Titus 1:14 - Surat Ralan na'a Vaidida

¹⁴ Mtabu vali ira ma deka rorang kikyai Yahudi rira tomu siklabir ra, ovu rira adat ra rtali tamata ovi rangal afa ovi kena ra.

Titus 1:14 ပူးပေါင်းရင်းမြစ်များ

Matius 15:9

Ira raraning Yaꞌa, naꞌuk wol ihin lahir, tevek afa ovi rair ra wol rtali Ubu, naꞌuk rtali watan tamata.’ ”

Markus 7:7

Ira raraning Yaꞌa, naꞌuk wol ihin lahir, tevek afa ovi rair ra wol rtali Ubu, naꞌuk rtali tamata!’

Galatia 4:9

Naꞌuk fiang ini mia mkyaꞌa roak Ubu, te ni lolin a ufalak ne, Ubu nkaꞌa roak mia. Ba afaki notu mi myorang ewal adat ovu inukun ovi rnaꞌa lanit ivavan ini, velik ne afa avyai wol rira ngrebat ovu wol fyawar lahir? Inabira ma msyoak ewal verin adat ovu inukun avyai, ma myeluk tamata sansinir verin afa avyai?

Kolose 2:22

Adat avyai rair ovu rfamalik afa ovi veka rmamu ra watan, wean i totu roak. Wean i tot-orang afa avyai, na wol ihin akataka. Deka fyikir ne, musti myot-orang, tevek afa avyai rtali watan tamata rira fikiran ra.

2 Timotius 4:4

Ira veka rafena ma rarenar Ubu Ni vaivatul ra, naꞌuk inar ma rarenar tomu ovi wol kena ra.

Titus 3:11

Oa mkaꞌa roak ne, tamata ovi wearira inyai rafena ma rorang afa ovi kena ra, ma rotu aꞌuk salasilan ra. Tamata avyai rira salasilan ra rfaturu ne, sala roak ira naꞌa Ubu wahan ralan a.

Ibrani 12:25

Ba wean inyai bi msyiꞌik wabira ma lolin, betane mifena ma mryenar i Ubu nangrihi verin mia. Wean i lan a, tamata Yahudi rafena ma rarenar Ubu Ni vaivatul ra naꞌa lanit ivavan ini, na ira wol ralit tali Ni inukun a. Ba wean i tafena ma trenar Ubu i nangrihi tali lanit ratan a, na wean inba ma bis dida vavaꞌat kakiwal?

2 Petrus 2:22

Tamata avyai rira afa ovi rotu ra kena lahir ovu faliak ini, “Yaha i nmuta a, veka naꞌan ewal ni muta a, ovu vali vavu i rliru roak ia ma nmerat, na veka ti ntoat ewal ia naꞌa vavahan ralan.”