Roma 3:11 - Surat Ralan na'a Vaidida

¹¹ Wol tamata isa vali nkaꞌa mngaꞌun afa ovi kena ra, ovu wol tamata isa vali nkiwal ma nkaꞌa afa ovi Ubu ralan nfalak.

Roma 3:11 ပူးပေါင်းရင်းမြစ်များ

Matius 13:19

Nabat ovi rleka naꞌa lingaꞌan nelan, ira wearira tamata ovi rarenar Ubu Ni vaivatul ra naꞌa i wean inba ma Ubu nfareta tamata ra wean lahir Raja, naꞌuk wol rfan-aran ihin a. Ba nitdawan a nma ma nal-ewal vaivatul avyai tali ralarira ra.

Roma 1:22

Ira kaꞌi rfikir ne, rira kakaꞌa dawan, naꞌuk velik aba, rboda urun.

Roma 1:28

Tamata ra wol rkamlabir lahir Ubu, bi nsiꞌik watan ira ma wol rkaꞌa ma ranovak ne, inba kena ovu sala, ba rfikir aꞌuk sian a. Wean inyai, na rotu watan afa ovi wol inovan ma tamata ra rotu.

Roma 3:10

Rtulis roak naꞌa Surat Ralan ne, “Wol tamata isa naꞌa ni vavaꞌat a, not-orang munuk afa ovi Ubu ralan nfalak a, ma ni vavaꞌat a nmalola.

Roma 3:12

Tamata ra munuk rfaroa roak ira tali Ubu. Ira munuk lahir rotu sian a ma rira vavaꞌat ra wol fyawan lahir. Wol tamata isa vali kena ia!”

Roma 8:7

Tamata i nfikir aꞌuk ininan sian ovi rnaꞌa ralan a, na ia nangal roak Ubu. Tamata yai wol nsoak verin Ubu Ni inukun ra, ovu wol not-nala lahir inukun avyai.

Titus 3:3

Tevek lan ana, raladida ra vu watan ma totu lalawatan afa ovi wol kena ra. Ita totu vali wean ini: ita wol tot-orang Ubu Ni vaivatul ra, ovu torang watan dida ininan sian ra ma salasilan nfareta ita. Dida fikiran ra sian, tboꞌitea ovu ralad sian tamata ra, tsisala ralad ovu tamata liak ra, ovu isa wol inan lahir isa.

1 Yohanes 5:20

Ita tkaꞌa roak ne, Ubu Yanan a nma ma nfalyawang verin ita naꞌa raladida ra, boma tkaꞌa Ubu i mngaꞌun a. Ita raladida isa roak ovu Ubu, ovu vali Yanan a Yesus Kristus. Ia Ubu mngaꞌun Ia, ovu Ia saꞌi nala vavaꞌat kakiwal verin tamata ra.