Roma 14:2 - Surat Ralan na'a Vaidida

² Tamata ovi rorang Yesus, boku rorang ne, bisma raꞌan afamtahan afaka watan. Naꞌuk tamata ovi rira inorang wol nangrebat obin, ira rorang ne, bisma raꞌan watan sayur.

Roma 14:2 ပူးပေါင်းရင်းမြစ်များ

Roma 14:1

Terang a valing averi, mtyorung ma myala tamata i ni inorang verin Yesus wol nangrebat obin a, ovu lolin watan. Deka msyingarahi ovu ia naꞌa afa ovi nfikir ra.

Roma 14:14

Yaꞌa ning vavaꞌat isa roak ovu Duilaꞌa Yesus, ba orang urun ne, afamtahan afaka watan, Ubu wol nfalak teri ma deka taꞌan. Naꞌuk wean i tamata isa norang ne, afamtahan boku Ubu nfalak teri ma deka naꞌan, na inyai kena ma deka naꞌan.

Roma 14:20

Deka tali afamtahan ovi minovak ne, bisma mian, na myotu ma tamata liak rleka naꞌa salasilan, ma rira inorang naꞌa Ubu wol rangrebat roak. Afamtahan ra munuk Ubu wol nfalak teri ma deka taꞌan, naꞌuk sian urun verin tamata i naꞌan afamtahan ovi rotu ma tamata ra rotu salasilan.

Roma 15:1

Terang a valing averi, ita tamata ovi dida inorang nangrebat roak, musti tatahang nal raladida naꞌa tamata ovi rira inorang wol nangrebat obin. Deka mane totu watan afa ovi rfaloling raladida ra.

1 Korintus 10:25

Mia bisma mian afaka watan naꞌa wan i baꞌi rfedi afwatan ihin naꞌa. Deka myorat naꞌa ralabira ilaꞌa ra, ma fyalak ne, “Betane rala roak afa avyai ma raraning walut ra te ubu siklabir ra?”

1 Korintus 8:9

Naꞌuk mingnanang, tevek tamata boku rira inorang a wol nangrebat obin, ba betane rira salasilan vali, tevek rot-orang afa ovi myotu ra. Velik aba, Ubu wol ntab-teri mia naꞌa afa ovi myotu yai, naꞌuk tamata avyai ranovak obin ne, myotu wean inyai, na salasilan roak.

1 Korintus 9:22

Wean i unaꞌa tamata ovi rira inorang a wol nangrebat obin waharira ralan ra, na otu ma felang a wean ira, boma utung ira ma rorang Kristus. Wean i unaꞌa tamata iki watan waharira ralan ra, na ukati afa ovi otu ra, boma utung tamata boku ma rorang Kristus.

Galatia 2:12

Ia nafnaꞌan lan ovu tamata ovi wol Yahudi ira naꞌuk rorang Yesus. Naꞌuk ti ma Yakobus ni kida boku rtali Yerusalem rma, na ia nfaroa tenan a tali tamata ovi wol Yahudi ira naꞌuk rorang roak Yesus, tevek nbobar tamata Yahudi ovi rkiwal mane rsunat tamata inorang ra, betane rfasala ia.

1 Timotius 4:4

Afa ovi Ubu notu ra lolin munuk, ba wol malmoli naꞌa afamtahan ra munuk. Ni lolin a, tfalak fara weninyai verin Ia, beti tala ma taꞌan.

Titus 1:15

Verin tamata ovi ralarira ra rmerat, na afakataka watan rmerat. Naꞌuk verin tamata ovi wol rorang Ubu ovu ralarira ngra, na wol afa isa vali nmerat, tevek rira fikiran ovu ralar ilaꞌa ngra-ngrodi vali.

Ibrani 13:9

Ba deka mtyorung afa sala ovi tamata rair ra. Afa sala avyai bisma rfalek-nala mia. Naꞌuk mia musti fyakloꞌi aꞌuk bira vavaꞌat ra verin Ubu i nfangrebat ita, tevek nfaturu roak Ni rala lolin a verin ita. Deka fyakloꞌi bira vavaꞌat ra naꞌa adat ovi rfalak naꞌa fanaꞌan-fanenu ra, tevek adat avyai wol ihir akataka.

Ibrani 9:10

Tevek adat avyai rfamalik watan naꞌa fanaꞌan-fanenu ra, ovu afa ovi tamata rotu ma al rfamerat tenarira ra, wean rira adat a. Naꞌuk afa avyai wol rotu ma tamata ralarira ra ovu rira fikiran ra rmerat urun. Ira rorang adat avyai, ti naran i Ubu Ni tnorung ngorvaꞌan yai nma.