Wahyu 16:13 - Surat Ralan na'a Vaidida

¹³ Yaꞌa usiꞌik vali nait sian itelu felarira ra wean ngarngara. Nait sian isa ntali niftaltolar dawan yai vavan ralan nma, ovu isa ntali afwatan sian i nban-muri yai vavan a, ovu vali isa ntali nabi i nsiklabir sian.

Wahyu 16:13 ပူးပေါင်းရင်းမြစ်များ

Matius 7:15

“Msyiꞌik wabira ma lolin naꞌa nabi siklabir ra. Ira rma ma rotu felarira ra wean domba, wean tamata ovi rorang Yesus. Naꞌuk ira wearira serigala ra ma rot-visal tamata rira inorang a.

Wahyu 16:14

Nait sian avyai baꞌi rotu afa ovi raling ma lolan watan ira, ovu vali rti ma rasdovu munuk raja ovi rnaꞌa lanit ivavan a ma veka rotu rihi dawan. Rotu wean inyai naꞌa Ubu i Ni ngrebat a nlia munuk, Ni amar dawan a.

Wahyu 18:2

Ia nafwak ma vain a dawan urun ma nfalak ne, “Kota dawan Babel namaꞌar roak! Kota dawan Babel namaꞌar roak, tevek tamata ovi rnaꞌa kota yai ralan a rotu ma bangsa ra munuk naꞌa lanit ivavan wol rorang Ubu. Tamata ovi rnaꞌa kota yai wearira lahir vata i nfanavuk brana ra ovu anggur, boma nfaleka ira ma rot-orang ni ininan sian ma rsifa tia ma watan ovu tamata ovi wol awarira verin ira. Raja ovi rnaꞌa lanit i vavan a munuk rsifa tia ma watan ovu tamata ovi rnaꞌa kota yai, velik ne wol awarira verin ira, ovu vali tamata ovi rfedi-rfaha afa naꞌa lanit i vavan ini rkaꞌi, tevek ni ininan sian i mane ni munuk afa ovi fyawar a. Ba kota dawan yai namaꞌar roak, ma nitu ra ovu nait sian ra, rturat roak naꞌa kota yai, ovu vali kota yai neluk wan fanfonak verin manut nangan ovi tamata ra rkasiri ovu wol inar lahir ira.”

Wahyu 19:20

Ba rtaha nala lahir afwatan sian yai, ovu nabi siklabir i notu faneak naꞌa afwatan yai wahan ralan a. Ni afa siklabir ovi notu ra, nlabir nala munuk tamata ovi rotu roak faneak naꞌa rearira ra, ovu vali tamata ovi rsangatur ma raraning afwatan dawan yai ni walut a. Nata rvatuk favaꞌat afwatan yai ovu nabi siklabir yai rti yafu wan i wean tahat. Yafu yai ngnea urun i lahir, tevek ngnea yai ntali belerang.

Wahyu 20:10

Ba rasba vatuk nitdawan i nsiklabir sian yai, ma nti nanaꞌa wan i yafu nonga lalawatan, tevek ngnea yai ntali belerang. Afwatan sian a ovu ni nabi siklabir a rnaꞌa vali wan yai, ma ira munuk veka rfarnuang wawaꞌuk i dawan urun a ovan ovu amar, nata ti wol ni wahan.