Matius 27:14 - Surat Ralan na'a Vaidida

¹⁴ Naꞌuk Yesus wol nala vaivatul isa vali, ba Pilatus ntalkaka lahir.

Matius 27:14 ပူးပေါင်းရင်းမြစ်များ

Matius 26:63

Naꞌuk Yesus wol vain. Ba Mela Falurut Ilaꞌa nfalak verin Ia ne, “Yaꞌa ufalak verin Oa ne, Ubu i nvaꞌat a nrenar afa ovi fwalak ra, ba fwalak urun verin ami! Oa ini Raja i veka mtevut tamata ra rira salasilan ra? Oa ini Ubu Yanan a?”

Matius 27:12

Yahudi rira dawan mela falurut ra ovu dawan Yahudi liak ra rmangadu Yesus, naꞌuk Ia wol nangrihi vaivatul isa vali.

Matius 27:13

Ba Pilatus norat ewal Yesus ne, “Wol mrenar ngrihi sian ovi rala al rmangadu Oa yai!”

Markus 15:5

Naꞌuk Yesus wol nvalat lahir, ba Pilatus ntalkaka.

Lukas 23:9

Wean inyai bi norat afa rivun tali Yesus, naꞌuk Yesus wol nvalat akataka.

Yohanes 19:9

Ba Pilatus newal ia nti ni rahan fareta dawan ralan a. Ti ma rovun roak Yesus nti rahan yai ralan, na norat Yesus ne, “Oa mtali ahu inba?” Naꞌuk Yesus wol nvalat ia.

1 Korintus 4:9

Yaꞌa unovak naꞌa ralang a ne, naꞌa sidovung tamata ovi rorang Yesus, na Ubu nfadoku roak van i koꞌu rahi lia munuk a verin ami rasul ra. Weamami lahir tamata ovi rfaleka roak inukun matmatan a verin ira, ma tamata ra ovu Ubu Ni sansinir ra tali lanit ratan irmunuk rbana al ramunin ira.