Roma 16:21 - Surat Ralan na'a Vaidida

²¹ Ning kida Timotius i amrua amkarya, nala salam vali verin bir tinemun. Lukius, Yason ovu Sosipater, rala vali salam verin mia. Terang irtelu ini tamata Yahudi ira wean vali yaꞌa.

Roma 16:21 ပူးပေါင်းရင်းမြစ်များ

Kisah 13:1

Sidovung tamata ovi rorang Yesus naꞌa Antiokhia ni nabi boku, ovu tamata boku vali rair Surat Ralan verin tamata ra. Nararira ra: Barnabas, Simeon i nangtoan, Lukius i ntali kota Kirene, Saulus ovu Menahem i lan ana irua Raja Herodes Antipas dawan ira naꞌa rahan isa.

Kisah 17:14

Ba tamata ovi rorang Yesus ti rovun lahir Paulus ma rti tahat nelan a, naꞌuk Silas irua Timotius rnaꞌa watan Berea.

Kisah 17:5

Naꞌuk dawan Yahudi ra ralar sian, ba rera tamata ktufan ifira tali lingaꞌan ra ma rasdovu ira. Tamata ktufan avyai rti ma rotu ma vangoa-vanga dawan naꞌa kota ralan. Ira rti tamata isa naran Yason ni rahan, mane rot-visal rahan yai ma rdava Paulus irua Silas, tevek inar ma rtaha ira ti verin tamata rivun.

Kisah 18:5

Silas irua Timotius rtali propinsi Makedonia rma vali, ba Paulus wol notu befak roak. Ia nala munuk ni amar ra ma al nfamalik Ubu Ni vaivatul ra verin Yahudi ra ne, Yesus yai Raja i ntevut dida salasilan ra.

Kisah 19:22

Ba nsinir Timotius irua Erastus ma ula ira rti Makedonia. Tamata irua yai baꞌi rlobang Paulus. Ia nanaꞌa propinsi Asia amar ifira ewal.

Kisah 20:4

Brana ifira rfatuang vali ia. Isa naran Sopater i Pirus yanan ia, ntali kota Berea. Tamata irua rtali kota Tesalonika, nararira Aristarkhus ovu Sekundus. Isa ntali kota Derbe naran Gayus, na tamata itelu rtali propinsi Asia, nararira Timotius, Tikhikus ovu Trofimus.

Roma 16:11

Ala salam vali verin Herodion, terang ini tamata Yahudi ia vali wean yaꞌa. Salam vali verin tamata ovi rorang Yesus naꞌa Narkisus ni rahan.

Roma 16:7

Ala salam verin Andronikus ovu Yunias. Terang irua ini tamata Yahudi ira vali wean yaꞌa, ovu lan raꞌabuꞌi vali ira ovu yaꞌa. Ira rorang lan Kristus beti yaꞌa, ovu vali ira reluk rasul ovi tamata ra ralang ira.

Roma 9:3

verin terang a valing tamata Yahudi ra, tevek wol rorang Kristus. Yaꞌa utorung ma Ubu near nfasoba yaꞌa, ovu nfaroa yaꞌa tali Kristus, boma nlobang ira ma rorang Kristus.

2 Korintus 1:1

Terang a valing averi! Yaꞌa ini Paulus utulis surat ini verin bira sidovung tamata ovi rorang Yesus naꞌa kota Korintus, ovu tamata ovi rorang munuk Yesus naꞌa propinsi Akhaya. Ubu nfili yaꞌa ma eluk rasul verin Kristus Yesus, tevek ralan nfalak wean inyai. Terad i Timotius nanaꞌa vali ini ovu yaꞌa. Amaflurut verin Yamadida Ubilaꞌa ovu Duilaꞌa Yesus Kristus ma fara nala Ni rala lolin a verin mia, ovu notu ma bira vavaꞌat ra malinan watan.

2 Korintus 1:19

Yaꞌa, Timotius ovu Silas amfamalik roak Ubu Yanan a, Yesus Kristus, verin mia. Yesus wol mane nfalak watan, naꞌuk not-orang lalawatan afa ovi nfalak ra.

