Roma 16:20 - Surat Ralan na'a Vaidida

²⁰ Ubu i notu ma dida vavaꞌat ra malinan a, veka not-visal lahir nitdawan ni ngrebat a, ovu notu ma nsoak naꞌa wahabira ralan ra. Fara dida Duilaꞌa Yesus nala Ni rala lolin verin bir tinemun.

Roma 16:20 ပူးပေါင်းရင်းမြစ်များ

Matius 4:10

Yesus nfalak ne, “Nitdawan, muti vatuk oa tali wahang ralan ini kikyai, tevek rtulis roak naꞌa Surat Ralan ne, ‘Msangatur ma mraning aꞌuk Duilaꞌa, mu Ubu i morang a.’ ”

Lukas 10:19

Yaꞌa ala roak ngrebat verin mia ma wean i mtya aru te katkatan, na wol akataka. Yaꞌa ala vali ngrebat verin mia roak ma utubira nitdawan ni ngrebat a, ba wol afakataka veka rotu sian mia.

Roma 15:33

Uflurut ma fara Ubu i nala Ni malinan verin tamata ra, nfatuang munuk mia. Kena urun.

Roma 16:23

Gayus nala salam vali verin mia. Yaꞌa Paulus, unaꞌa teri ni rahan, ovu tamata ovi rorang Yesus rira sidovung i rasdovu ira naꞌa ni rahan. Erastus i nasusan fareta ni kubang a, nala salam vali verin mia. Terad i Kwartus nala salam vali verin mia. [

Roma 16:24

Uflurut ma fara dida Duilaꞌa Yesus Kristus nala Ni rala lolin verin bir tinemun! Kena urun.]

Roma 8:37

Naꞌuk velik ne tatuan susa avyai munuk, na susa avyai wol rfalek-nala ita, naꞌuk utudida lahir, tevek Yesus Kristus nlobang ita.

1 Korintus 16:23

Fara Duilaꞌa Yesus nala Ni rala lolin a verin mia.

Galatia 6:18

Terang a valing averi, fara dida Duilaꞌa Yesus Kristus nala Ni rala lolin verin bir tinemun. Kena urun! Ning surat a lawan watan ini. Salam tali yaꞌa, Paulus

Filipi 4:23

Fara Duilaꞌa Yesus Kristus nala Ni rala lolin a verin mia. Salam ini ntali ami, Paulus ovu Timotius. Surat i ususan ini, lawan watan ini. Ya'a Paulus, ala salam verin mia

1 Tesalonika 5:28

Fara dida Duilaꞌa Yesus Kristus nala Ni rala lolin verin bir tinemun. Ning surat i utulis ini, lawan watan ini. Ya'a Paulus, ala salam verin mia

2 Tesalonika 3:18

Fara dida Duilaꞌa Yesus Kristus nala Ni rala lolin verin bir tinemun. Ning surat a lawan watan ini. Salam tali yaꞌa, Paulus

2 Timotius 4:22

Fara Duilaꞌa nfatuang oa ovu nfangrebat ralam a, ovu vali naflahar bir tinemun. Surat i ususan ini, lawan watan ini. Ya'a Paulus, ala salam verin mia

Filemon 1:25

Fara Duilaꞌa Yesus Kristus nala Ni rala lolin a verin mia ma naflahar mia. Ning surat i utulis ini, lawan watan ini. Ya'a Paulus, ala salam verin mia

1 Yohanes 3:8

Tamata ovi rotu lalawatan salasilan ra, na ira rtali nitdawan a, tevek naꞌut i Ubu beti notu lanit ivavan ini, na nitdawan notu vali salasilan ra. Wean inyai bi, Ubu Yanan a nma lanit ivavan ini ma not-visal nitdawan ni karya ra.

Wahyu 12:10

Nata urenar vai isa dawan urun ia, ntali lanit ratan nma. Vai yai nfalak ne, “Amar ini, nitdawan wol ndiri roak Ubu wahan ralan a ma nfalak sian ovu nmangadu lalawatan ita ovu terad a valid ra, tevek Ubu nvatuk roak ia tali lanit ratan, ma nsuta lanit ivavan ini. Ba fiang ini Ubu notu lingaꞌan ma nsikat tamata ra tali rira salasilan ra, ma rira vavaꞌat kakiwal. Ubu nfaturu Ni ngrebat a ma neluk raja ma nfareta! Raja i ntevut dida salasilan ra nfaturu vali Ni fareta a naꞌa lanit ivavan a!

Wahyu 22:21

Terang a valing averi, uflurut verin Duilaꞌa Yesus ma fara nala Ni rala lolin verin bir tinemun. Kena urun!