Titus 1:9 - Surat Ralan na'a Vaidida

⁹ Tamata ovi fwili ra musti rorang ma lolin afa kena ovi tair roak verin ira, boma rlobang ma rair tamata ra naꞌa afa kena avyai. Ira musti rsurak vali tamata ovi rangal afa ovi rair ra, boma rkaꞌa rira sala ra.

Titus 1:9 ပူးပေါင်းရင်းမြစ်များ

Kisah 18:28

Apolos ni dardirin nangrebat ma nfaleka tamata Yahudi ra ovu ni vaivatul ra naꞌa tamata rivun waharira ralan ra. Ia nala vaivatul ovi rtali Surat Ralan ma nfalyawang ne, Raja i ntevut dida salasilan ra, inyai Yesus.

1 Korintus 14:24

Naꞌuk wean i mimunuk fyamalik Ubu Ni vaivatul ra, na tamata ovi wol rorang Yesus rma ma rarenar afa ovi fyalak ra, na ira veka rkaꞌa lahir ne, rotu salasilan. Ba wean i wol rahil ma rtalik tali rira salasilan ra, na Ubu veka nukun ira.

1 Tesalonika 5:21

Naꞌa snurak afaka watan, na mlyabir teman ia veki, beti myorang afa ovi kena ra.

2 Tesalonika 2:15

Ba kida averi, deka mtyalik ma myorang afa ovi amair roak verin mia. Naꞌa afa avyai, na amfamalik boku roak verin mia, na afa boku vali amfadoku roak naꞌa surat verin mia.

1 Timotius 1:10

Musa ni inukun ra rfalak teri tamata ovi rsifa tia ma ovu tamata ovi wol awarira verin ira, brana ovi kaꞌi rsifa ovu brana, tamata ovi rbori tamata liak ra mane rfedi ira ovu tamata ovi rsiklabir. Inukun nfalak teri vali tamata ovi rala vaivatul siklabir ma al rlotar tamata, ovu tamata ovi rafena ma rorang afa kena ovi tamata rair ra.

1 Timotius 1:15

Vaivatul ovi kena lahir, ba fara tamata ra munuk veka rorang. Vaivatul ovi wean ini, “Kristus Yesus nma lanit ivavan a ma nsikat tamata ra tali rira salasilan ra, boma rira vavaꞌat kakiwal.” Yaꞌa ning salasilan ra rlia munuk tamata ra.

1 Timotius 1:19

Morang aꞌuk Ubu, boma mu inorang nangrebat. Fara ralam ilaꞌa nmerat vali. Tamata boku ralar ilaꞌa wol rmerat, ba rira inorang nmata.

1 Timotius 4:9

Ning vaivatul avyai kena munuk lahir, ba did tinemun torang aꞌuk.

1 Timotius 6:3

Tamata iki watan nair afa liak tali afa ovi tair ra, na ia wol norang dida Duilaꞌa Yesus Kristus Ni afa kena ovi nair ra. Ira wol rorang vali Ni vaivatul ovi rfaturu ne, wean inba ma dida vavaꞌat nmalola.

2 Timotius 1:13

Timotius, wean i mair tamata ra, na morang ma lolin afa ovi air roak verin oa. Mungnanang vali ma fwakloꞌi aꞌuk mu vavaꞌat verin Kristus Yesus, ovu mlobang Ia ovu vali tamata ra.

2 Timotius 2:2

Oa mrenar roak afa ovi air verin tamata rivun, ma rsiꞌik ovu rarenar lahir. Ba mair vali tamata ovi rot-orang lalawatan afa ovi rfalak ra, ovu ira rkaꞌa ma rair tamata liak ra.

2 Timotius 2:25

Ira musti rfakabava tenarira ra ma al rsurak ovu rtabu tamata ovi rangal ira, boma Ubu ki nkarya naꞌa ralarira ra. Fara rahil ma rtalik tali rira salasilan ra, boma rorang ne, Ubu Ni vaivatul ra kena urun.

2 Timotius 3:14

Naꞌuk oa ta baba, morang aꞌuk afa ovi kena ra. Morang lalawatan afa lolin ovi amair roak verin oa yai, tevek oa mkaꞌa ne ami amair roak oa, ovu afa ovi amair ra kena.

2 Timotius 4:3

Tevek naran ni amar ana, tamata ra veka rafena ma rarenar tamata ovi rair afa ovi kena ra, naꞌuk veka rorang watan afa ovi inar ra. Ira veka rasdovu guru rivun ma rair afa ovi inar ma rarenar a.

Titus 1:11

Tamata ovi wear inyai, fwalak teri ira ma deka rsiair kikyai, tevek ira rti tia ma watan tamata rira rahan ra, ma rair afa ovi wol kena ra verin ira. Tamata ovi rarenar ira wol rkaꞌa roak ne, raroal te rara. Ira rsiair ma rdava kubang watan, ba afa ovi rotu ra sian daꞌin.

Titus 2:1

Titus, oa musti mair lalawatan afa ovi kena ra.

Yudas 1:3

Terang a valing averi, ulobang urun mia. Yaꞌa inak ma utulis surat ini verin mia, boma ufamalik naꞌa i wean inba ma Ubu nsikat roak ita tali dida salasilan ra, ma dida vavaꞌat kakiwal. Yaꞌa ralang urun ma musti utulis afa ini verin mia ma usurak mia, boma mkyiwal urun ma bira dardirin a nangrebat naꞌa bira inorang i Ubu nala roak verin Ni tamata ovi rorang Ia.

Wahyu 2:25

Ba myorang aꞌuk afa ovi mryenar roak tali Yaꞌa, ti naran amar i veka uma ewal a.

Wahyu 3:11

Wol mnanat, na Yaꞌa veka uma lanit ivavan ini! Myorang aꞌuk afa ovi mryenar roak tali Yaꞌa, boma tamata ra wol bisma rala afa ovi utorung roak verin mia ma aval mia naꞌa bira rala lolin ra.

Wahyu 3:3

Ba mingnanang afa ovi rair roak verin mia, ovu afa ovi mryenar roak naꞌa bira inorang a. Mtyalik kikyai ma deka myotu salasilan ra, naꞌuk myot-orang aꞌuk Ning afa ovi rair roak verin mia yai. Wean i wol myahil ma mtyalik tali bira salasilan, na Yaꞌa veka uma wean tamata barborin, ma wol mkyaꞌa ne, lafira ki uma.