Roma 13:1 - Surat Ralan na'a Vaidida

¹ Terang a valing averi, tamata iki watan musti not-orang tamata ovi rtaha fareta ra, tevek wol tamata isa vali ni ngrebat ma nfareta, wean i Ubu wol nala ngrebat verin ia. Tamata ovi rtaha fareta bisma rfareta, tevek Ubu nfadoku roak ma rfareta.

Roma 13:1 ပူးပေါင်းရင်းမြစ်များ

Matius 6:13

Deka mtorung ma tamata te nitdawan nlabir teman ami, ba fwaroa tali ami nitdawan ovu ni siweang. [Tevek Oa mtaha fareta, Oa Mua ngrebat a, ovu vanam a nfitik nyadat ma ti wol ni wahan. Kena urun!]

Yohanes 19:11

Yesus nfalak ne, “Wean i Ubu wol nala ngrebat yai verin oa, na oa wol mu ngrebat akataka ma fwareta Yaꞌa. Ba tamata i nala Yaꞌa verin oa, ni salasilan a veran rahi mu salasilan.”

Kisah 2:41

Amar yai tamata rivun rorang afa ovi Petrus nfalak naꞌa Yesus, ba ti rbaptis ira. Rarekan tamata ovi beti rorang Yesus amar yai, na tamata rivun itelu.

Roma 12:21

Deka mtyorung ma sian a nfaleka mia, naꞌuk musti fyaleka sian a ovu bira afa lolin ovi myotu ra!

Roma 13:2

Wean inyai bi tamata iki watan nangal fareta ra, na ia nangal vali afa ovi Ubu nfadoku roak a. Notu wean inyai, na veka ntuan inukun.

Efesus 5:21

Mia musti fyakabava tenabira ra ma msyialang mia, tevek myalang Yesus Kristus.

1 Timotius 2:2

Muflurut vali wean inyai verin raja ra ovu dawan fareta ra munuk, boma dida vavaꞌat ra malinan watan. Ba fara dida vavaꞌat ra rmalola ovu talang tamata ra.

Titus 3:1

Fwangnanang tamata ovi rorang Yesus, ma ralang ovu rot-orang afa ovi rira dawan fareta ra ovu rira dawan liak ra rfalak a. Ira musti rasusan tenarira ra ma rotu aꞌuk afa ovi lolin ra.

Yudas 1:8

Velik ne faneak nanaꞌa verin tamata ra munuk, naꞌuk tamata ovi rma sidovung ralan a rotu vali sian wean inyai. Ira kaꞌi rfalak ne, Ubu nala mifi verin ira bi rotu afa ovi ngra-ngrodi ra ma rot-orang rira ininan sian ra. Ira wol rtorung Ubu Ni ngrebat a, ovu rfalak sian munuk afa ngrebat ovu dawan ovi rnaꞌa lanit ratan a.

Wahyu 1:5

Salam i nban-muri lalean ntali vali Yesus Kristus i nfamalik lalawatan afa ovi kena ra. Afa ovi kena ra munuk rtali Ubu. Ubu nfavaꞌat lan lalean Yesus tali matmatan, ma nfareta munuk raja ovi rnaꞌa lanit ivavan a. Ia nlobang ita, ovu laran a nvoat roak ma al nfatalik ita tali ngrebat i notu ma tamata ra inar ma rotu salasilan ra.

Wahyu 17:14

Ira veka rotu rihi ovu Domba Yanan a, naꞌuk Domba Yanan veka nfaleka ira, tevek Duilaꞌa Ia verin dua ra munuk, ovu Ia neluk Raja verin raja ra munuk. Ia ovu Ni tamata ovi rorang Ia yai veka uturira. Ni tamata avyai, Ubu nfili roak ira, ovu nera ira, tevek rot-orang lalawatan afa ovi Ia nfalak ra.”

Wahyu 19:16

Naꞌa Ni ravit blawat a ovu naꞌa sahin a, rtulis nara ini, “Ia neluk Raja verin raja ra munuk, ovu Duilaꞌa Ia verin dua ra munuk.”