Wahyu 11:8 - Surat Ralan na'a Vaidida

⁸ Matmatan avyai tenarira ra rnaꞌa watan lingaꞌan ralan naꞌa kota i rbaku rira Duilaꞌa naꞌa aa walwalur. Tamata ra rira faliak naꞌa kota yai ne, Sodom ovu Mesir, tevek tamata ovi rleal kota yai sian urun ira.

Wahyu 11:8 ပူးပေါင်းရင်းမြစ်များ

Matius 10:15

Afa i ufalak verin mia ini, kena urun! Ba naꞌa amar i Ubu nma ma nukun tamata ra, na Ni inukun i veka nala verin tamata avyai nlia inukun i veka nala verin tamata ovi lan a rleal kota Sodom ovu Gomora.”

Kisah 9:4

Ba nleka lahir nsuta lanun, beti nrenar vai isa nfalak verin ia ne, “Saulus, Saulus! Afakinimi mwi-mwa Yaꞌa i?”

Ibrani 13:12

Yesus wean vali inyai. Laran a kaꞌi nvoat ma nfamerat Ni tamata ra tali rira salasilan ra. Naꞌuk aksa Ia ntuan susa, ti naran i nmata a, naꞌa kota Yerusalem murin a.

Ibrani 6:6

Velik ne rfan-aran afa avyai munuk, naꞌuk wean i rafla talik rira inorang a, na wol afa isa vali bisma nlobang ira ma rahil ma rtalik tali rira salasilan ra. Afa sala ovi rotu ra notu ma wean i rbaku ewal Ubu Yanan a naꞌa aa walwalur, ovu rfalak sian Ia naꞌa tamata rivun waharira ralan ra.

2 Petrus 2:6

Wean vali inyai verin kota Sodom ovu Gomora. Ubu nukun kota irua yai ovu yafu, boma neluk faneak ne, veka notu afaka verin tamata ovi rangal afa ovi Ubu ralan nfalak a naꞌa amar ovi veka rma ini.

Yudas 1:7

Tamata ovi rnaꞌa kota Sodom ovu kota Gomora, ovu vali kota ovi rebang ira, rotu vali wean inyai. Ira rotu afa ovi sian ra, wean tamata Israel avyai ovu Ubu Ni sansinir tali lanit ratan avyai rira afa ovi rotu roak. Tamata Sodom ovu Gomora avyai rsifa tia ma watan ovu tamata ovi wol awarira verin ira, ovu brana kaꞌi rfa brana, ba Ubu nukun ira ovu yafu i wol nmat-nala a, boma neluk faneak verin tamata ra munuk.

Wahyu 11:13

Naꞌut inyai vali, na brian munuk, ruru dawan urun ma sepersepuluh kota yai namaꞌar. Tamata rivun ifitu rmata lahir, tevek ruru yai. Tamata liak ra rbobar ma raruru lalean ira, ma rtorung ma rfadawang Ubu i naꞌa lanit ratan a.

Wahyu 11:9

Tamata tali arun ra munuk, ahu ra munuk, bangsa ra munuk, ovu vali tali vai ra munuk, naꞌa lanit ivavan ini veka rsiꞌik tamata matmatan avyai amar itelu ovu amar isa ni lihir a. Ira munuk wol rtorung ma rfadoku tamata matmatan avyai naꞌa van ralan.

Wahyu 14:20

Raramat anggur avyai naꞌa kota murin, na lara nava ma wean oar naꞌa afa i rala ma al raramat yai, ma ni blawat a, kilometer ratut itelu, ovu laman a nlabas meter irua.

Wahyu 14:8

Ubu Ni sansinir i nban-orang i ula ia yai nma ma nfalak ne, “Kota dawan Babel namaꞌar roak! Ubu nukun tamata ovi rleal kota yai, tevek rotu ma bangsa ra munuk wol rorang Ubu. Ira wearira lahir vata i nfanavuk brana ra ovu anggur, boma nfaleka ira ma rot-orang rira ininan sian a, ma rsifa ovu tamata ovi wol awarira verin ira.”

