Roma 8:16 - Surat Ralan na'a Vaidida

¹⁶ Ubu Ni Roh kaꞌi nkarya naꞌa raladida ra ma tfan-aran urun ne, Ubu yanan ita.

Roma 8:16 ပူးပေါင်းရင်းမြစ်များ

Matius 5:9

Ubu naflahar tamata ovi rlobang tamata ma rotu ma malinan ewal ovu tamata liak ra, tevek Ia veka nala ira ma reluk yanan ra.

Lukas 20:36

Tevek ira wearira Ubu Ni sansinir tali lanit ratan ma wol rmata vali. Ubu yanan ira, tevek Ia nfavaꞌat ewal ira tali matmatan.

Yohanes 1:12

Naꞌuk tamata ovi rtorung ma rala Ia ovu rorang Ia, na Ubu nala ngrebat verin ira ma reluk yanan ra.

Kisah 5:32

Ami amrea ma amfamalik afa avyai munuk, ovu Ubu Ni Roh nrea nkaꞌa vali afa ovi Yesus notu ra. Ubu nala Ni Roh verin tamata ovi rot-orang afa ovi nfalak ra.”

Roma 8:14

Tamata ovi Ubu Ni Roh nban-ulu verin ira yai, Ubu yanan ira.

Roma 8:19

Afa ovi Ubu notu naꞌa lanit ovu lanit ivavan a munuk inar urun ma rnaban amar i Ubu veka nma ma nfaturu lahir yanan ra.

Roma 8:23

Wol mane afa ovi rnaꞌa lanit ovu lanit ivavan a watan rtuan susa, naꞌuk ita tatuan susa vali ma raladida rwaꞌuk. Ubu nala roak Ni Roh ma neluk afa i nala lan lalean verin ita. Naꞌuk ita tnaban watan amar i Ubu veka nfatalik ita tali dida salasilan ra ovu susa ra, ma nsikat ita ma teluk yanan ra, ovu nala tenadida ngorvaꞌan ovi wol bisma rmata roak.

Roma 8:26

Ubu Ni Roh a nlobang vali ita naꞌa afa lolin ovi tnaban ma nala verin ita, ovu naꞌa afa ovi wol tot-nala lahir. Ubu Ni Roh nlobang ita, tevek ita wol tkaꞌa ne, musti taflurut naꞌa afaka. Naꞌuk Ni Roh a kaꞌi naflurut ma al nlobang ita. Afa ovi Ubu Ni Roh nera yai bilaman urun, ma wol bisma tfalak nala ovu dida vaivatul ra.

Roma 9:26

Rtulis vali vaivatul ini ne, “Lan a, Ubu nfalak verin tamata ra ne, ‘Yaꞌa wol Ning tamata inorang verin mia.’ Naꞌuk naꞌa amar isa, na veka nfalak verin ira ne, ‘Yaꞌa ini Ubu i ala vavaꞌat a, ovu yanak mia.’ ”

Roma 9:8

Inyai ihin a ne, kasikoꞌu ovi rarali ira tevek Ubu Ni tnorung a, na Ubu yanan ira. Ba wol mane munuk lahir kasikoꞌu ovi rtali Abraham ubun-nusin ra, Ubu yanan ira.

2 Korintus 1:12

Ami ralamami dawan naꞌa afa ini: ralamami ilaꞌa ra rfalyawang roak ne, afa ovi lokat amar amotu roak verin mia rmerat urun, wean lahir afa ovi Ubu ntorung roak a. Afa ovi amotu ra wol rtali tamata rira fikiran ra, naꞌuk amotu ovu ralamami urun, tevek rtali lahir Ubu Ni rala lolin a. Amotu wean inyai verin mia ovu vali verin tamata liak ra munuk.

2 Korintus 5:5

Naꞌuk Ubu kaꞌi nasusan roak ma veka tenadida ngorvaꞌan. Ia nala vali Ni Roh a verin ita ma nleal raladida ra, al neluk faneak ne, veka nala munuk afa ovi ntorung roak verin ita.

2 Korintus 6:18

Yaꞌa veka eluk Yamabira, ovu mia veka myeluk yanak brana ra ovu yanak vata ra. Vaivatul avyai rtali Duilaꞌa i Ni ngrebat a nlia munuk.”

Galatia 3:26

Terang a valing averi, Ubu yanan munuk mia, tevek myorang roak Yesus Kristus.

Galatia 4:6

Ubu nala roak ita ma teluk yanan ra, ba nsinir Yanan Ni Roh a ma nleal raladida ra. Ubu Yanan Ni Roh yai notu ma bis tfalak ne, “Bapa oo, Bapa!”

Efesus 1:13

Ba mia tamata ovi wol Yahudi ra vali, naꞌut i mryenar Ubu Ni Ivar Lolin ne, Ia nsikat mia tali bira salasilan ra ma bira vavaꞌat kakiwal, na myorang roak Yesus Kristus. Mia mnyaꞌa roak tamata ovi rorang Yesus rira sidovung a. Mia myorang roak Yesus Kristus, ba Ubu notu faneak roak naꞌa mia. Faneak yai Ubu Ni Roh i ntorung roak ma nala verin mia.

Efesus 4:30

Ubu notu ma Ni Roh i nleal roak ralabira ra neluk faneak ne, Ubu Ni roak mia. Faneak yai Ni Roh i ntorung roak ma nala verin mia, ma ti naran amar i Ubu veka nsikat ita tali dida salasilan ra ma dida vavaꞌat kakiwal. Ba deka myotu ma Ubu Ni Roh ralan a lalau tali afa ovi fyalak ra ovu afa ovi myotu ra.

1 Yohanes 3:1

Eka minovak! Yamadida Ubilaꞌa Ni silobang a dawan urun verin ita, ba nala ita ma teluk yanan ra. Ubu yanan urun ita. Tamata ovi rnaꞌa lanit ivavan ini wol rkaꞌa ne, Ubu yanan ita, tevek ira wol rkaꞌa Ubu.

1 Yohanes 3:10

Faneak verin Ubu yanan ra ovu nitdawan yanan ra rsialing ira. Iki watan wol not-orang afa ovi Ubu ralan a nfalak a, ovu wol ralan urun al nlobang teran a valin ra, na Ubu wol yanan ia.

1 Yohanes 3:2

Terang a valing averi, ulobang urun mia! Fiang ini Ubu nala roak ita ma teluk yanan ra. Ita wol tkaꞌa mngaꞌun ne, dida vavaꞌat veka felan aka naꞌa amar i Yesus nma ewal. Naꞌuk tkaꞌa roak ne, naꞌa amar i veka nma ewal, na ita veka wead Ia, tevek ita veka tsiꞌik lahir felan mngaꞌun a.

1 Yohanes 4:13

Ubu nala roak Ni Roh a verin ita, boma tkaꞌa ne, Ia nleal roak raladida ra, ovu ralad isa ovu Ia.

1 Yohanes 5:10

Tamata iki watan norang Ubu Yanan a, na ia nkaꞌa roak naꞌa ralan ne, afa ovi Ubu nfalak ra kena urun. Tamata iki watan wol norang Ubu, na tamata yai nfalak roak ne, Ubu nsiklabir, tevek wol norang Ubu Ni Ivar i nfamalik Yanan a.

Wahyu 21:7

Tamata iki watan wean i norang Yaꞌa ma nangal nala afa ovi sian ra, na veka ni munuk afa ovi ufalak roak yai. Yaꞌa veka eluk Ubu verin ia, ovu vali ala ia ma neluk yanak.