Roma 14:13 - Surat Ralan na'a Vaidida

¹³ Wean inyai, na deka tsifasala ita! Naꞌuk ni lolin a tanovak ma totu wean ini: Deka totu afa ovi rotu ma terad a valid ra rotu salasilan.

Roma 14:13 ပူးပေါင်းရင်းမြစ်များ

Matius 16:23

Naꞌuk Yesus ndir-tamuri Petrus, beti nfalak verin ia ne, “Nitdawan, muti vatuk oa tali ini! Oa mangal Yaꞌa ma deka ot-orang Ubu Ni banbanan verin Yaꞌa. Afa ovi fwikir ra wol rtali Ubu, naꞌuk rtali watan tamata ra.”

Matius 18:7

“Yaꞌi yo! Veka sian urun i lahir, tevek afa ovi rnaꞌa lanit ivavan ini veka rotu ma tamata ra rira salasilan. Ita tkaꞌa roak ne, afa sian avyai rotu ma tamata ra rira salasilan rnaꞌa watan, naꞌuk sian urun verin tamata ovi rotu ma tamata liak ra rotu salasilan.

Matius 7:1

Yesus nfalak ne, “Deka fyasala tamata ra, boma Ubu deka nfaleka inukun verin mia.

Lukas 12:57

“Mia musti fyikir ma lolin afa ovi kena ra ma myot-orang!

Lukas 17:2

Ni lolin a, rkeak vatu dawan isa naꞌa tamata avyai relarira ra ma relik ira rti tahat ralan. Rotu wean inyai, na lolin lia tali tamata avyai rotu ma tamata i ni inorang a kakoꞌu nleka ma notu salasilan.

Roma 11:9

Raja Daud nfalak ne, “Uflurut ma fara afa ovi inar ma rotu naꞌa rira snoba ra reluk voar ma kaꞌi nala ira, ovu fara rleka ma rotu afa ovi sian ra, ma Oa mot-visal ira.

Roma 14:10

Ba deka mane tamata boku tali mia fyasala terabir-valibira ra, ovu vali deka fyalak sian ira, tevek ita munuk veka tdiri Ubu wahan ralan a, naꞌa wan i ndoku ma nfareta ma nfaleka inukun verin ita.

Roma 14:3

Tamata i naꞌan afaka watan, deka nfalak sian tamata i naꞌan watan sayur, tevek Ubu ntorung roak ma nala ia ma neluk yanan. Wean vali inyai verin tamata i naꞌan watan sayur, deka nfasala tamata i naꞌan afaka watan, tevek Ubu ntorung ma nala vali ia ma neluk yanan.

Roma 14:4

Deka fyasala tamata liak ni tamata sansinir a. Duan a veka kaꞌi nfadoku ne, nkarya ma lolin te wahal. Wean vali inyai verin terabir-valibira tamata ovi rorang Yesus. Duilaꞌa neluk duarira, ba Ia saꞌi nvolan ne, iki kena te sala ia. Ia veka nlobang Ni tamata sansinir a ma not-nala ni karya a, tevek Duilaꞌa Ni ngrebat a.

Roma 16:17

Terang a valing averi, era urun verin mia ma msyiꞌik wabira ma lolin naꞌa tamata ovi rotu ma bira sidovung a namaꞌar, ovu vali rweang mia ma myorang rira afa ovi rair ra. Ira rair afa ovi wol kena ra, ovu wol wean lahir afa ovi mryenar roak. Ba fyaroa lahir tenabira tali ira!

1 Korintus 10:32

Naꞌa bira vavaꞌat ra, na deka myotu ma tamata liak rotu salasilan ra, velik ne tamata Yahudi ira, te wol Yahudi ira, te Ubu Ni sidovung tamata inorang ra.

1 Korintus 11:13

Era ma eka minovak ma lolin! Wean i vata isa naflurut verin Ubu, na wol nkum-teri ulun a, na inyai kena?

2 Korintus 5:14

Kristus Ni silobang a nfangora urun ami ma nfareta ami. Amfan-aran roak ne, Kristus nmata verin tamata ra munuk, na inyai nfaturu ne, tamata ra munuk rfaroa ira tali Ubu, ma wean ralarira rmata munuk roak.

2 Korintus 6:3

Naꞌa afaka watan, na amsahak urun ma amfabana ma lolin mami vavaꞌat ra, boma tamata ra deka rfasala ami naꞌa mami karya ra.

Filipi 1:10

Ba uflurut wean inyai, ma bis mkyaꞌa ma fyili ne inba lolin, boma bira vavaꞌat ra veka rmerat urun ovu wol bira sala, boma tamata ra deka rfasala mia naꞌut amar i Kristus veka nma ewal a. Uflurut vali ma ti naran amar yai, na bira vavaꞌat a veka nngora lahir ovu bira afa lolin ovi myotu ovu ralabira urun a. Yesus Kristus aꞌuk saꞌi not-nala ma bira vavaꞌat ra wean inyai. Tamata ra rsiꞌik ma veka rfadawang Ubu ovu raraning Ia, tevek Ni dawan a.

1 Timotius 5:14

Wean inyai bi, era ma varu ovi tuvmarmuri ra rsifa ewal, boma rotu duarir-yanarira ra ma rasusan rira rahan teta ra, ma tamata ovi wol rorang Yesus wol rdav-nala lingaꞌan ma rfalak sian ita.

Yakobus 2:4

Myotu wean inyai, na msyiefa roak tamata naꞌa ralabira ra ma isa nlia isa. Mia kaꞌi fyaleka inukun roak verin tamata ra, ovu bira fikiran sian.

Yakobus 4:11

Terang a valing averi, deka msyifalak sian mia. Tamata iki watan nfalak sian ovu nfaleka inukun verin teran a valin ra, na ia nfalak sian roak Ubu Ni inukun ra, ovu wol not-orang roak afa ovi Ubu nfalak ra. Ba ihin a, mia wol myot-orang roak Ni inukun ra, naꞌuk myeluk tamata i baꞌi nfaleka inukun, ovu mtyasorat roak inukun avyai.

1 Yohanes 2:10

Tamata i nlobang teran a valin ra, na ia nanaꞌa roak lyawan ralan, ba afa ovi notu ra wol rweang nala ia ma notu salasilan.

Wahyu 2:14

Naꞌuk utabu mia naꞌa afa ifira, tevek tamata boku tali bira sidovung a rorang afa ovi lan a Bileam nair roak. Ia nfalyawang verin Balak naꞌa afa ovi rotu ma Israel ra rleka naꞌa salasilan ra. Bileam nweang ira ma raꞌan afa ovi rala roak ma al rfadawang walut ra. Ia vali nweang ira ma rsifa tia ma watan ovu tamata ovi wol awarira verin ira.