ufadoku lan lalean naꞌa kota Sion. Tamata iki watan norang Ia, na Ia veka not-nala afa ovi ntorung ma nala verin ia, ma ralan a wol lalau.”