Matius 6:12 - Surat Ralan na'a Vaidida

¹² Fara maꞌi vatuk mami salasilan ra, wean ami amabun roak tamata ovi rotu salasilan verin ami.

Matius 6:12 ပူးပေါင်းရင်းမြစ်များ

Matius 26:28

tevek ini Yaꞌa larang i nvoat al nakvanak tamata rivun rira salasilan ra, ma neluk faneak ne, Ubu nfakena roak Ni tnorung a.

Matius 9:2

Ira raran inyai, na tamata ifira rovun tamata laklukut isa naꞌa ni dari a, rma verin Yesus. Yesus nsiꞌik tamata avyai, na nkaꞌa lahir ne, rira inorang a dawan, ba nfalak verin tamata laklukut yai ne, “Ralam deka kakoꞌu ta baba! Yaꞌa aꞌi vatuk roak mu salasilan ra.”

Markus 11:25

Naꞌut i miflurut, na wean i ralabira sian tamata isa, na myabun ia veki, boma Yamabira i nleal lanit ratan veka naꞌi vatuk vali bira salasilan ra. [

Lukas 11:4

Fara maꞌi vatuk mami salasilan ra, wean ami amabun roak tamata ovi rotu salasilan verin ami. Deka mtorung ma tamata ra te nitdawan a rlabir teman ami.”

Lukas 13:4

Mia mingnanang obin rahan dawan i nleka ma ntaꞌi fedan tamata vutu rahin iwalu naꞌa Siloam? Mia fyikir ne, ira rira salasilan ra dawan lia munuk tamata ovi rnaꞌa Yerusalem?

Lukas 6:37

“Deka fyasala tamata ra, boma Ubu deka nfaleka inukun verin mia. Deka myukun tamata ra, boma Ubu deka nukun mia. Naꞌuk myabun tamata ovi rotu salasilan verin mia, boma Ubu veka naꞌi vatuk vali bira salasilan ra.

Kisah 13:38

Ba terang a valing averi, mia musti mkyaꞌa ne, ami amfamalik ne, Ubu saꞌi naꞌi vatuk dida salasilan ra, tevek Yesus nmata verin ita. Tamata iki watan norang Yesus, na Ubu veka naꞌi vatuk ni salasilan ra vali. Mia myorang Musa ni inukun ra, naꞌuk inukun avyai wol raꞌi vatuk nala bira salasilan ra.

Efesus 1:7

Tali Ubu Ni rala lolin i dawan urun yai, na nala Yesus ma laran nvoat ovu nmata ala nakvanak ita, ovu naꞌi vatuk dida salasilan ra.

Efesus 4:32

Naꞌuk msyiotu lolin watan mia, ovu msyilobang mia, ovu vali myabun tamata ovi rotu sala verin mia, wean lahir i Ubu naꞌi vatuk roak dida salasilan ra, tevek dida vavaꞌat isa roak ovu Kristus.

Kolose 3:13

Tamata ra wol wear isa, ba ngalalahang watan ovu ira. Deka msyitonan mia, naꞌuk myabun watan tamata ovi rotu sala verin mia, wean lahir i Ubu naꞌi vatuk roak bira salasilan ra. Ba mia musti myotu vali wean inyai ma myabun afa sian ovi tamata liak rotu verin mia.