Roma 3:5 - Surat Ralan na'a Vaidida

⁵ Naꞌuk wean i afa kena ovi Ubu notu ra rtafal ma lyawan, tevek totu afa ovi wol kena ra, na ita veka tfalak afaka? Ita mane tfalak ne, Ubu wol kena Ia, tevek mane nfaturu Ni ngrova verin ita? Kena, ma afa yai ntali tamata rira fikiran ra watan,

Roma 3:5 ပူးပေါင်းရင်းမြစ်များ

Roma 12:19

Terang a valing ovi ulobang urun mia! Deka byalas tamata ovi rotu sian mia, naꞌuk mnyaban watan ma Ubu veka nukun ira. Tevek rtulis roak naꞌa Surat Ralan ne, Duilaꞌa nfalak ne, “Yaꞌa Ning ngrebat ma veka ubalas tamata avyai. Yaꞌa veka ufaturu Ning ngrova verin tamata ovi rotu afa ovi sian ra.”

Roma 2:5

Mia ulubira vatu ma mifena ma myahil ma mtyalik tali afa sian ovi myotu ra. Wean inyai, na mtyafal ma fyalemang inukun i veka nkena mia, naꞌa amar i Ubu veka nma ma nfaturu lahir Ni ngrova a ovu nfaleka inukun verin tamata ra ovu ni malolan.

Roma 3:19

Ba ita tkaꞌa ne, Ubu nfalak lahir vaivatul avyai naꞌa Musa ni inukun ra verin tamata Yahudi ra, ma rasusan rira vavaꞌat ra tali inukun avyai. Wean inyai, na wol tamata isa vali naꞌa lanit ivavan ini bisma ndava ni lola, ma Ubu deka nukun ia.

Roma 3:7

Naꞌuk wean i dida siklabir ovi totu ra rotu ma afa kena ovi rtali Ubu rtafal ma rvotuk, ma tamata ra rfadawang Ia, na afakinimi Ubu nfasala ita ne, tamata salasilan ita?

Roma 4:1

Ita tfamalik afaka naꞌa Abraham i ubun-nusin verin tamata Yahudi ra ni afa ovi notu ra? Wean inba ma Ubu notu ma ni vavaꞌat nmalola ovu Ia?

Roma 5:8

Naꞌuk Ubu nfaturu Ni silobang i dawan urun verin ita nahu Kristus i nmata roak verin ita, naꞌut i tamata salasilan ita obin.

Roma 6:1

Terang a valing averi. Betane tamata boku rfikir ma rfalak ne, “Ubu nfaturu Ni rala lolin verin ita, ba tatafal ma totu salasilan, boma ntafal ewal Ni rala lolin yai verin ita.”

Roma 6:19

Ufalak wean inyai, tevek mia tamata watan mia, ma wol kaꞌi fyan-aran ma lolin afa ovi ufalak ra. Lan ana, mia myala munuk tenabira ra ovu bira fikiran ra, ma myeluk tamata sansinir verin bira ininan sian ra, ba mtyafal lalawatan ma myotu afa ovi sian ra. Fiang ini myala lahir tenabira ra ovu bira fikiran ra munuk, ma myeluk tamata sansinir verin Ubu, ma myot-orang watan afa ovi kena ra, boma Ubu nfamerat mia.

Roma 7:7

Ita veka tfalak afaka naꞌa Musa ni inukun ra? Inukun avyai wean lahir afa ovi sian ra? Wahal lahir! Inukun avyai lolin, tevek ntali inukun avyai, na ukaꞌa ne, otu salasilan. Musa ni inukun nfalak ne, “Deka byoꞌitea afa ovi tamata liak rira.” Wean i wol nfalak wean inyai, na wean inba ma ukaꞌa ne, afa yai kena te sala.

Roma 8:31

Ita veka tfalak afaka naꞌa afa avyai munuk? Wean i Ubu nlotar ita, na iki veka bisma nangal ita?

