Roma 7:8 - Surat Ralan na'a Vaidida

⁸ Naꞌuk yaꞌa tamata salasilan yaꞌa, bi ning ininan sian ntafal ma ala tamata rira metan ra, tevek Musa ni inukun ra rfalak teri ma deka inadida tamata rira metan ra. Wean i Musa ni inukun ra wol rnaꞌa, na salasilan wol ni ngrebat ma nfareta yaꞌa.

Roma 7:8 ပူးပေါင်းရင်းမြစ်များ

Markus 7:22

tamata ovi rsifa roak, naꞌuk rtuba ovu tamata ovi wol awarira verin ira, tamata ovi inar ma rtafal ilaꞌa rira metan ra, inar urun ma rot-visal tamata rira vavaꞌat ra, rsiklabir sian, rorang rira ininan sian ra, rboꞌitea tamata liak rira metan ra, rfalak sian tamata, rfakaratat tenarira ra, ovu vali rboda-rbadi.

Yohanes 15:22

Wean i Yaꞌa wol uma ma ungrihi ovu ira, na Ubu wol nfasala ira. Naꞌuk fiang ini uma roak ma ungrihi ovu ira, naꞌuk rafena ma rorang. Ba wol tamata isa vali bisma nfalak ne, wol notu salasilan!

Yohanes 15:24

Wean i Yaꞌa wol otu mujizat ovi tamata ra wol rotu obin naꞌa waharira ralan ra, na Ubu wol nfasala ira. Naꞌuk fiang ini rsiꞌik roak mujizat ovi otu ra, naꞌuk wol inar lahir Yaꞌa ovu vali wol inar lahir Yamang a.

Roma 3:20

Ba Ubu wol nfadoku tamata isa vali ma nala ia wean tamata i ni vavaꞌat nmalola, tevek not-orang Musa ni inukun ra. Naꞌuk velik aba, tali inukun avyai, bi tamata ra rkaꞌa ne, rotu roak salasilan.

Roma 4:15

Tamata ra munuk rangal Musa ni inukun ra, ba wean i rangal inukun avyai, na Ubu veka nfaturu Ni ngrova verin ira. Naꞌuk wean i inukun ra wol rnaꞌa, na tamata wol bisma rangal inukun avyai.

Roma 5:20

Ubu nfasuka inukun ra verin Musa, ba tamata rtafal ma rangal inukun avyai. Velik ne tamata rira salasilan ra rtafal ma rivun, naꞌuk Ubu Ni rala lolin a ntafal ma dawan lia salasilan ra.

Roma 7:11

Salasilan ndav-nala lingaꞌan ma nlabir yaꞌa, tevek unarin ne, ala vavaꞌat kakiwal tali inukun avyai. Naꞌuk velik aba, salasilan notu ma veka umata kakiwal.

Roma 7:13

Wean inyai, na inukun lolin avyai rala matmatan verin yaꞌa? Velik aba, wahal lahir! Ba tali inukun lolin avyai, na lyawan lahir ne, salasilan nanaꞌa ralang a. Salasilan nweang yaꞌa, boma otu afa ovi sian ra, ma veka umata. Ba utorung ne, salasilan yai sian urun i lahir.

Roma 7:17

Ba otu afa ovi sian ra, velik ne ufena ma otu, naꞌuk salasilan i nanaꞌa ralang a, nkiwal yaꞌa ma otu afa sian avyai.

Roma 7:9

Lalan a, naꞌa ning vavaꞌat a, na wol ufan-aran Musa ni inukun ra. Naꞌuk amar i ufan-aran inukun avyai, na salasilan i nanaꞌa ralang a ntafal ma inak ma otu salasilan.

1 Korintus 15:56

Matmatan ni bisa a, ihin a salasilan, ovu salasilan ni ngrebat a nvua matmatan tali Musa ni inukun ra. Musa ni inukun avyai nfalyawang verin ita wean inba ma tkaꞌa ne, afa ovi totu ra kena te sala.