Wahyu 16:19

Ba kota dawan i naran Babel, nablihir lahir naꞌut itelu, ovu kota ovi rnaꞌa lanit ivavan munuk ramaꞌar. Ubu wol nablufang kota Babel yai, ba nkiwal ira ma renu anggur inukun i nliꞌi roak naꞌa kobi i nfaturu Ni ngrova a.

Wahyu 17:1

Nata Ubu Ni sansinir isa tali sansinir ifitu i rtaha ngusi avyai, nma ma nfalak verin yaꞌa ne, “Mwa ini. Yaꞌa veka ufaturu verin oa naꞌa Ubu Ni inukun i nala verin vata i tamata ra rkaꞌa roak ne, vatlean ia. Vata yai wean kota dawan i ndok-ebang oar rivun nelarira ra.

Wahyu 17:18

Vata i msiꞌik roak ia yai, inyai kota dawan i nfareta raja ovi rnaꞌa lanit ivavan ini munuk.”

Wahyu 17:5

Naꞌa rean rtulis roak vaivatul fanfonak ovi rfalak ne, “Vatlean ra ovu afa ngra-ngrodi ovi rnaꞌa lanit ivavan ini renarira verin kota dawan Babel.”

Wahyu 18:10

Ira veka rdiri ma raroa ilaꞌa ira, tevek rbobar ni inukun i sian urun yai ma rfalak ne, ‘Yaꞌi yo. Sian urun i lahir, sian urun i lahir Babel, kota dawan eri. Kota Babel eri kota i nangrebat urun a, naꞌuk jam isa watan, na mu inukun i ntali Ubu kaꞌi nkena roak oa!’

Wahyu 18:18

Naꞌut i rsiꞌik yafu i narang Babel uman a, na ralarira lalau ma rfalak ne, ‘Kota ba ma wean kota dawan ini?’

Wahyu 18:2

Ia nafwak ma vain a dawan urun ma nfalak ne, “Kota dawan Babel namaꞌar roak! Kota dawan Babel namaꞌar roak, tevek tamata ovi rnaꞌa kota yai ralan a rotu ma bangsa ra munuk naꞌa lanit ivavan wol rorang Ubu. Tamata ovi rnaꞌa kota yai wearira lahir vata i nfanavuk brana ra ovu anggur, boma nfaleka ira ma rot-orang ni ininan sian ma rsifa tia ma watan ovu tamata ovi wol awarira verin ira. Raja ovi rnaꞌa lanit i vavan a munuk rsifa tia ma watan ovu tamata ovi rnaꞌa kota yai, velik ne wol awarira verin ira, ovu vali tamata ovi rfedi-rfaha afa naꞌa lanit i vavan ini rkaꞌi, tevek ni ininan sian i mane ni munuk afa ovi fyawar a. Ba kota dawan yai namaꞌar roak, ma nitu ra ovu nait sian ra, rturat roak naꞌa kota yai, ovu vali kota yai neluk wan fanfonak verin manut nangan ovi tamata ra rkasiri ovu wol inar lahir ira.”

Wahyu 18:21

Nata Ubu Ni sansinir ngrebat isa tali lanit ratan nsikat vatu dawan isa ma nasba vatuk nti tahat ralan ma nfalak ne, “Ubu veka nala ngrebat dawan i wean ini a, ma nkamaꞌar kota dawan Babel, wean yaꞌa usba vatuk vatu dawan ini ma wol trea roak ia.

Wahyu 18:24

Tamata ovi rnaꞌa kota yai rfedan roak nabi ra ovu tamata ovi rorang Ubu. Tamata ovi tamata Babel rfedan munuk roak ira naꞌa lanit ivavan ini, lararira ra naꞌa vali inyai.”