Roma 8:20 - Surat Ralan na'a Vaidida

^20-21 Ubu nfadoku roak ne, Ia near nfasoba afa ovi rnaꞌa lanit ovu lanit ivavan ini, munuk lahir ma wol ihir akataka. Ia notu wean inyai, tevek ralan a nfalak, wol mane norang ininan ovi rtali watan lanit ovu lanit ivavan a. Velik ne wean inyai, naꞌuk Ia nfadoku roak naꞌa ralan a ne, afa avyai munuk rnaban amar isa, ma Ia veka nfatalik afa ovi rnaꞌa lanit ovu lanit ivavan a tali matmatan ni ngrebat a. Ia notu wean inyai, ba afa avyai munuk ovu Ubu yanan ra veka rti rnaꞌa vavaꞌat i lolin urun ma matmatan ni ngrebat wol nfareta ira.

Roma 8:20 ပူးပေါင်းရင်းမြစ်များ

Roma 8:22

Ita tkaꞌa ne, susa rivun ilaꞌa rnaꞌa lanit ovu lanit ivavan a. Bis tfalak ne, susa avyai rotu ma afa ovi rnaꞌa lanit ovu lanit ivavan rvakar, tevek rfarnuang wawaꞌuk wean lahir i vata ra rfanuang naꞌut i mane rarali ira.

Roma 8:24

Ubu nsikat roak ita tali dida salasilan ra, ma dida vavaꞌat kakiwal, ovu tfakloꞌi aꞌuk dida vavaꞌat verin Ia, ma tnaban Ni tnorung ovi mane nala verin ita. Wean i tatuan roak tnorung avyai, na veka wol tfakloꞌi roak dida vavaꞌat ra ma al tnaban afa avyai. Tamata ra wol rfakloꞌi rira vavaꞌat ra ma al rnaban afa ovi rtuan roak a.