Roma 8:22 - Surat Ralan na'a Vaidida

²² Ita tkaꞌa ne, susa rivun ilaꞌa rnaꞌa lanit ovu lanit ivavan a. Bis tfalak ne, susa avyai rotu ma afa ovi rnaꞌa lanit ovu lanit ivavan rvakar, tevek rfarnuang wawaꞌuk wean lahir i vata ra rfanuang naꞌut i mane rarali ira.

Roma 8:22 ပူးပေါင်းရင်းမြစ်များ

Markus 16:15

Ia nfalak verin ira ne, “Byan-soru munuk lanit ivavan a, ma fyamalik Ubu Ni Ivar Lolin verin tamata ra munuk.

Yohanes 16:21

Bira wawaꞌuk i mtyuan yai wean vata i mane ndoku rahan nfarnuang a. Naꞌuk ti ma nrali roak ia, na wol nangnanang roak wawaꞌuk yai, tevek nrali roak kasikoꞌu yanat isa naꞌa lanit ivavan a.

Roma 8:20

Ubu nfadoku roak ne, Ia near nfasoba afa ovi rnaꞌa lanit ovu lanit ivavan ini, munuk lahir ma wol ihir akataka. Ia notu wean inyai, tevek ralan a nfalak, wol mane norang ininan ovi rtali watan lanit ovu lanit ivavan a. Velik ne wean inyai, naꞌuk Ia nfadoku roak naꞌa ralan a ne, afa avyai munuk rnaban amar isa, ma Ia veka nfatalik afa ovi rnaꞌa lanit ovu lanit ivavan a tali matmatan ni ngrebat a. Ia notu wean inyai, ba afa avyai munuk ovu Ubu yanan ra veka rti rnaꞌa vavaꞌat i lolin urun ma matmatan ni ngrebat wol nfareta ira.

Kolose 1:23

Ba wean i inabira ma wean urun inyai, na bira inorang a musti nabwaꞌar. Deka mane tamata liak rotu teri mia ma wol mnyaban afa lolin ovi Ubu ntorung roak ma veka nala verin tamata ovi rorang Yesus. Mia mryenar roak Ubu Ni Ivar Lolin i nban-soru roak, nti wan rivun naꞌa lanit ivavan ini. Ubu nfili yaꞌa, Paulus, ma ufamalik Ni Ivar Lolin a verin tamata ra.

Wahyu 12:2

Vata yai nbarlewan ma ni amar kena roak ma nrali ia, ba nfarnuang wawaꞌuk dawan roak. Ia nafwak ma vain a dawan urun.