Roma 9:30

Ba wean inyai, na ita veka tfalak afaka naꞌa vaivatul ovi beti ufamalik yai? Tamata ovi wol Yahudi ira wol rkiwal ma rdava roak ma rira vavaꞌat ra rmalola, naꞌuk boku tali ira rira roak vavaꞌat yai. Ubu notu ma rira vavaꞌat ra rmalola, tevek rorang Yesus Kristus.

1 Korintus 15:32

Wean i Ubu veka wol nfavaꞌat ewal tamata ovi rorang Yesus, na yaꞌa wol utung akataka ma utuan tamata kuldawan ovi rnaꞌa Efesus. Tamata kuldawan avyai wearira afwatan ovi rnaꞌa nangan ralan ma baꞌi rfedan tamata ra! Wean i Ubu wol nfavaꞌat tamata matmatan ra, na ni lolin ana, totu watan wean ini, “Mya ma tafnaꞌan ovu tafnenu, tevek ilyan, na ita veka tmata.”

1 Korintus 9:8

Afa ovi ufalak ini, wol mane rtali watan tamata rira fikiran ra, naꞌuk rfadoku vali roak wean inyai naꞌa Musa ni inukun ra.

2 Korintus 6:4

Naꞌuk amfaturu ne, ameluk tamata sansinir verin Ubu naꞌa afa ovi amotu ra munuk. Amtahang nal ralamami ra naꞌa susa ovi tamata ra rotu verin ami, ovu naꞌa susa afaka watan.

2 Korintus 7:11

Eka minovak naꞌa ralabira lalau i Ubu ralan a nfalak yai. Ralabira lalau yai notu ma ralabira urun ovu mlyotar nala tenabira ra. Afa yai notu vali ma mingrova tamata ovi rotu salasilan ra, ovu byobar, betane salasilan yai notu ma myot-orang vali. Ralabira i lalau yai notu vali ma myaseak ma mtyuan yaꞌa, ovu ivaꞌubira ma myotu afa ovi ufalak ra. Wol mane inyai watan, naꞌuk mibrahi vali ma myukun lahir tamata i notu sala. Afa ovi myotu munuk roak yai rfaturu lahir ne, wol bira sala.

Galatia 2:18

Wean i unovak ne, ning vavaꞌat bisma kena ovu Ubu, tevek ot-orang ewal Musa ni inukun ra, na inyai wean watan i ufavaꞌat ewal afa ovi angal roak ra. Ba wean inyai, na lyawan roak ne, yaꞌa wol orang inukun avyai.

Galatia 3:15

Terang a valing averi eka mryenar, tevek mane ufamalik afa isa verin mia tali dida vavaꞌat lokat amar a. Wean i tamata irua raꞌan vai isa roak ma rotu faneak naꞌa rira tnorung a, na tamata liak wol bisma raꞌi vatuk te rtafal afa boku naꞌa tnorung yai. Ubu Ni tnorung ovu Abraham wean vali inyai.

Wahyu 15:3

Ira rdedang Musa ovu Domba Yanan rira dadedang ra. Musa neluk tamata sansinir verin Ubu. Ira rdedang ne, “Duilaꞌa, Oa i Mu ngrebat a nlia munuk. Ubu, afa ovi motu ra lolin urun, ovu notu ma tamata ra munuk rtalkaka. Oa meluk Raja ma fwareta bangsa ra munuk naꞌa lanit ivavan a. Afa ovi motu ra kena ovu rmalola lalawatan.

Wahyu 18:20

Ba Ubu Ni sansinir tali lanit ratan nfalak ne, ‘Ba ovi mnyaꞌa lanit ratan munuk myotu inabira lolin, tevek Babel namaꞌar roak! Fara inabira lolin watan tamata ovi bira vavaꞌat ra rmalola, ovu Ni rasul ra ovu Ni nabi ra! Ubu nfaleka roak inukun verin kota yai, tevek ni afa sian ovi notu verin mia.’ ”