Roma 4:13 - Surat Ralan na'a Vaidida

¹³ Ubu Ni tnorung verin Abraham ovu ubun-nusin ra ne, veka nala lanit ivavan a verin ira. Ia notu tnorung yai, tevek Abraham ni inorang verin Ia, wol mane notu tnorung yai tevek Abraham not-orang Musa ni inukun ra. Ba tali ni inorang a, bi Ubu nfadoku ma nala ia wean tamata i ni vavaꞌat a nmalola.

Roma 4:13 ပူးပေါင်းရင်းမြစ်များ

Kisah 13:32

Ba amfalak ivar lolin ini verin mia. Ubu nfakena munuk roak Ni tnorung i lalan a nfalak verin ubud-nusid ra, ma nfavaꞌat ewal Yesus. Mazmur pasal irua nfalak wean ini, ‘Yaꞌa Yanak Oa! Amar ini lahir, ufalak verin Oa ne, Yamam Yaꞌa.’

Roma 4:12

Abraham neluk bapa vali verin tamata Yahudi ovi rsunat roak ira. Tamata avyai wol mane rsunat watan ira, naꞌuk rorang Ubu wean lahir Abraham naꞌut i wol rsunat ia obin.

Roma 9:8

Inyai ihin a ne, kasikoꞌu ovi rarali ira tevek Ubu Ni tnorung a, na Ubu yanan ira. Ba wol mane munuk lahir kasikoꞌu ovi rtali Abraham ubun-nusin ra, Ubu yanan ira.

Galatia 3:29

Kristus Ni munuk roak mia, ba Abraham yanan vali mia. Ubu veka nala Ni kalolin a verin mia, wean i ntorung roak verin Abraham.

Ibrani 11:7

Nuh norang Ubu, ba Ubu nfalyawang afa ovi wol rvotuk obin naꞌa amar ovi veka rma ini verin ia. Ba velik ne ia wol nsiꞌik afa avyai obin, na ia not-orang afa ovi Ubu ralan nfalak a, ba notu kabal dawan i nala vavaꞌat verin ia ovu ni rahan teta a. Tamata ovi rnaꞌa lanit ivavan wol rot-orang afa ovi Ubu nfalak ra, ba Ubu nukun ira. Naꞌuk Nuh norang Ubu, ba Ubu nfalak ne, Nuh ni vavaꞌat a nmalola naꞌa wahan ralan a.

Ibrani 7:6

Melkisedek yai wol ntali Lewi ubun-nusin ra, naꞌuk Abraham nala ni perpuluhan yai verin ia. Melkisedek nera verin Ubu ma naflahar Abraham, velik ne Ubu nala roak Ni tnorung a verin Abraham.