Filipi 1:1

Surat ini ntali yaꞌa Paulus. Timotius nanaꞌa ini ovu yaꞌa, ma amrua ameluk sansinir verin Kristus Yesus. Utulis surat ini verin tamata ovi myeluk dawan kareda ovi byan-ulu naꞌa bira sidovung ra, ovu verin dawan kareda ovi myeluk diaken. Surat ini vali verin mia munuk tamata inorang ovi ralabira isa roak ovu Kristus Yesus naꞌa kota Filipi.

Kolose 1:1

Terang a valing averi naꞌa kota Kolose, myorang urun Kristus, ovu bira vavaꞌat isa roak ovu Ia, ovu myot-orang lalawatan afa ovi nfalak ra. Surat ini ntali yaꞌa, Paulus. Ubu nfili yaꞌa ma eluk rasul verin Kristus Yesus, tevek ralan nfalak wean inyai. Terad i Timotius nanaꞌa ini ovu yaꞌa. Uflurut verin Yamadida Ubilaꞌa ma fara nala Ni rala lolin verin mia, boma bira vavaꞌat ra malinan watan.

1 Tesalonika 1:1

Yaꞌa ini Paulus, amtelu Silas ovu Timotius amasusan surat ini verin sidovung tamata inorang ovi mnyaꞌa kota Tesalonika. Mia mryaning vali Yamadida Ubilaꞌa ovu Duilaꞌa Yesus Kristus. Fara Ubu nala Ni rala lolin verin mia ovu notu ma bira vava'at ra malinan watan.

1 Tesalonika 3:2

ovu amsinir roak teradida isa naran Timotius ma nti nalola mia. Ia nkarya vali naꞌa Ubu Ni vaꞌi ralan a, ba amamunuk weamami isa watan ma amfamalik Ivar Lolin naꞌa Kristus. Amsinir ia ma ti nalola mia ovu nfangrebat ewal bira inorang a, ma myorang aꞌuk Yesus Kristus.

1 Tesalonika 3:6

Ba fiang ini Timotius newal roak ia ma nfaloling ralamami ra ma nfamalik bira silobang a, ovu nfamalik vali ne, bira inorang verin Yesus nangrebat. Ia nfamalik vali ne, mia mingnanang lalawatan ami, ovu inabira ma mtyuan ami, wean vali ami inamami ma amtuan mia.

2 Tesalonika 1:1

Yaꞌa Paulus, ususan surat ini, ma amtelu Silas ovu Timotius amala verin mia, sidovung tamata inorang ovi mnyaꞌa Tesalonika. Mia myorang Yamadida Ubilaꞌa ovu Duilaꞌa Yesus Kristus.

1 Timotius 1:2

Timotius, ususan surat ini verin oa ta baba. Oa wean yanak lalean, tevek itrua dida inorang wear isa. Fara Yamadida Ubilaꞌa ovu Duilaꞌa Kristus Yesus nala Ni rala lolin ovu nfaturu Ni silobang verin oa, boma mu vavaꞌat a malinan watan.

1 Timotius 6:11

Naꞌuk Timotius, oa meluk sansinir verin Ubu, ba mufla ma fwaroa oa tali afa sian ovi ufamalik inlangin a. Morang Ubu Ni banbanan, ovu fara mu vavaꞌat nmalola, mu inorang ntafal, mlobang tamata liak ra, mtahang nal ralam, ovu vali fwamafung mu vaivatul ra verin tamata ra.

1 Timotius 6:20

Timotius, eka msiꞌik ma lolin afa ovi Ubu nala roak verin oa. Fwaroa tenam tali ngrihi ovi vu watan ra, ovu vaivatul ovi wol ralang Ubu. Tamata ovi rangrihi vaivatul avyai rfalak ne, rkaꞌa afa ovi rfalak ra, naꞌuk velik aba, wol rkaꞌa lahir.

Ibrani 13:23

Inak ma ufalak verin mia ne, rfatalik roak terad i Timotius tali buꞌi ralan. Ba wol mnanat, na ia veka nma wang i unaꞌa ini, ma amrua amati amalola mia naꞌa wabira i mnyaꞌa yai.